Unicode
အခန်း ( ၁၃၀ )
“ ချီးပဲ သူ ဘယ်လို စည်းရုံးလိုက်တာလဲ? ”
Mary က တခြားလူများ ထွက်လာမည့်အချိန်ကို စောင့်ဆိုင်းနေစဉ် Theodore က ခပ်တိုးတိုး ရေရွတ်လိုက်ရာ၊ သူဘာကိုဆိုလိုသည်ကို မေးမြန်းသည့်အလား Mary က မျက်တောင်လေး ပုတ်ခတ်ပုတ်ခတ်ဖြင့် ကြည့်လိုက်မိ၏။ Theodore က ကျီစယ်လိုဟန်ဖြင့် ပြုံးလိုက်သည်။
“ မင်း Gil ရဲ့ ခွင့်ပြုချက်ကို ရခဲ့ပြီလား? ”
Mary က ခရီးဆောင်အိတ်ထဲမှ ပစ္စည်းများ ပြည့်စုံမှု ရှိ၊ မရှိ စဉ်းစားရင်း ပျော်ရွှင်စွာ ပြုံးပြကာ ခေါင်းညိတ်ပြလိုက်သည်။ Tahata သို့ မထွက်ခွာမီ တစ်ရက်အလိုမှသာ Gilbert ၏ခွင့်ပြုချက်ကို ရရှိခဲ့သောကြောင့် အထုပ်အပိုးပြင်ဆင်ရန် အချိန်များများစားစား မရခဲ့ပေ။
Carol က Mary ၏ ပစ္စည်းများကို ထုပ်ပိုးရာ၌ ကူညီပေးခဲ့ပြီး အံ့အားသင့်ဖွယ် ချီးကျူးစကားများကိုလည်း ပြောကြားခဲ့သည်။ Mary ခွင့်ပြုချက် ရရှိသောအခါက Carol က သူမပင် ခရီးထွက်ရတော့မည့်အလား ဝမ်းသာကြည်နူးနေခဲ့လေသည်။
Theodore က သူ၏လက်ကို အိတ်ကပ်ထဲ ထည့်ပြီးနောက် Mary နှင့် မျက်နှာချင်းဆိုင်လိုက်သည်။
ငါက အရမ်းကို စိတ်လှုပ်ရှားနေလို့ အပြင်ကို မြန်မြန်ထွက်လာတာလေ...ဒါမဲ့ ဘာလို့ Theodore ကပါ လိုက်ထွက်လာရတာလဲ?
“ မင်း သူ့ကို ခြိမ်းခြောက်ခဲ့တာလား? ”
“ ခြိမ်းခြောက်တာ? ညီမလေးက အဲလို လုပ်မယ့်သူနဲ့ တူလို့လား? ”
“ဟုတ်တယ် ”
အိုး....အတော်လေးကို ပြတ်သားလှတဲ့အဖြေပဲ
သူ့အနေနဲ့ သိချင်နေတယ်ဆိုတာလဲ ဖြစ်သင့်ပါတယ်လေ...သူက အဖြစ်အပျက်အစအဆုံးကိုမှ မသိသေးတာ...ငါလေး ဘယ်လိုတောင် စည်းရုံးခဲ့ရလဲဆိုတာကို...
Mary က Nero ကို ပွေ့ဖက်လိုက်သည်။
ဒီနေ့ Nero လေး အလုပ်ကောင်းကောင်း လုပ်ခဲ့တယ်...
၎င်းနောက် သူ့ကို သူမ၏အိတ်ထဲသို့ ဂရုတစိုက် ထည့်လိုက်သည်။ Nero ကို လက်ထဲတွင် ပွေ့ပိုက်ထားချင်သော်လည်း ခရီးလမ်းတွင် ပျောက်ဆုံးသွားမည်စိုးသောကြောင့် မပွေ့ဘဲ နေလိုက်သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
