Unicode
အခန်း ( ၁၀၃ )
ယနေ့သည် Marquis Borneau က Conler သို့ လာရောက်မည့်နေ့ဖြစ်လေသည်။
Mary မနက်အိပ်ရာနိုးသည်နှင့် သပ်ရပ်သန့်ရှင်းသော အနက်ရောင်ကတ္တီပါဝတ်စုံကို ဝတ်ဆင်လိုက်သည်။ ဧည့်ခန်းရှိ ဆိုဖာပေါ်တွင် ထိုင်နေရင်း Marquis Borneau ရောက်ရှိလာမည့်အချိန်ကို Mary စောင့်နေခဲ့သည်။
ယနေ့မှာ အသေအကျေတိုက်ပွဲဝင်ရမည့်နေ့ ဖြစ်တာကြောင့် Mary မနက်စာကို အားရပါးရ စားခဲ့သည်။
Mary ၏ အစားအသောက်အပေါ် အာရုံစိုက်ဆုံးဖြစ်သော Bonita က ဒီနေ့ အသင့်အတင့်ပဲစားဖို့ Mary ကို အကြံပေးခဲ့ပင်မဲ့ ဘာကြောင့်မှန်းမသိ Mary ဗိုက်ပြည့်အောင် စားဖို့ လိုအပ်သည်ဟု ခံစားနေခဲ့ရသည်။
နားလည်မှုလွဲတာတစ်ခုခု ရှိနေမှာဖြစ်ပြီး သူမသာ Marquis Borneau နှင့် ရှင်းရှင်းလင်းလင်း ပြောဆိုလိုက်လျှင် ဤပြဿနာမှာ ပြေလည်သွားလိမ့်မည်ဟု ယုံကြည်သည်။
Lucas က Mary ကို ပုံမှန်အတိုင်း စနောက်ကာ ပြောဆိုနေသော်လည်း သူ့လေသံတွင် ဒေါသအငွေ့အသက် အနည်းငယ် ပါဝင်နေခဲ့သည်။ ပြန်ပေးသမားက Mary ကို လက်ညှိုးထိုးခဲ့သည်နှင့် Mary ဟာ ပြစ်မှုကျူးလွန်သူများထဲမှ တစ်ဦးဖြစ်သည်ဟု ကောက်ချက်ချလို့မရပေ။ ထို့ကြောင့် လျစ်လျူရှုထားလို့ မရနိုင်သည့် နောက်ထပ်အကြောင်းအရာတစ်ခုခုရှိနေခြင်းကြောင့်သာ Marquis Borneau က Conler သို့ လာရောက်လည်ပတ်ခွင့်ပြုရန် Grand Duke အား တောင်းဆိုခဲ့ခြင်းဖြစ်ပေလိမ့်မည်။
Lucas က ထိုသို့သောစာမျိုးပေးပို့ခဲ့သည့်အတွက် မပျော်မရွှင်ဖြစ်နေပုံရကာ ထိုသူက Grand Duke ၏ သမီးဖြစ်ပြီး Astina ၏ အရင်းနှီးဆုံးသူငယ်ချင်းဖြစ်သော Mary အပေါ် သံသယဝင်နေကြောင်း ဖော်ပြခဲ့သည်။
အမှန်တော့ Mary က ဤပြစ်မှုအတွက် သံသယရှိသူအဖြစ် သတ်မှတ်ခြင်းခံလိုက်ရကြောင်း သိလိုက်ရသောအခါ Mary ကိုယ့်အခန်းကို ပြန်သွားပြီး ထိုကိစ္စကို လေးလေးနက်နက် စဉ်းစားခဲ့သည်။
မည်သူပင်ဖြစ်စေ၊ ထိုသူက Mary ကို ဒုက္ခပေးရန် ကြိုးစားနေသည်မှာ ထင်ရှားသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
