حب في الثانوية

108

جا نهار العرس بالخف نضت الصباح فرحانة ومتحمسة بصح مش خايفة لافامي تاعي ڨاع جاو باتوا معايا وسهروا معايا كي حنيت ، شربت حليبي معاهم شوي ووصلت لاغوب ليوم وين راح نشوفها هزيتها ودخلت للشمبرة فتحت لابوات لقيت فيها غوب بلونش كاملة تلمع بالحجر سير طاي من فوق كامل عريانة معاها البرنوس تاعها ولافوال طويل . عجبتني بزاف هزيت التلفون عيطتلوا هز عليا قالي وي حبي قتلوا لاغوب تهبل عجبتني .ضحك قالي علابالي راح تعجبك بصح البرنوس ميتنحاش خلاص راني وصيتك . قتلوا بصح كيفاش نبقى لابسة البرنوس حتى في لاصال متجيش .قالي وش لي ماتجيش تاعك والله تنحيه منتفاهموش غير مكان لاه تقلقيني . قتلو بصح قالي لا بصح لاوالوا انا شريتها هكدا باه نشوفك غير انا مش امة محمد كامل تشوفك وما تقوليلي غير نسا لا والوا . تنهدت قتلوا كيما تحب . قالي هيا مالا من بعد ان شاء . قتلوا من بعد هيا باي . كوبيت دخلت دوشت وخرجت لقيت الحفافة جاتني وقاعدة تستنى فيا مشطتلي ودارتلي مكايج كملت . لبست التصديرة لي راح نخرج فيها. دخلوا عندي خالاتي وعماتي بقاو يضحكوا عليا قالولي غيرر قولي عند شكون سحرتيه راجلك حتى عاود دارلك عرس مرة أخرى .قلتلهم سحرتوا في رجل نمالة يولي يشوفني غير انا . قالتلهم ماما قولوا الله يبارك متعينوليش بنتي . هما خرجوا وماما قاتلي من ليوم ليقولك هدرة كيما هادي اقراي المعودات في قلبك الناس تحسد. قتلها علابالي . جا الكورتاج خرجت وانا فرحانة ومتحمسة الخوف لي حسيتوا المرة لولة مكانش . ركبت معاه في الطونوبيل ديمارا والبارود يضرب نحيت على راسي البرنوس قتلوا يا درا كيفاش جيت شابة ولا لا . قالي شابة عمري شابة . قتلوا حتى اانت جيت شباب . قالي علابالي .ضحكت قتلوا غير حطلنا لغنا نزهاو . دارلي لغنا وانا نشطح ونغني وهو يقولي زيدي ، فوتنا على رومبوا فيها نافورات وورد احمر وشجر تهبل. قتلوا آدم نحبسوا نتصوروا هنا قدام الورد. قالي وشنوا غير متحلميش ،انا نهبط مرتي تتصور قدام الناس هداك لي بقا. قتلو ربي يعيشك ياك راح نتصور انا وياك . قالي لا واسكتي . قتلوا تعيش دومي تعيش حرام عليك والله سخفانة نتصور هنا هيا برك . قالي ياووو قلنا لا . بديت نهبط في الدموع قتلوا حتى نهار عرسي وتقولي لا حرام عليك تبقا في قلبي عمرك ما رفضتلي طلب وليوم نهار عرسنا تقولي لا مبقيتش ننسهالك . درتلوا درامة كبيرة وهو يقولي اسكتي علينا من لبكا
