حب في الثانوية

chapitre 65

فوتت ليلة روعة مع آدم حتى الصباح باه رقدنا ، فقت كي بقا يبوس فيا قالي بطة حبي هيا نوضي باه نروحوا للدار
قتلوا خلي نزيد شوي ونوض  . قالي هيا نرجعوا وارقدي في الدار خير ، وليت نضت وجدت روحي وخرجنا ركبنا في الطونوبيل طريق كامل وانا نخمم ليوم قالي نجيبلك الراقي حاسة بالخوف . فاق بيا هز يدي باسها قالي عمري وشبيك ساكتة . قتلوا والوا نخمم برك . قالي فاه تخممي. قتلوا كي يجي لامام وش نقولوا . قالي قوليلوا  كلش وهو يعرف وش يدير . قتلوا ايه وصلنا انا ديراكت دخلت للشمبرة رجعت رقدت . مع غمضت عينيا غفيت شفت هديك لمرا لي موالفة نشوفها بصح هاد المرة شفتها لابسة القندورة تاعي الكحلة لي بالاصفر لي ملقيتهاش ومسيبة شعرها طويل حتى للارض ومتغششة ، بقيت نشوف فيها جاية تمشي جيهتي حتى وصلت ليا انا وليت نعيط ونبكي حسيت بيها حكمتلي يديا وليت نحرك في روحي باه تفكني . دخل آدم يجري عندي لقاني نتحرك في السرير قريب نطيح في الارض حكملي يدي قالي اريج خلاص راكي غير تحلمي افتحي عينيك خلاص حبي . بصح انا بقيت  نحرك في روحي خاطر مزلت نشوف فيها واقفة حكمتلي يدي ، دخلت عجوزتي ودنيا بقاو يخزروا حايرين وادم يحكم فيا مقدرليش وزيد خايف لا يضرني كي عدت بالحمل .وانا نضرب برجلي ويديا  سمعتوا قال لدنيا ازربي شعلي القرآن . راحت شعلت التيلي وحطت القرآن وزادت للصوت خلاص . انا سمعتوا فتحت عينيا تقول كنت تحت الارض ، بقيت نشوف منا ومنا ونحوس على المرا لي كنت نشوف فيها بصح ما لقيت حتى شئ خزرت معاه ورجعت نبكي بالصوت تحضني وقالي ياعمري خلاص متخافيش دوك ترتاحي وترجعي كيف ما كنتي متخافيش . حتى عجوزتي ودنيا رجعوا يبكوا معايا كي شافوني نبكي هكاك . قاتلي عجوزتي يا نندب عليك يا بنتي من جاك هاد الشي كامل وين كان مخبيلك . قالها آدم يما خلاص . سكتت وانا بقيت غير لاصقة في أدم نبكي ، هو يهدر معايا وانا غير ساكتة جسمي كامل يرجف سمعت عجوزتي قاتلوا نعيط ليماها تجي خير قالها ايه ، وصح وحد الساعة وماما دخلت عندي جات تحضنتني وتبوس فيا  تبكي . قعدت معايا قالي آدم دوك نجي . سمعتوا قال لعجوزتي نروح نجيب راقي ونجي . قتلوا وين رايح وتخليني وحدي . قالي منطولش عليك خمس دقايق ونرجع . لصقت فيه قتلوا لا متروحش حار معايا بقيت غير لاصقة فيه قالي خلاص مش رايح ارجعي ارقدي شوي .غفيت بين يديه ورجعت رقدت . فقت المرة هادي كي نوضني قالي هيا وجدي روحك راه جا الراقي كيما تفاهمنا لبارح قوليلوا كلش . قتلوا ايه ، جابلي حجاب لبسهولي وعدلي الخمار وخرجت معاه للصالة لقيت فيها شيخ كبير عرفتوا هو الراقي . انا قلبي عاد يرجف حكمت يد آدم وزيرت عليها . خزر معايا قالي وشبيك . قتلو خايفة . قالي متخافيش  هيا راني معاك كيما وصيتك . درتلوا براسي ايه . دخلت قعدت في الفوتاي مع آدم وراقي مقابلني مسكين مخزرش حتى فيا . قالي هيا بنتي احكيلي وش تشوفي .انا لساني تعقد من الخوف بقيت ساكتة قالي آدم هيا متخافيش قولي  . قالوا الراقي خليها براحتها . قالوا جيبلي المصحف . عطالوا آدم المصحف . فتحوا وقعد يقرى في القرآن ، وانا حاسة واحد يحرق فيا بالنار . جاني لخيال تاع المرأ ونسمع في صوت يقولي قوليلوا حبس.  