اول ما فتحت عينيا قابلني ضوء قاوي قلبي يضرب تقول عليا كنت تحت الارض بقيت نرمش في عينيا حتى تفكرت كلشي منيش مصدقة بلي مزلت حية نزلوا دموعي الحمد الله ياربي مامتش وانا كافرة كانت لحظة ضعف وراحت الحمد الله ، دورت عينيا للجيهة قابلتني التاقة شمس ضاربة والسما وزرقا ، دورت الجيهة الثانية قابلني آدم قاعد في الكرسي بجنبي مرجع راسوا ومغمض عينيه يبان راقد . بقيت نشوف معاه وانا نبكي الحمد الله يا ربي مهما يكون الانسان ايمانوا قاوي وداير الخير في حياتوا بصح يوصل للموت يخاف اول حاجة يخمم بواش راح من وجه راح يقابل ربي سبحانوا . شفتوا تحرك بلا ما يفتح عينيه ، زدت في البكا مقدرتش نهدر ونوضوا خاطر الماسك تع الاكسجين في وجهي حتى يديا مقدرتش نحركهم . شفت مفاتح فوق السرير بجنبي بقيت نعافر بيدي بسيف باه حركتها شوي و دزيت المفاتح بصباعي حتى طاحوا في الارض صوتهم خلاه يتحرك ويفتح عينيه عدل قعدتوا ومسح على وجهوا بلا ما يشوف معايا ، من بعد شاف معايا لقاني فاتحة عينيا نخزر فيه حسيتوا تصدم بقا غير يشوف معايا، من قدم عندي حط يدو على خدي قالي ريجا يا عمري فقتي راكي تشوفي فيا غمضت عينيا وفتحتهم تاع ايه هز يديا يبوس فيهم بهستيريا ويقولي الحمد الله على سلامتك يا روحي يا قلبي الحمد الله ليوم وين رجعتلي روحي يا قلب وعينين وجنة آدم ، كنت علابالي بلي مستحيل تسمحي فيا شحال توحشتك وتوحشت شوفت عينيك وضحكتك يا قلبي ، وقف قالي دقيقة نجيب طبيبة ونرجعلك يا روحي خرج. يجري شوي ورجع هو الطبيبة لي غير شافتني تبسمت قاتلي الحمد الله على سلامتك بنتي راكي تسنعي فيا درتلها براسي ايه . بقات معايا حتى كملت قالت لآدم كلش مليح عندها راهي عدات مرحلة الخطر بربي ان شاء الله سمانة ولا زوج تخرج للدار . غمضت عينيا . حسيت بيه قربلي وحكملي يدي قالها علاه عاودت رقدت .قاتلوا نورمال في حالتها غدوة تنوض . قالها يعطيك الصحة حكيمة قاتلوا بلا مويتي هادي خدمتي بصح واشنوا لازملها راحة وتتهلاو فيها . . قالها أن شاء الله . عاودت رقدت حتى لغدوة باه فقت مع جوايه الفجر نسمع في الهدرة في الشمبرة غير فتحت عينيا قابلتني ماما وخويا وبابا قاعدين دايرين بيا . غير شافوني فقت تلاحوا فيا يبوسوا فيا ويعاودوا ويحمدولي بالسلامة وانا غير نبكي ما لقيت حتى ردة فعل نديرها من غير لبكا يمكن من الفرحة لي راني حاسة بيها يعني حتى وش درت مزالوا يحبوني وخايفين عليا قعدوا معايا الصباح
أنت تقرأ
حب في الثانوية
Romanceقصة فتاة اسمها اريج تقع في حب استاذها من اول نظرة . ابطال القصة. اريج:طفلة عمرها 15سمرة حلوة شعرها طويل عينيها نوازات قصيرة وسمينة شوي مسرارة وحشامة آدم : استاذ يقري في ليسي علوم عمرو 30 جنتي .هو طويل وزين