وانا نقولوا منسكتش . حتى نشوف فيه عاود دار على الرومبوا وڨارا قالي شوفي تهبطي تتتصوري فوطوا وحدة فوقها مكانش وحاجة منك تبان تموتي . قتلو قول والله . قالي راني وصيتك نلقا صبع منك يبان تخلصيها غالية ، هيا امسحي عليا خناينك . قتلوا معنديش بابي مشوار . جبد وحدة من الطونوبيل قالي هاكي . قتلوا امسحلي نخاف نقيس عيني بظوافر . قال الصبر برك يا ربي . ضحكت عليه مسحلي دموع . طبطب علينا خويا من تاقة تاع الطونوبيل . فتح آدم لقينا الطنوبيلات تاع الكورتاج قاع حبسوا قالوا خويا علاه حبستوا هنا غير الخير .قالوا آدم اختك قاتلي منروحوش حتا نتصور هنا . ضحك عليا محمد قالي هيا خفوا راح الحال . محمد راح وبقيت مع آدم قالي هيا رجعي على وجهك . قتلوا حتى وجهي نغطيه ؟ قالي اريج وش هدرت والله تقلقيني والله ما تهبطيها هيا . غطيت وجهي خليت غير قيس ما نشوف الطريق هو هبط وقودني حتى وصلنا وين النافورات والورد . قالي آدم بهدلني بيا الناس لي يفوت علينا يبقا يتفرج وانا غير نضحك سمعت صوت لي يصور قالنا ديروا وضعية باه نصور كروشيت فيه ودرت بوز على العمى صورنا كي كمل قالي آدم هيا تحركي صاي راكي تصورتي قتلوا نزيدوا وحدة قالي ريجا راني نلايملك فيها واحد ما يفكك من يدي تحركي قتلوا لا نزيدوا وحدة وصاي . قالي معليش نزيدو وحدة بصح تخلصيها دوبل . قتلوا انا نعرف كيفاش نخلصك . ضحك قالي مخي راح بعيد . قتلوا احشم . كملنا تصورنا زوج وحدخرين ورجعنا كملنا الكورتاج غير ضحك وزهوا وغنا وشطيح ، كي وصلنا للصال قالي هيا عمري كيما وصيتك ما تنحيش البرنوس تاع لاغوب ومتعبيش روحك بزاف يستنى فيك عداب من بعد في الليل . ضحكت قتلو متقدرش تخوفني . هبطت دخلوني للصال فات عرس يهبل كلش بالطبع والشان كأنوا اول عرس لينا .وصل وقت لاغوب لبستها وانا فرحانة جاتني تهبل ولبست معاها البرنوس كيما وصاني قصينا لابياس مونتي لبسنا لخواتم شطحنا فرحنا حتى وصلت 12 فض العرس. . خرجني من لاصال ركبنا في الطونوبيل دارلي غناية رومنسية مع دنيا ضلمة حطيت راسي على كتفوا وهو يسوق قتلوا فات كلش هايل راني فرحانة بزاف قالي ربي يدوم فرحتك حبيبي . طلعت راسي بستوا على رقبتوا ورجعت كيما كنت قتلوا ربي يخليك ليا ويخليك تاج راسي . قالي لاغوب زادت فيك نص .قتلوا مم . طلععلي راسي قالي وشبيك . قتلوا نعست حابة نرقد قالي اصبري نريڨلك الكوسالة وارقدي .قتلوا حابة نرقد هكدا. مسحلي على شعري قالي ارقدي عمري . مافطنتش حتى وصلنا للدار نوضني قالي ريجا صاي رانا وصلنا . هبطت وانا كي سكرانة من تعب ستنيتوا فتح الباب جيت راح ندخل قالي قولي بسم الله .قلت بسم الله ودخلت باليمنة .لقيت كلش في الدار باقي كيما خليتوا نفس الديكور حتى حوايجي لي خليتهم مزالوا . رجعت للصالة لقيتوا حاط لعشا في الطابلة قعدت ونحيت البرنوس والصباط وهو راح يبدل حوايجوا. رجع غمزني قالي غير خير راكي تعرتيلي . ضحكت قتلوا والله ما تحشم . قالي ارواحي تتعشاي ومن بعد نتفاهوا ادا نحشم ولالا . فاتت ليلة تهبل غدوة فطنت على صوت الباب شفت بجنبي آدم راقد دافن