نطقت قتلوا حبس  حبس بصح هو كمل يقرى وليت نعيط قتلوا قتلك حبس ، ورجعت نبكي لصقت في أدم نحاول فيه . قتلوا قولوا يحبس صاي . قالي اصبري برك ،كمل يقرى وانا نبكي من بعد حبس قالي هيا بنتي قولي وش قاعدة تشوفي . قتلوا مرا راهي هنا تشوف معايا ولابسة قشي . قالي كيفاه دايرة هاد لمرا قتلوا شعرها طويل . قالي كملي .قتلوا نسمع في صوت يوسوس فيا . قالي هيا بسم الله عاودي ورايا ، بقا يقرا في الايات تاع القران ويقولي عاود ورايا مقدرتش نعاود . حبس قال للآدم صاي احكمها . بقا آدم حاكمني وهو يرقي فيا ، وانا غير نتقيا في شي أكحل ونبكي ونعيط ، عداب كبير وادم غير يكوراجي فيا مسكين والدموع في عينيه حتى كمل الراقي ، حسيت بوحد الراحة تقول كنت  ميتة وحييت . قالي الراقي الحمد الله كيفاه راكي حاسة . قتلوا حاسة روحي خفيفة . قالي سلامات ، شوفي راح نعطيك ما مرقي اشربي منو واغسلي بيه ، ولازم كل يوم تسمعي القران الصلاة متبطليهاش حتى لوكان تصليها في الفراش . وحافظي على روحك الناس مافيهاش لامان ومن الاحسن متقعديش وحدك خلاص . قال لادم شوف ولدي مرتك راهي كانوا  ساحرينها وناس قراب ليك وفي قشها .انا من عندي ننصحك تحوس علا شكون دارلها هاد العمل على خاطر قادر يعاودلها . قالوا ايه ، خرج الراقي وانا تممدت في الفوتاي دخلت عجوزتي مع ماما ودنيا بقاو يسقسوا فيا على وش دارلي ووش قالي . وانا مش نسمع فيهم نخمم كيفاه كنت عايشة هاد اليمات تقول كنت ميتة . جا آدم قعد بجنبي قالي لاباس . قتلوا ايه لاباس ، قالي هيا ارواحي ارتاحي في الشمبرة خير.دخلت للشمبرة بدلت قشي . ماما قعدت معايا شوي وروحت . جات عجوزتي قاتلي شكون زعما لي عندو مصلحة يضرك بالشي هدا وزيد من جابوا قشك حتى يديرولك فيه السحر . قتلها منعرف . دخل آدم  قعد معانا . بقات عجوزتي تسقسي فيه قالها من العرس كي روحنا ملقاتش قندورة تاعها . قتلوا صح حتى لمرا لي نشوفها لابسة نفس القندورة . قاتلوا عجوزتي انا منخبيش عليك راني شاكة في مرت عمك ام كوثر نهار لي تعاركت اريج مع بنتها قعدت تتحلف فيها ، سمعتها بودني والله اعلم . قالها والله عرفتها بصح انا نعرف كيفاه نربيها السحارة . هز التلفون راح يعيط لعمو . قتلوا آدم وش قاعد تعمل . قالي انا نربيها . قاتلوا عجوزتي خلاص راح تربح العيب مع عمك في جرتها وكل عليها ربي وخلاص وانا دوك نروح نتفاهم معاها  . قالها يما متهبلنيش راهي ساحرتلي مرتي وتقوليلي تربح العيب وعلاباليش واش . قاتلوا مرتك دوك ترتاح وتفوت لحكاية . قالها متفوتش لحكاية حتى تخلصها غالية ، دوك نتفاهم مع راجلها يا يحكم رب# . يا انا نعرف وش ندير معاها . قاتلوا عجوزتي وش راك تهدر على عمك انت هبلت راني قتلك انا لي نوقفها عند حدها  . قالها ايه هبلت ديجا راني رايحلوا نتفاهم معاه ادا هو مش قادر يحكم في مرتوا  وخايف منها ، انا نعرف كيفاه نربيهالوا . انا بقيت غير نشوف معاه اول مرة نسمع آدم يحكي هكدا على واحد من عماموا كان ديما يقدرهم . بقا هو يعارك حاب يروح يقول لعموا وعجوزتي قاتلوا متروحش راح