حب في الثانوية

chapitre 31

Vot comment and flow 😘❤️
جات دنيا سلمت على ماما و عليا ، قاتلي معلاباليش بلي تعرفي مريم قتلها ايه جارتنا ، قاتلي علابالك من لبعيد معرفتكش بقيت نتبث باه عرفتك , بقات تحكي معايا ومن بعد قاتلي ارواحي نعرفك على ماما وخالتي . 
نضت رحت معها وصلنا لطابلة لي كانوا قاعدين فيها ، دنيا قالت لامها ماما هادي هيا اريج ، قتلها مس الخير طاطا لباس قاتلي لاباس سلمت عليهم ، ومن بعد قاتلي انتي هيا مالا اريج قتلها ايه انا هيا وقلت في قلبي sûr بنتها حكاتلها عليا . رجعت قعدت مع ماما ، وكل ما ندور راسي نلقا ام آدم واختها يخزرو معايا ويكيلوا فيا ومن بعد يحكيو عرفتهم قاعدين يحكيو عليا وسوسوني في روحي .
جات غناية ملاحة تاع اعراس قاتلي ماما نوضي تشطحي شوي من جيتي وانتي قاعدة محبيتش ومن بعد قاتلي  هيا نوضي نشطحو انا وياك . نضنا نشطحو انا وماما ، انا من بكري نعرف نشطح بزاف وزيد تحمست مع الغناية عطيتها بشطحة من قلبي هك شوي وشفت خالت آدم ناضت تشطح حتى هيا وقدمت تشطح معانا . كي كملنا قاتلي الله يبارك عليك بنتي تعرفي تشطحي قتلها يعيشك طاطا ، سلمت على ماما وقاتلها ارواحي اقعدي معانا رحنا قعدنا معاهم . بقات ماما تحكي معاهم وانا نحكي مع دنيا . وكل ما ندور راسي نلقا امو تشوف معايا والله لمرا هادي وسوستني .
جات وحد لمرا كبيرة شوي قالت لماما مس الخير اختي، هادي الطفلة بنتك قلتلها ماما ايه بنتي قتلها والله يا اختي بنتك كي السكر دخلت قلبي كون نخطبك فيها لولدي تمديلي قتلها ماما يعيشك كلش بالمكتوب بصح مشكيتش باباها يقبل على خاطر مزالت صغيرة قتلها لمرا علاه قداه في عمرها قتلها ماما 16. قتلها لمرا مش مشكل اعطيني اسم باباها وانا نبعت راجلي وولدي يهدرو معاه ولكان فيها خير ربي يكتبها قلتلها ماما ايه .
كي راحت لمرا قاتلي خالتو والله عندها الحق لمرا انا كون جا عندي ولدي والله نخطبك ليه. الله يبارك عليك قمرة زين وصحة وشعر . قالتلها  ماما يعيشك،  انا فرحت كي قاتلي هكدا  تبسمت معها وسكت حشمتني .
جات غناية تاع راي والبنات الكل ناضو يشطحو، نطقت ام آدم قتلنا ليا ولبنتها نوضوا اشطحوا نحيو على بالكم . نضنا نشطحو انا شفت مع روحي في لمراية جيت تقول عليا هندية والله لخر فيهم نطيحو بصح الله غالب لي نحبو انا ماشو سامع بيا.
تعشينا كملنا السهرة حتى عيطلي خويا قالي هيا راني نستنا فيكم ، كي جينا هابطين عيطتلي دنيا قاتلي استناي نهبطوا مع بعض حتى انا راه عيطلي آدم باه نروحو ، كي سمعتها  رحت ديراكت للمراية نشوف في روحي بقيت نعدل في شعري قاتلي ماما هيا برك ياك رانا مروحين علاه تعدلي وتعاودي .
هبطنا مع بعضانا لقينا آدم واقف مع خويا ومڨاري طونوبيل تاعو بحدا تاع خويا .
كي وصلنا عندهم شفتو بقا يثبت ويشوف معايا حسيتو. تصدم بعد عينيه مني غير كي قاتلوا ماما آدم لباس قالها لاباس خالتي قتلوا واش قريب نفرحوا بيك ودير  العرس، انا عليا نديرلك الحلويات تاع العرس كل كادو من عندي قالها كثر خيرك  وسكت  معلاباليش علاه جاتني بلي ماما وادم مايتحاملوش ملڨري مع لول كانت ديما تشكر فيه  وتقولي معزتو عندي كي محمد .   ماما دارت لخويا قاتلوا علابالك محمد  خطبوني في اريج في العرس. قالها محمد تحكي صح ، شفت آدم طلع خزر معايا ومن بعد دور وجهو . قاتلو ماما ايه وقاتلي لمرا بلي راح تبعث راجلها يهدر مع باباك . قالها خويا غير مكلاه يشقي روحو ويجي اريج مازالت صغيرة على الزواج ، نطقت ام آدم قاتلوا طفلة ليها غير دار راجلها كبيرة ولا صغيرة راح تزوج راح تزوج . قالتلها ماما لي فيه الخير ربي يكتبو ومن بعد سلمنا عليهم وبقيناهم على خير وروحنا .  كل دخلت لشمبرة تاعي جاتني ماما قاتلي اريج ادا باباك جا سقساك على رايك في الحكاية تاع زواج قوليلوا بلي راكي قابلة قتلها ماما  تحكي صح انا مارانيش حابة نتزوج مزلت صغيرة . قاتلي انا نعرف مصلحتك وراني قتلك قوليلوا بلي راكي قابلة على الخطبة والعرس خلي حتى تدي الباك قتلها انتي ماما هبلتي تاع الصح حابتهم يخطبوني وانا في عمري 16. قاتلي ديري كيما قتلك ولا والله يا اريج غير نتبرا منك وخرجت . بقيت حايرة فيها جبتها ليلة كاملة وانا نخمم في شى لي قالتهولي ماما و نبكي حتى رقدت .

