حب في الثانوية

،chapiter 63

فقت الصباح لقيت روحي وحدي شفت الساعة لقيتها الوحدة تاع النهار ، قابلتني المراية تاع الخزانة وانا راقدة في السرير بقيت نشوف مع روحي، حاسة الملامح تاع وجهي مبدلين حاسة روحي باشعة وقفت من السرير وقدمت الكوافاز نخزر مع روحي ، بلا ما نحس بروحي هزيت المقص من فوق الكوافاز وحكمت لاماش تاع شعري نقطع فيها بالمقص بلا حتى ما نشوف في المراية كملتها وزيد فتحت شعري راح نقطعو كامل ، انا جيست مع حطيت المقص فيه دخل آدم شافني جاني يجري خطفلي المقص من يدي . قالي وش قاعدة ديري هبلتي . حكملي شعري قالي وش درتي في شعرك هبلتي انتي هبلتي تاع الصح .حكمتلوا يدو نجبد في المقص .قتلوا اعطيني المقص خليني نكمل نقصوا . عيط عليا قالي وشبيه ر## انتي نهار تاع ليوم حابة تجهليني وش داك  لشعرك ياك خليتك راقدة. قتلوا وش دخلك فيا شعري وانا مولاتوا حابة نقصوا تسالني . قالي نسالك ايه مرتي وندخل روحي كيما نحب ، ياك من لول قتلك شعرك مدوريش بيه ، مستحيل نخليك تقصي شعرة منو . وليت نبكي قتلوا حابة نقصوا. خزر معايا قدملي تحضني وقالي وشبيها بنتي علاه هدا الكل ياك خليتك راقدة لاباس عليك ، تحضنتو نبكي قتلوا شوف كيفاش وليت باشعة . مسحلي على شعري قالي بالعكس راكي زيد زينتي وحليتي كي السكر ، خزرت معاه قتلوا صح .  باسني قالي ايه صح ،خزرت مع المراية نثبث مع روحي . دورلي وجهي قالي معندك علاه تخزري في المراية المهم انا تعجبيني ونحبك ونموت عليك ، وشعرك هدا هو اول حاجة فتنتني بيك . قتلوا آدم متخلينيش وحدي ، قعدني في الارض وقعد معايا متحضني وانا لاصقة فيه . قالي اريج يا عمري اخزري معايا . طلعلي راسي خزرت معاه قالي قوليلي وشبيك اه ، قولي متخافيش راني معاك ، هيا قولي حبي هيا . قتلوا مابيا والوا . قالي اريج كيفاه مابيك والوا شوفي حالتك كيفاه متتمسخريش بيا ، غير قولي وشبيك هيا حنوني قولي هيا . بقيت نخزر معاه بصح خايفة كل ما نجي نهدر نشوف لخيال تاع المرأ  بين عينيا . حطيت راسي على صدرو قتلوا مابيا والوا خليني في حضنك برك . قالي يا عمري انتي ، وش قولك نسافرو للبلاصة لي تحبيها اه . قتلوا لا مش حابة . قالي علاه   تحبي نروحوا لتركيا ادا تحبي . قتلوا لا مش حابة نسافر حابة نقعد هنا برك . قالي كيما تحبي وقف هز لمقص ورجع قعد بجنبي قالي ارواحي نعدلك شعرك لي قصتيه منتف كي تاع المتشردين ، ضحكت . بقا يعدلي في شعري بالمقص قالي كون على الأقل كي حبيتي تقصي شعرك رحتي عند الحفافة ،كمل قالي شوفي راهي لاماش ولات روعة ، خزرت مع المراية عدلهالي كيما تاع الكوريين  قصيرة مع عينيا . قتلوا عجبتني ، قالي زادت فيك النص ، هيا روحي للدوش اغسلي وارواحي افطري راني جبتلك لي كراب تاع الشيكولا لي تحبيهم . قتلوا ايه  . دخلت للدوش دوشت ولبست بيجامة وخرجت لقيتوا جابلي الفطور للشمبرة ، قعدت في الارض فطرنا انا وياه مع الحكايات نسيت شوي الشي لي صرالي . كملنا قالي انا نخرج  مع صحابي