تخرب دار عمك وكل عليها ربي وصاي . كي شفت صاي عجوزتي مقدرتش تحكموا وهو صاي راح يقول لعموا ، انا لعبتها نتوجع . قتلوا آدم اجريلي كرشي وزدت فيها وليت نبكي ، هو مسكين ما فهم والوا رجعلي قالي اريج وشبيك وش يوجع فيك هيا نوضي نديك للطبيب . قتلوا متخلنيش وحدي . لصقت فيه وعجوزتي تخزر معايا وتضحك فاقت بيا ،قاتلوا كلوا منك انت ، انت لي راك تقلق فيها مسكينة . قالها يما وشبيك وقتاه قلقتها . قاتلوا هاك من قبيل وانت تعيط قدامها وهي مسكينة مريضة متحملش . قالي هيا حبي ارجعي ارقدي . قاتلوا عجوزتي اقعد معاها انا راني خارجة . خرجت وغلقت الباب تاع الشمبرة . حطيت راسي على صدرو قتلوا دومي حبي خلاص انسى لحكاية مش لازم تقول لعمك مسكين ، هو وين علابالو بلي مرتوا سحارة . قالي ربي يسهل عليه المهم يحكم ر## علينا . قتلوا خلاص حكاية وفاتت  على خاطري آدم متقولوش مسكين والله عيب كيفاه تروح تقولوا احكم مرتك علينا والله عيب وزيد مسكين عمك ناس ملاح . بقيت نحاول فيه حتى قبل ، قالي بصح اقسم بالله تزيد دور جيهتنا نباصي عليها ديراكت .
فاتت سمانتين بدات ترجعلي صحتي ورجعت كيف ماكنت . وادم ديما واقف معايا كل السمانة نروح نسويفي عند طبيبة تاعي بصح لوحم مزال شوي متعبني . في الليل انا ساهرة مع آدم نتفرجوا في فيلم في الشمبرة خاطر مزلت قاعدة عند عجوزتي . صونا التلفون تاعي لقيتها دنيا باعثتلي ميساج قاتلي اريج ازربي ارواحي للشمبرة تاعي نحتاجك . قتلوا آدم راني رايحة نقعد مع دنيا شوي ونجي . قالي تروحي تقعدي درك راه راح الحال . قتلوا راهي مزالت ساهرة . قالي روحي مطوليش بزاف . رحت للشمبرة تاعها لقيتها واقفة تستنى فيا عرفتها عندها حكاية كبيرة . قتلها غير الخير .قاتلي نحتاجك في حاجة . قتلها ايه قولي ، شفتها هبطت راسها حاشمة . قاتلي محمد حاب يجي يخطبني . قتلها شكون محمد . قاتلي محمد خوك اريج وشبيك ركزي معايا . قتلها خويا انا يخطبك انتي . قاتلي ايه راه قالي بلي نعجبوا وادا قابلة يجي يخطبني . قتلها وقتاه صرا هاد الشي كامل وعلاه انا معلاباليش . قاتلي والله غير قبيل شوي وين قالي بعثلي ميساج وانا جيت ديراكت قتلك . قتلها ربي يكمللكم حبيبتي والله فرحتلك من لول عرفتها بلي راح تكونوا لبعضاكم ،بصح فاه تحتاجيني . قاتلي قنعي آدم يقبل . قتلها لاه وش دخلوا هو ياك انتي لي راح تتزوجي ورايك هو المهم . قاتلي علابالي بصح من لول آدم قالي بلي حتى نكمل القراية ونتخرج ونخدم باه يقبل نتخطب .قتلها علاه هدا.  قاتلي راه خايف عليا قالي مزلتي صغيرة . قتلها ايه دوك نهدر معاه . طبطب الباب . فتحت لقيتوا آدم . خزر معانا  دنيا هبطت راسها قالنا وشبيكم. قتلوا والوا ، قالي هيا ترقدي راح الحال  . رجعت للشمبرة حكمت بلاصتي . قالي آدم ايه وش حكيتوا انتي ودنيا . قتلوا والوا حكينا برك .قالي ايه قولي وش حكيتوا . قتلوا دومي وشبيك حكينا حوايج تاع بنات انت علاه تحوس . قالي اريج غير مكلاه تكلحيني  بالهدرة علابالي راهي كاينة حاجة ومخبيتها عليا . قتلوا وش راح نخبي عليك . قالي معليش بصح نفيق بيك مخبية عليا حاجة انتي ودنيا واحد ما يفككم من يدي .