Hello Again, Mr. Billionaire

Chapter - 14

YUAN

Nang iwan kaming tatlo ni Daddy sa kwarto ko ay nilapitan ko si Mommy. I want to make sure na walang gagawin ang ama dahil sa nangyari. Kaya pagkahatid niya kay Mirasol sa silid nito ay kinausap ko nang sarilinan ang ina.

"Mom, kausapin mo si Dad. Kailangan ko siyang mapapayag," sabi ko.

"Yuan . . . Napakabata mo pa para mag-desisyon nang ganiyan. Paano kapag nalaman ni Flor ang ginawa mo kay Mirasol? Pwede ka niyang ireklamo ng pangmomolestiya at tiyak na kami ng daddy mo ang malalagay sa alanganin," naiiyak na tugon ni Mommy.

"Hindi ko naman balak na bastusin si Mirasol. It's just happened—I don't know how to explain but I felt the need to touch her . . ." Nahihirapan akong ipaliwanag sa ina kung ano ang nangyayari sa akin. I'm desiring a child. Hindi ko na-control kanina ang sarili ko, but God knows na hindi ko sinadya iyon.

"Sa tingin mo ba, sa nakita ng daddy mo ay hahayaan niya na magsama pa kayo sa iisang bahay ni Mirasol?"

Natigilan ako sa narinig. Bigla akong nakadama ng takot sa sinabi ni Mommy.

"H-hindi niya pwedeng ilayo sa akin si Mirasol."

"Yuan . . . Kung ako lang, naiintindihan kita. Pero, anak, dehado si Mirasol sa ginagawa mo. May tamang oras para sa ganiyan kung talagang mahal mo siya. You just have to wait!"

"I can do it, Mom. Kung kinakailangan ay ako ang lilipat ng tirahan para hindi na aalis dito si Mirasol. Mom, I will do that just to make sure na hindi siya mawawala rito—na pagdating ng tamang panahon na sinasabi mo ay dito ko lang siya matatagpuan. Mom, please? Help me!" nakikiusap ko pang saad kay Mommy. Niyakap niya ako, iyong yakap na may pang-unawa. Kaya natuwa ako dahil alam kong tutulungan ako ni Mommy. Nagkaroon ako ng pag-asa.

"Matulog ka na muna, okay? Lasing na lasing ka. Tingnan mo at nanginginig ang katawan mo?" masuyo nitong wika bago bumitaw sa akin saka niya hinaplos ang mukha ko.

"Mom . . . Please?"

Marahan itong tumango na ikinapanatag ng aking loob. "Susubukan kong kausapin ang daddy mo. Matulog ka na muna," aniya.

Sapat na sa akin iyon para mapanatag. Nais ko sanang puntahan si Mirasol para makapagpaliwanag dito pero naisip kong bukas na lang.

Nahiga ako sa kama at si Mommy naman ay kumuha ng bimpo saka ipinunas sa aking mukha at leeg. Kahit sobra ang aking kalasingan ay hindi ako nakatulog agad. Pinag-isipan ko munang maigi ang mga dapat gawin simula sa araw na iyon. Binago ko rin ang ilan kong mga plano para sa amin ni Mirasol. Bukas ay kakausapin ko ulit si Daddy tungkol doon. Tiyak na papayag ito.

Kaya naman kinabukasan ay masigla pa rin akong gumising. Alas-dies na ako lumabas ng silid dahil tinanghali ako. Dumeretso ako sa kusina at tinawag si Bing saka nagpahain ng pagkain dito.

Masigla akong nag-almusal habang iginagala ang paningin sa paligid. Hinanap agad ng aking mga mata si Mirasol pero wala ang dalagita. Ipinagkibit-balikat ko iyon at inisip na nagwawalis lamang ito kung saan mang parte ng bahay.

Pagkakain ay lumabas ako at palihim itong hinanap. Nagtaka pa ako nang makita na kompleto ang sasakyan ni Daddy sa garahe. Hindi pala ito pumasok sa kompanya? Ipinagsawalang bahala ko iyon at nagtungo sa hardin. Doon madalas magdilig si Mirasol, ngunit pagdating ko roon ay wala ito.

Nasaan na kaya iyon?

Pagbalik ko sa loob ng bahay ay namataan ko si Pauline na nakatingin sa akin habang hawak ang manika niya.

"Hey?" bati ko sa kapatid. Lumapit ito at yumakap sa akin.

"Hinahanap mo ba si Mirasol?"