حب في الثانوية

chapitre 45

شفتو خرج من الدوش متوضي فرش السجادة ليا وليه . انا وقفت درت الخمار ووقفنا نصليوا هو قدامي وانا وراه . بدا يصلي بيا وانا معلاباليش حتى وش قاعدة نقرى تالموا مستريسيا وخايفة . كملنا دارلي حط يدو على راسي وبدا يقرا في الدعاء حسيت لحمي تشوك وانا نسمع فيه ، انا كنت ندعي في قلبي انو ربي  يقدرني نفرحو ونكون زوجة صالحة ويباركلنا في زواجنا  . كملنا وقفت ورحت قعدت فوق السرير وانا مزلت بالعباية والخمار . خزر معايا قالي نحي الخمار السخانة عليك  ، نحيتو وانا يدي ترجف ، جا قعد بجنبي وجبدني لحضنو . قالي علاه وجهك اصفر هكدا خايفة . درتلوا براسي ايه. مسحلي على راسي بيدو وبقا يقرى عليا في القرآن   وقالي معندك علاه تخافي ، هيا حبيبي  ترقدي راكي تعبانة .  انا قلت في قلبي الحمد الله ياربي تفكيت ،قتلوا  ايه تعبانة .
جيت راح ندخل الفراش قالي راح ترقدي بالعباية تاع الصلاة وليت نحيتها وانا راح نموت بالحشمة، نحيتها ديراكت ودخلت في الفراش . شفتو هو نحا تريكو ودخل بجنبي جبدني ليه وحطلي راسي على صدرو . وبقا يمسحلي على شعري ويهدر قالي علابالك من اول نهار شفتك فيه حبيتك وتمنيتك تكوني ليا ملڨري كنت نقول هدا شي موحال يتحقق. بصح شوفي راه تحقق وراكي بين يديا مرتي وحلالي . بستوا على صدرو قتلوا نحبك ، ضحك وقالي علابالي .  طلعت راسي خزرت معاه و قتلوا بصح معلابالكش اكثر حاجة نحبها فيك. قالي واش هيا  . قتلوا عينيك وطولك وهدرتك ومشيتك وعقليتك وشخصيتك وشعرك وضحكتك وبرك .عاد يضحك قالي وش خليتي . قتلو ما خليت والو أنا نحبك بكلك . 
خزر معايا ومن بعد باسني المرة لولة بقيت جامدة ومن بعد بديت نتفاعل معاه ،فيساع ما  طورت بيناتنا  وندمجت معاه حسسني بوحد الإحساس عمري ما جربتوا حتى وصلت لحظة المهمة ، قالي هيا حبي متخافيش . انا تخلعت و بديت نبكي حبس و رجع يبوس فيا قالي شوفي معايا ، خزرت معاه قالي  تحبيني قتلوا ايه ، قالي ثوتقي فيا قتلوا ايه ، قالي ملا خلاص علاه  خايفة هكدا  هيا حبي ارخفي روحك والله ما نضرك هيا .بقا معايا المرة لولة مقدرتش المرة ثانية كيف كيف . المرة الثالثة قالي هيا اريج علاه خايفة راكي رايحة تضري روحك حط يدو على قلبي وقالي  شوفي قلبك كيفاه يخبط   ، هيا حبيبي ارخفي روحك دقيقة وتفوت هيا. انا قلبي نحس فيه راح يخرج على صدري . بقا يساعف فيا حتى  حسيت روحي تقسمت على النص عيطت عيطة وحدة ، ودموع على خدي وديان . كمل  معايا مسحلي وجا باسلي راسي قالي مبروك علينا  مرجعتلوش .
دخل بجنبي وجبدني لحضنو وانا منيش حتى قادرة نحرك روحي تقول عليا مقسومة ، بقيت غير نبكي . بقا يمسحلي على شعري ويقولي ششش خلاص دوك يتنحى على حبي  ، هيا حبيبي ارقدي شويا غمضي عينيك دوك يروح ، بقيت ليلة كاملة وانا نتوجع مش قادرة حتى نحرك روحي بقيت في نفس وضعية  ،  غير نبكي وهو يواسي فيا ، من قوة ما غضتو ويشوف فيا نتوجع قداموا حسيتو ندم كي قربلي، حتى وصلت الخمسة ونص تاع الصباح باه بديت نحس روحي راح نغفا حتى مفقتش رقدت.
