حب في الثانوية

chapitre 7

وصلنا انا وشروق وين كان واقف هو بحدا قاعة الاساتذة خزر معايا خزرة تاع شر باين بلي راح يرخسني قال لشروق روحي انتي انا نسحق اريج قتلو معليش أهدر ڨدامها نورمال وازرب باه نروحو راح يفوتنا الدرس نهدر بفاصو انا متوقعتهاش من روحي حتى شروق حارت فيا ولات تقلي في وذني وشبيك تهدري هكدا بعقلك كليتيه خزر معايا وقالي انتي تاع الصح وجهك صحيح قتلوا لاه وجهي صحيح وش درت شاف مع شروق قالها قتلك روحي يالله وكي يسقسيك علاها البروف قوليلو اي مع الاستاذ آدم راحت شروق بقينا واقفين درك وين تولهت بلي كي نوقف معاه نبان صح قزم ههههه قالي واش وصيتك انا على عفايس تاع صحانية الوجه هادوا لي ديري فيهم قتلوا وش من عفايس عيط عليا قالي اغلقي فمك كي نعود نهدر متناقشنيش و منيش ڨدك باه تقاطعيلي هدرتي . انا جاتني البكية اول مرة يعيط عليا واحد بالطريقة هادي كمل يهدر قالي تجري في الساحة وتلعبي بالماء شوفي روحك كيفاه مشمخة هادي هيئة تاع تلميدة متربية .انا هنا صاي طاحو دموعي وليت نبكي . قالي غدوة تجيبي بباك نهدر معاه نفهمو بلي بنتو لي بعتها تقرا تصبح جاية بالمكياج وزيد تجي تكملها لعب وتمهبيل وليسي كامل يتفرج فيها انا سمعت كلمة تاع مكياج خزرت معاه اخا هدا وقيلا هبل وينا مكياج لي درتوا قتلوا وقتاه شفتني مدايرة مكياج قالي بلا كدب صباح شفتك بيه قتلوا والله ماو مكياج هدا غير تاع الشمس و شوي غسيل قالي وعلاه حتى ديريه قتلوا البنات كامل يديرو قالي وش مدخلك فالبنات انتي مدريش الخماج هدا في وجهك وزيد هدا لي في شعرك غدوة تنحيه وترجعيه كيما كان قبل .هو يهدر وانا نبكي هدا والله غير هبل كيفاه نرجع شعري كيما كان وانا ديجا قصيتو. سكت وخزر معايا وقالي وعلاه ڨاعدة تبكي درك خزرت معاه الخزرة تاع واحد شاف عبد عندو زوج ريسان .قتلوا غدوة يجيك بابا وقولوا واش تحب قالي سما متخافيش منو قتلو لا جيست بابا عندو ثيقة فيا بلي جامي ندير حاجة غالطة وجيت راح نمشي قالي وش قلت انا على ليجاست هادو كي تعودي رايحة تطلبي الأذن قتلو اسمحلي راح نروح عندي درس قالي مكلاه تجيبي باباك غدوة بصح عندك نشوفك دايرة كيما ليوم سيرتو هاد الشعرات تهزيهم فهمتي سكت قالي اني نهدر معاك فهمتي قتلو ايه طلعت راسي وخزرت معاه تبسملي قالي دموع يخرجو على عينيك قتلوا هه🥺 قالي امشي يالله روحي تقراي