  غدوة الصباح نضت وجهي منفخ من البكا  وجدت روحي ليوم نقرى عند ادم عندي سمانة مقريتش عندو .
وصلت دخلت للقسم وبقيت نحكي مع شروق حتى نشوف فيه داخل باين بلي دجاج لكحل داير بيه ، وجهو ما يتفسرش . بدا يقري فينا بصح مخزرش في وجهي موالف ديما يسقسيني ولا على الأقل يحكي معايا بصح ليوم والوا . ما دارش جيهتي ابدا بقيت حايرة . كملنا زوج سوايع بسيف ، كي صونات تاع العشرة راحة كل خرجوا بقيت غير  انا وشروق  نلموا في حوايجنا ، قالي اريج ارواحي ، شروق كي سمعتو هزت حوايج تاعها ليه ليه وقاتلي راني نستنى فيك لتحت وخرجت . شفتوا وقف وتكا على البيرو ، رحت وقفت مقابلتوا .
قالي وش لحكاية تاع الخطبة هادي قتلوا ما كاين حتى حكاية مرا شافتني في العرس عجبتها جات حكات مع  ماما هدا ماكان . قالي ماماك تبان راهي قابلة لحكاية وعاجبتها  نورمال ، قتلوا منعرف عليها كيفاه تخمم ، مرة تقولي راكي صغيرة مرة تقولي راكي كبيرة ، تحب تدخل في حياتي بزاف قالي علاش تحكي عليها هكدا راهي ماماك وهي تعرف مصلحتك ، قتلوا ايه بصح ساعات  نحسها تكرهني . وليت نبكي حكملي يدي وقدمني ليه قالي وش دارتلك حتى تحكي عليها هكدا ، بقيت نبكي ونمسح في خشمي قتلوا قاتلي بلي كي يجي بابا ويسقسيني على راي في لحكاية نقولوا بلي راني قابلة ولا تتبرا مني ، تنهد ومسح على وجهو وشعرو قالي يماك هادي زادتلها بزاف .
سكت شوي من بعد قالي اقبلي قتلوا واش قالي ايه ادا خايفة من ماماك ديري وش قاتلك .