فطنت على صوت تاع الطبطيب في الباب ، شفت بجنبي ما لقيتوش ، شفت مع الساعة لقيتها 11تاع النهار ، سمعت الباب تحل وصوت تاع الهدرة من بعد صوت تاع زغاريت . رجعت غمضت عينيا حابة نرجع  نرقد نحس في جسمي كامل مكسر عليا ما نيش قادرة نهز راسي من الوسادة . دخل آدم لشمبرة ،  جا جيهتي طابس عليا بقا ينوض فيا ، قالي بطة حبي هيا نوضي يماك حابة تشوفك  ، ما حبيتش نفتح عينينا وتقلبت على الجيهة لاخرى ، قالي حبيبي وشبيك تعبانة . غطيت راسي بالغطا. قتلوا ايه تعبانة حابة نرقد . قالي خلاص نوضي شوي ومن بعد ارجعي ارقدي يماك حابة تشوفك. فتحت عينيا باسني على خشمي قالي صباح الخير على حبيبي . قتلوا صباح النور . قالي تنحات عليك لوجاعة . قتلوا   شويا ، بصح حاسة جسمي كامل مكسر عليا . قالي معليش دوك يتنحا على حبيبي هيا روحي دوشي يماك راهي تستنى فيك . وقف راح فتح لخزانة جبدلي بيجامة ، جبهالي بقيت نخزر معاه عبد كيف هدا كيفاه ما نعشقش فيه  ، حنانتو وحدها  تخليني ندوب فيه . حكمتها عليه وبستوا على يدو ، قتلوا نحبك ، قالي وانا نموت عليك ،لبست البيجامةووقفت من السرير حسيت الارض دارت بيا  ، زربت حكمت في يدو . حكمني قالي اريج وشبيك . قتلوا دنيا دور بيا . رجع قعدني في السرير ، قالي استناي متوقفيش دوك نجي ، راح الكوزينة جابلي كاس تاع الجي مع حبات تاع القاطو شوي فاكهة . حطلي الصينية فوق طابلة دو نوي . هز الكاس تاع الجي عطاهولي قالي هاكي اشربي دوك تتنحا عليك . شربت الجي وكليت القاطو ، قالي تنحات عليك . قتلوا ايه جبدني لحضنو قالي حياتي  عذبتك بزاف لبارح ، ضحكت وقتلوا ايه بزاف باسلي راسي قالي ياعمري انتيا ، حسيتوا كشغل حاط لوم على روحو انو ضرني.  ملڨري كنت حاشمة بصح نطقت .  قتلوا mais تمتعت مكنتش نتوقع راح تفوت هكدا  ،حسيت بحوايج عمري ما حسيت بيهم ، ضحك وباسني على رقبتي وقالي نحبك  ، قتلوا حتى انا ،  قالي هيا دوك روحي لدوش وجدي روحك باه يجيو يباركولك . وقفت نمشي بالعقل ملڨري مزلت موجوعة بصح مش كيف لبارح . دخلت دوشت ليه ليه ، وجبدت شعري طلقتوا  ودرت شوي مكياج وخرجت لبست بلوزة  الوهرانية في الابيض ومحجرة بالأحمر. مع صندال تاع الطالو ولبست دهبي والتاج. دخل آدم لشمبرة كان لابس كلاسيك ، بقيت نخزر معاه هدا راجلي انا حاسة بفرحة عمري ما نقدر نوصفها . نطق  قالي وجدت الشابة تاعي قتلوا ايه قريب نكمل . شفتوا فات للخزانة جبد منها باطة حمرة ، فتحهالي كان فيهاباغوغ تع دهب يهبل قالي هدا الكادو تاعك نورمالمو نمدهولك لبارح  في الليل بصح نسيت . قتلوا يا يهبل ، قدم لبسلي السنسلة والخاتم وبراسلي . وبقا يشوف معايا من بعد حضني قالي يا عمري على الزينة  تاعي ، قتلوا جيت شابة ، قالي جيتي شابة لدرجة خايف  يعينوك . حكمني من يدي وهبطنا لدار عجوزتي ، قالي مزلتي موجوعة بزاف قتلوا شوي كي نمشي برك قالي معليش دوك يتنحا.