شوي راهم عيطولي ونرجع ، ادا تحبي اهبطي اقعدي مع يما ودنيا . قتلوا لا راني مش قادرة . قالي ملا انا نخرج وانتي تهلاي في روحك ومتبقايش دوري بزاف . قتلوا ا ايه . باسني قالي راني هنا برك بحدا الدار ادا كاش ما كاين عيطيلي . قتلوا اوك  . خرج وانا هزيت الماعن ورحت شعلت المشينة تاع القش حطيتو يتغسل ورجعت للكوزينة نغسل في الماعن ، سمعت صوت عيطلي تخطفت من بلاصتي . من بعد قلت بلاك انا نتخيل برك . هك شوي سمعت نفس الصوت بصح المرة هادي قاوي حتى طيحت الكاس من يدي من الخلعة . خرجت نجري من الكوزينة ، رحت طفيت على الماشينة ، قلت بلاك راني نتخيل من الصوت تاعها . زيد سمعت نفس الصوت مع صوت تاع مشي .ويا  يما احكميني قريب نديرها تحتي من الخوف رعب جامي عشتوا في حياتي حسيت روحي هبلت صاي ،خرجت نجري من الدار باللحفا ، هبطت في الدروج نجري على قوة جهدي غير دموعي يسيحوا مقدرتش حتى نعيط من الخوف . انا وصلت ربعة درجات لاخرين تاع الدروج ونتعكل نطيح تكركبت فيهم حتى وصلت للارض ، عيطت عيطة وحدة قلت صاي باين طاح البيبي ، خرجت عجوزتي تجري كي سمعت صوتي لقاتني مرمية في الارض خبطت يديها وجاتني بقات تشوف فيا وتعيط على دنيا ، تفتح الباب ودخل آدم شافني على خاطر الدروج مقابل الباب . جاني يجري هزلي راسي من الارض . قالي اريج وش صرا على راكي في الارض ، وشبيك ، انا غير نبكي ونتوجع ظهري حسيتو تقسم على النص . قاتلوا عجوزتي وقيلا طاحت من الدروج ، حسيت حاجة سخونة هابطة في السروال تاع البيجامة ، شفت لقيتها دم ،خزرت مع آدم . قتلوا آدم دم دم آدم شوف الدم .بقا يمسحلي في دموعي قالي خلاص عمري ماتخافيش مكاين والو بالعقل برك . قتلوا ولدي راح ولدي .حكملي وجهي بين يديه قالي اشششش لمكتبها ربي هي لي تصرا ، هيا نديك للسبيطار متخافيش هيا .لبستلي دنيا عباية كحلة وخمار ، هزني بين يديه وحطني في الطموبيل من قدام وركب يسوق، قال لعجوزتي الحقي مع دنيا . طريق كامل وانا نتلوا ونتوجع بالصوت حاكمة روحي حاسة حاجة راح طيح مني . خزرت مع آدم كان يترعد عليا.  قتلوا وانا نبكي . آدم حاسة حاجة راح طيح مني . حكملي يدي باسها قالي استحملي شوي عمري رانا قريب نوصلوا ، متخافيش حاجة ما تهمني كان انتي ، صحا عمري كوراج متخافيش . غمضت عينيا بديت ندوخ . قتلوا ايه راني كوراج  . بقا يضرب فيا على وجهي باه نفطن والوا ،مخي صاحي وحاسة بكلش بصح انا دايخة ، نسمع فيه يعيط اريج أفتحي عينيك اريج هيا حبي افتحي عينيك . وصلنا للسبيطار هزني دخلني يعيط وين راها الطبيبة ، جاتو تجري قاتلوا حطها في السرير وانا قافلة رجليا على قوة جهدي حاسة حاجة راح طيح كون نفتح رجليا . قاتلوا وش صرالها قالها طاحت في الدروج وهي حامل في الشهر ونص . قاتلوا عندها نزيف قالها ايه . قاتلوا راح نديها للصال  تاع الولادة ادا تحب تجي ارواح معاها خير . دخلوني للصال هادي دارتلي أبرا ثم بعد حبس لوجاع ، كي جات راح تفتح العباية باه ديرلي  الايكو . محبيتش نخليها ، قاتلي متخافيش مش راح نوجعك ، قتلها لا راح تنحيلي ولدي . قعدت تحاول معايا والوا محبيتش نخليها من كنت دايخة فقت ، عيطت لآدم على خاطر كان واقف بحدا الباب.  