အပိုင်း(၉၄.၂)
"ဒီဓားရဲ့ဇစ်မြစ်ကိုဆရာသိလား?" လော့မင်ဒီမေးခွန်းကိုမေးလာရတာက ဒီဓားမှာ သမိုင်းမှတ်တမ်းတွေရှိနေမယ်လို့ သူ့အသိစိတ်ကခံစားနေရတာကြောင့်ပဲ။
"ဒါကတကယ့်အကြမ်းဖျင်အတွေးခေါ်ပဲ၊" ဆရာမော်က ဆက်ပြောလာလေတယ်၊ "ဝိညာဥ်လက်နက်တော်တော်များများမှာ ဇစ်မြစ်မရှိဘူး၊ ဒီတော့ ရှေးဟောင်းသုတေသနပညာရှင်တွေက အဲဒီဝိညာဉ်လက်နက်တွေကို သင်္ချိုင်းပိုင်ရှင်တွေရဲ့မြှုပ်နှံခြင်းပစ္စည်းဥစ္စာတွေလို့ မှတ်ယူလိုက်ကြတယ်၊၊ ဒါပေမဲ့ ဒီဓားမှာဇစ်မြစ်ရှိတယ်၊ ကျွမ်းကျင်သူတွေက ပိုတိကျသေချာအောင် သမိုင်းစာအုပ်တွေ ရှာဖတ်ကြည့်ရဦးမယ်လို့ပြောကြပေမဲ့ပေါ့။ ဒါပေမဲ့၊ ၈၀%လောက်တော့ မှန်မယ်ထင်တယ်။"
"ဒီဓားနာမည်ကဘာလဲ?" လော့မင်မျက်လုံးတွေ မသိမသာလှုပ်ခါလာလေတယ်။
"ခဏလေး၊ ငါစစ်ဆေးကြည့်လိုက်ဦးမယ်၊" ဆရာမော်က သတင်းအချက်အလက်တွေကို ပြန်လှန်ကြည့်လာလိုက်ပြီးနောက် ဖတ်ပြလာလေတယ်၊ "ယဲ့တိုင်းပြည်ရဲ့ရတနာဓား။ သူ့ကိုယ်ထည်က ပုစဥ်းရင်ကွဲတောင်ပံလို ပါးလွှာနေပြီး၊ ရေလိုကြည်လင်လှတယ်၊ ပြီးတော့ အလွန်ကိုထက်လှတယ်။ သူ့နာမည်က 'လင်ကျီ'တဲ့။"
တကယ်ကို အဲ့နာမည်ပဲ။
လော့မင်က နှုတ်ခမ်းစေ့ထားပြီး အနက်ရောင်ဓားရဲ့ပန်းချီကားချပ်အား စိုက်ကြည့်နေလိုက်လေသည်။ 'လင်ကျီဓား'ရဲ့ရှေးခေတ်တုန်းကမူရင်းပုံပန်းသဏ္ဍာန်ကို အဲ့အပေါ်ကသံချေးတွေကိုထိုးဖောက်ပြီး သူမြင်တွေ့နေနိုင်သလိုမျိုးပေါ့။
"ဒီမှာပြောထားသေးတာက ဒီဓားက ယဲ့တိုင်းပြည်ရဲ့နိုင်ငံပိုင်ရတနာတဲ့ ပြီးတော့ ဓားကို ယဲ့တိုင်းပြည်ကိုနောက်ဆုံးအုပ်ချုပ်ခဲ့တဲ့ဘုရင့်သမီးတော်၊ လင်ကျီ၊ ယဲ့တိုင်းပြည်ရဲ့စစ်နတ်သမီးထံပေးခဲ့တယ်တဲ့။" ဆရာမော်က သက်ပြင်းချလိုက်လေတယ်၊ "ဒီနာမည်ကို ရတနာရဲ့နာမည်အတိုင်းပေးထားခဲ့တာတဲ့၊ ဒီတော့ အဲဒီဘုရင်က သူ့သမီးတော်ကို ဘယ်လောက်ချစ်မြတ်နိုးလဲဆိုကြောင်းသိသာနေတာပဲ။"
ESTÁS LEYENDO
ယုံချင်ယုံ မယုံချင်နေ၊ ငါမင်းကိုဖမ်းမိပြီ!【MM Translation】
Romanceၿမိဳ႕ေတာ္ရဲ႕အထက်တန်းအသိုင္းအဝိုင္းၾကားမွာ ေကာလဟာလအမ်ားအျပား႐ွိေနေလတယ္။ အမည္မသိလူခ်မ္းသာ ၁: ငါၾကားတာေတာ့ ျပန္ေပးဆြဲခံရတဲ့ ၿမိဳ႕ေတာ္ဝန္ခ်န္းရဲ႕သမီးကို ေနာက္ဆုံးေတာ့ျပန္႐ွာေတြ႕သြားၿပီတဲ့၊ ေကာလဟာလေတြအရ သူမကို နက္႐ိႈင္းေဝးလံတဲ့ေတာင္ဆီကိုေရာင္းစားခံလိုက္...
