မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter (20)

Unicode
                 အခန်း (၂၀)

အစိမ်းရင့်ရောင် အတွင်းဝတ်အင်္ကျီဝတ်ထားသော လူတစ်ယောက်သည် ပျက်စီးယိုယွင်းနေသော အခန်းတစ်ခန်းထဲသို့ ဝင်ရောက်လာခဲ့သည်။ထိုလူကြီးသည် ကြမ်းပြင်ပေါ်တွင် လဲကျနေသော အရာတစ်ချို့ကို ကန်ကျောက်လိုက်ပြီးနောက် ကြမ်းပြင်ပေါ်တွင် မယုံနိုင်ဖြစ်နေသော အမူအရာဖြင့် ထိုင်နေခဲ့သည့် Jacksonဆီသို့ ချဉ်းကပ်လာခဲ့သည်။ သူ့ရဲ့တည်ရှိမှုကို ခံစားမိလိုက်သော  Jacksonသည် ခေါင်းကိုထောင်လိုက်ပြီး ရှေ့တွင် လာရပ်နေသော ထိုလူကြီးကို ကြည့်လိုက်သည်။

“ ဘယ်သူလဲ.…? ”

“ မင်းရဲ့ညီအစ်ကိုတွေ အဖမ်းခံလိုက်ရပြီ ”

Jackson Jackson၏ရဲရဲနီနေသော မျက်လုံးများမှာ ထိုလူစိမ်း၏စကားများ၌ မျက်ရည်များဖြင့် ပြည့်လျှံလာခဲ့သည်။ထို့နောက် သူ့ရဲ့လက်သီးများဖြင့် ကြမ်းပြင်ကို ထိုးနှက်ကာ ပြင်းပြင်းထန်ထန် ငိုကြွေးလေတော့သည်။ထိုလူကြီးသည် Jackson၏ ဆူညံသောအသံကြောင့် မျက်မှောင်ကြုတ်ကာ သူ့၏လက်များဖြင့် နားရွက်ကို ကာထားလိုက်၏။

“ မင်းက ရေတူးမြောင်းထဲမှာ ကြွက်တစ်ကောင်လို နေထိုင်ခဲ့ပြီး မင်းရဲ့ ပထမဆုံးအကြိမ်အနေနဲ့ အချီကြီးစားရတော့မှာမလို့ စိတ်လှုပ်ရှားနေခဲ့တာမလား? ”
“ မင်းဘာသိ… ”
Jacksonသည် ဝုန်းခနဲ ထရပ်လိုက်ပြီး သူ့ရှေ့က လူကြီးကို စိုက်ကြည့်လိုက်၏။သူ့ရဲ့ကျစ်ကျစ်ဆုပ်ထားသော လက်သီးများမှာ တုန်ရီလျက်ရှိသည်။သူ့ပုံစံမျာ အလွန်ပျော့ညံ့နေပုံပေါက်နေသောကြောင့် ထိုလူစိမ်းက သူ့ကိုကြည့်ပြီး ကျယ်လောင်စွာ ရယ်မောလာသည်။

ဘယ်လိုဖြစ်လို့ ဒီကောင်က ဒီလောက်တောင် ပျော့ညံ့နေရတာလဲ?

သူက ထပ်ပြီး အသုံးဝင်နိုင်သေးတယ်လို့ တွေးမိလိုက်တဲ့အတွက် ထိုလူကြီးသည် ကိုယ်ကိုနှိမ့်ကာ Jacksonအနားသို့ တိုးတိုးလေး ကပ်ပြောလာသည်။

“ Mary Conler ”

“ ဘာလဲ? ”

“ မင်းကို အခုလိုဖြစ်အောင် လုပ်ခဲ့တဲ့ တရားခံလေ။ မှတ်မိတယ်မလား? ”