قاتلوا ارواح فهمك مرتك انت خير. طبس عندي حكملي وجهي قالي بطة حبي خليها نشوفك هيا الفحلة تاعي هيا حبي . قتلوا لا راح تنحيلي ولدي كيما المرة لي فاتت . مسحلي على شعري قالي لا مش راح تنحيلك البيبي راهي راح تشوفوا برك ،راني معاك هيا حبي هيا  . خزرت معاه قتلوا صح . باسني قالي ايه صح هيا الفحلة تاعي هيا  ، فتحلي العباية كمل ،قاتلوا الطبيبة قولها تعدل روحها قدقد . قالي هيا حبي تكسلي في السرير قد قد باه ديرلك الايكو  . قتلوا لا  حاسة   كون نفتح رجليا حاجة طيح مني . قاتلوا الطبيبة خليها كيما راها متحركهاش  ، الوضع شوي صعيب  ، انا سمعت هدرتها وليت نبكي بالصوت وادم يقولي اششش متبكيش حبي لي فيه الخير ربي يجيبوا المهم انتي هيا عمري ، يزي من البكا راح ضري روحك اكثر . بدات الطبيبة ديرلي في الايكو  وانا نبكي خايفة لنكون طيحت البيبي وادم حاكملي يدي يكوراجي فيا ..كملت مسحتلي على كرشي ، قاتلي سترك ربي على آخر دقيقة منع البيبي . خزرت معاها نبكي قتلها صح مزال عايش . قاتلي ايه بصح لازم تساعدي روحك على قد  ما تقدري حالة تيعك راهي صعيبة شوي ، منخبيش عليك قادر في أي دقيقة يطيح البيبي ، دونك لازم الراحة بلاصتك متتحركيش منها . قالها آدم ياك مكانش خطر عليها هيا ، ادا البيبي راح يضرها تهبطوا .قتلوا آدم وشبيك هبلت كيفاه نهبطوا .خزر معايا قالي ايه ادا راح يضرك هبطيه معندي ماندير بيه . قاتلوا الطبيبة متخافش مش راح يضرها ادا لقات الراحة النفسية والجسدية . وراح تعودي تبعي عندي كل سمانة اوك .قتلها اوك . قاتلي هيا الفحلة اسمعي الكلمة ، وتهلاي في روحك . قتلها ان شاء الله . خزرت مع آدم وقاتلوا قداه في عمرها قالها 18. قاتلوا صغيرة دونك لازم تكون معاها على الأقل مرا كبيرة تعرف يماها ولا يماك ، باه حتى ادا جاتها اعراض يقدرو يسعفوها هما قبل حتى ماتجي  لهنا. قالها وش من اعراض . قاتلوا حنا رانا نحطو الإحتمالات الكل ، قالها صاي راني فهمتك . خرجت وخلاتنا بعد ما دارتلي السيروم ، قعد آدم بجنبي ، باسني وضحك قالي علابالك ركبتيلي السكر من الخلعة تاع ليوم . هزيت يدو بستها ،قتلوا نحبك . قالي من ليوم نقعدو عند يما مكانش طلعة في الدروج . قتلوا ايه حتى انا منحبش نبقى وحدي .قالي كيفاه حتى طحتي  كدبت عليه قتلوا كنت هابطة نقعد مع دنيا تعكلت في الدروج طحت . جات ماما وعجوزتي ودنيا  ومحمد ، قعدو معايا ، قاتلي ماما تجي عندي . خزرت مع آدم نشاور فيه ، دارلي براسو لا .قتلها خلي برك نقعد في داري خير . قاتلي دبري راسك المهم تهلاي في روحك . قالتلها عجوزتي تهناي انا نتهلا فيها . كملت ليلة في السبيطار ، جابلي آدم قشي بدلت ، وقعد معايا حتى طلع الصباح ، جاتني الطبيبه قاتلي تقدري تخرجي بصح كيما وصيتك . قتلها ايه .