وصلنا دخلنا لقينا دار معمرة بالغاشي ، قتلو علاه الغاشي هدا كامل قالي باه يباركولك. قتلوا كيفاه راح نقعد قدامهم كامل نحشم .قالي معندك علاه تحشمي . كي شافونا دخلنا ناضوا يزغرتو ودارو لغنا ، وجاو يسلمو علينا ويباركولنا ، انا بقيت نحوس غير على ماما حتى شفتها خرجت مع عجوزتي من الكوزينة جات تزغرت وتسلم عليا وتحضن فيا . بعد ربع ساعة من التسلام والمباركة رحنا قعدنا في الصالة . هو قعد معايا شوي ووقف انا شفتو وقف وقفت معاه خرجنا ، قالي هيا حبي انا راني خارج تهلاي في روحك وما تبقايش دوري بزاف باه متتوجعيش قتلو ايه ، باسني على خدي وخرج .
رجعت قعدت نسا كل يخزرو معايا ووحايد يشطحو . بقيت قاعدة حتى جات ماما قعدت بجنبي ، قاتلي كيفاه فاتت ليلتك قتلها مليحة .قاتلي يخي تهنيتوا قتلها ايه قاتلي الحمد الله ياربي وادم كيفاه كان معاك قتلها آدم يحبني وكان معايا هايل قاتلي ربي يدوم عشرتكم ويخليكم لبعضاكم ، انتي برك تهلاي في روحك و في راجلك ، وخلي لقدر مع عجوزتك . قتلها ان شاء الله .
. فات لوقت حتى قاتلي ماما راني مروحة ، وليت نبكي قاتلي معندك علاه تبكي راكي عند راجلك  في دارك ربي يهنيك . سمعت آدم يعيط   ريجاا ، قاتلي ماما روحي شوفي راجلك علاه يعيطلك. وقفت روحتلوا حطني تحت جناحو ،قالي باباك وخوك حابين  يشوفوك . دخلني  للصالة ثانية لقيتهم لثم قاعدين انا غير شفتهم رحت نجري ليهم . قالي آدم بعقلك  عندك لا طيحي  .  بقاو يتحضنو فيا ويسلمو عليا تقول عليهم عندهم بزاف مشافونيش قعدت معاهم قالي بابا واش لحوال ياك راكي هانية قتلوا ايه الحمد لله . قالي الحمد الله ياربي ليوم وين تهنيت عليك وقعد يدعيلي . زيد جا آدم قعد معانا قالوا بابا تهلالي فيها راهي هيا ممو عينيا ، قالوا آدم بلا ما توصي .قالوا خويا ربي يكمللكم لعمارة الدار وباركولي ،شوي وقالولي رانا مروحين . انا وليت نبكي . سلمت عليهم وراحوا ، . قالي آدم وقت لي تحبي تشوفيهم انا نديك ليهم هيا حبيبي يزي بلا بكا مش مليح  . رحنا قعدنا في الصالة نص النسا روحوا بقاو غير القراب خالتو و عماتو   . انا صاي متت بالتعب حابة غير نرقد ما نيش  قادرة حتى نفتح عينيا الحاجة وليت نشوفها دوبل . كنت قاعدة بجنب أدم وليت تكيت راسي على  كتفوا ونسمع فيهم يهدرو زادوا نعسوني اكثر . قالي آدم بالعقل وشبيها  حبيبي حابة ترقدي قتلوا ايه ميتة بالنعاس . قالي هيا اطلعي لدارك وارقدي  خير . قتلوا اواه  عيب كيفاه نخليهم ونطلع . قالي مكاين حتى عيب . وقف  قالهم هيا اسمحولنا رانا طالعين قاتلوا عجوزتي ايه ولدي روحوا روحوا اريج تعبت مسكينة .
