حب في الثانوية

chapitre 91

آدم
هكدا فاتوا ليامات بين الخدمة والدار كان يجيبها نهار كامل في الخدمة غير باه ميخممش فيها حتى نهار روح من الخدمة طلع دايراكت  لدارو حط يتعشا وفكرة تديه وفكرة تجيبو حتى سمع الباب ناض فتح لقاها يماه دخلت قعدت مقابلاتوا قالها واش يما راح تبداي الهدرة تاع كل يوم  . قاتلوا  ايه الهدرة تاع كل يوم انت لوقتاه راح تبقى هكدا نهار كامل ونت الخدمة الخدمة توله شوي لحياتك حاط روحك مزالك صغير راك قريب 35 وانت لا مرا لا ولاد قالها يما غير اخرجي من راسي يرحم باباك ديجا راني منيش في مورالي . قاتلوا علاه وشبيك وش خاصك ، خاصك غير مرا تعمر عليك الدار ولاد . قالها يما ادا راح تبقاي تهدري على هاد الحكاية غير اهبطي . قاتلوا مفمهتش انا علاه راك داير في روحك هكدا لا انت اول واحد لا آخر واحد يطلق مرتوا مدام طلقت عاود تزوج . قالها وشبيك انتي وين نزوج  . قاتلوا شوف يا آدم والله ما نرضى عليك لا دنيا لا اخرة  ادا مخطبتش وتزوجت . قالها يما واش هاد الهدرة لي راكي تقولي فيها .قاتلوا ايه كيما سمعت انا حباتك تزوج ولا راح تبقى حياتك كامل عايش هكدا ، راك خدام لاباس عليك الله يبارك  طول بعرض الف وحدة تتمناك من غدوة تروح تخطب لالات نسا تنسيك فيها . قالها صحا كيما بغيتي تقدري تخليني نكمل عشايا راني تعبان راح نرقد قاتلوا كمل من غدوة نحوسلك على مرا لي تليق بيك .قالها خلي برك انا نشوف وحدي .قاتلوا اسمع مش تروح تجيبلي وحدة  .  قص عليها الهدرة وقف قالها راني رايح نرقد اخرجي واقفلي الباب وراك  . دخل للشمبرة تكسل في السرير يفكر  يماه عندها الحق حتى هو حاب ينسا كره من التخمام فيها نهار كل وهو يخمم فيها بزاف عليه حاس بلي حياتوا حبست من نهار لي طلقها لازم يقدم خطوة في حياتوا راح يبقى غير هكدا العمر يجري وهو كبر لي قدوا راهم بولادهم .
غدوة في البيرو يخدم حتى دخلت عندو اميرة قعدت بقا يشوف معاها علابالوا بلي كون يقولها نخطب تقبل ديراكت .قالها اميرة عندك شكون في حياتك يعني مخطوبة ولا متزوجة . تبسمت زعما حشمت  قاتلوا لا مزلت عازبة .قالها كون نخطبك تقبلي . ضحكت وعينيها لمعوا وطارت عليها الحشمة لي كانت متصنعتها  قاتلوا أكيد نقبل أصلا مكانش وحدة ترفضك . قالها اعطيني النميرو تاع باباك نحكي معاه .قاتلوا اوكي .وهكدا بالخف دارو خطبة بيناتهم برك وقرروا انو يديروا كلش مع بعض فاتحة وعرس في الصيف . فاتوا ايمات حتى نهار دخلت عليه السكرتيرة تاعو هازة في يدها اونفلوب قاتلوا عطاهولي مدام اريج وقاتلي نقولك بلي متحتاجش دراهمك . تخلع قالها اريج وين راهي  راهي هنا ، علاه مدخلتيهاش .قاتلوا راحت قلتلها تدخلي محبتش . خرج يجري باه يلحق عليها هبط في الدروج لحق عليها ركبت في تكسي وراحت هبل يعني كانت في نفس لبلاصة لي هو فيها ومقدرش يشوفها رجع وهو يلعن في زهرو لي ديما واقف كنترو .
عاد كل صباح قدام دارهم يعس حاب غير يشوفها حتى لوكان من بعيد  حتى نهار شافها خارجة مع محمد تبعهم حتى وصلوا لاكادمي .كي خرجوا دخل سقسا عرف بلي سجلت باه تقرا فارمسي . وهكدا على الأقل عرف حاجة عليها ، عاد من يلقا وقت يخرج من الخدمة يروح يشوفها من البعيد حتى جا نهار الفاتحة تاع دنيا وصرا لي صرا .