بالسيف باه طلعت في الدروج دخلنا للدار ، آدم قعد يحكي بالتلفون في الصالة . وانا  رحت للشمبرة بدلت قشي لبست بستي والفيزو تاعوا ، مسحت وجهي وديراكت رحت السرير راح نرقد .  دخل لقاني في الفراش . ضحك وقالي صاي كملتي بدلتي وراح ترقدي قتلوا ايه راني ميتة بالنعاس . قالي نبدل ونجيك . جبد سرفات من الخزانة وبدا يبدل قدامي نورمال ، انا حشمت غمضت عينيا . سمعتو يضحك قالي مغمضة عينيك  كشغل مشفتنيش لبارح . قتلوا يا احشم . كمل وجا دخل بجنبي وجبدني ليه قالي علاه نحشم راني مع  مرتي . تبسمت وقتلوا  عندك الحق . حكينا شوي ما فقتش حتى كيفاه غفيت رقدت وخليتو .

سمعتو ينوض فيا فتحت عينيا لقيت دنيا ظلمة  عرفتها طاح الليل. . قالي هيا حبي نوضي تتعشاي مكليتي والوا ليوم . قتلوا ايه دوك نوض . نضت قعدت ومن بعد عاودت تكيت  بقيت متكسلة في بلاصتي وهو مع الخزانة يجبد في قشوا . بقيت نمروح على وجهي حاسة لهوا مكانش خلاص. قتلوا آدم ، دارلي قالي وي حبي . قتلوا أفتح التاقة بحداك . قالي علاه لاكليم راه شاعل ، قتلوا حاسة لهوا مكانش خلاص .  خزر معايا ،حط قشوا وجا قعد بجنبي في السرير . قالي وشبيها عمري، علاه وجهك احمر كيف هك  . قتلوا ما نعرف  مانيش قادرة نجبد نفس. قالي وين راحت لاباراي تاعك . بقا يفركت عليها بين دوايات فوق طابل  دو نوي . قتلوا فضتلي نسيت باه نشري . خزر معايا وقالي اريج راكي تتمسخري كيفاه نسيتي تشري .قتلوا نسيت . وقف وقالي كيفاه نسيتي هادي . شفتو تقلق بقيت ساكتة . قالي آخر مرة تعاوديها المرة الجاية قبل ما تفض تقولي نشريلك ، قتلوا ايه . قالي اقعدي في بلاصتك متتحركيش  نهبط نشريلك دقيقة من لافارماسي ونجي .
خرج وخلاني بقيت في بلاصتي بصح تقول واحد يخنق فيا , بقيت نجبد في النفس بالسيف .  هبط عليا لعرق حتى من قشي حسيتو تبل تقول عليا قاعدة في حمام ، وراسي عاد يدور  الحاجة وليت نشوف فيها 10غمضت عينيا . سمعت صوت الباب تفتح عرفتوا آدم رجع . جا ديراكت قعد بجنبي . قالي ريجا رقدتي . فتحت عينيا قتلوا لالا ،حط يدو على جبيني ومسحلي لعرق قالي علاه عرقانة كيف هك . قتلوا منعرف . قالي هيا  حبي اقعدي ديري دواك راني شريتلك . عاوني  قعدت وتكيت راسي على السرير وحطيت لاباراي في فمي 5دقايق ورجعت نتنفس نورمال . قالي دوكا لباس قتلوا ايه.قالي هيا بدلي قشك نهبطوا نعشاو . رجعت تكسلت في فراش. قتلوا خلي برك  مانيش قادرة ناكل . قالي اريج وشبيك راكي من البارح ما كليتي والوا . قتلوا آدم خليني والله مش قادرة . عيط عليا قالي اريج يزي من دلال تاعك هيا نوضي تتعشاي .  وليت نبكي قتلوا والله مش قادرة حاسة جسمي كامل مكسر عليا خليني  ،وغطيت راسي بالغطا ، سمعتو تنهد و قالي خلاص حبي ارجعي ارقدي كي تجوعي نوضي . قتلوا ايه .