Unicode
အခန်း ( ၁၂၂ )
Demimore သည် သူ၏ဘေးနားရှိ စုပုံနေသည့် စက္ကူတွေကို ကြည့်ရင်း မျက်နှာပေါ်တွင် စိုးရိမ်ပူပန်မှုတို့ ထင်ဟပ်နေခဲ့လေသည်။
သူ၏လက်ရှိအခြေအနေမှာ အိပ်မက်တစ်ခုနှယ် ခံစားနေရ၏။ Demimore သည် တွန့်ကြေနေသော စာရွက်များကို လက်ထဲတွင် တင်းတင်းဆုပ်ကိုင်ရင်း Conler အိမ်တော်ဆီသို့ သွားနေခဲ့သည်။
Demimore သည် သံတမန်တစ်ယောက်ကို ကြိုပြီးစေလွတ်စေကာ အမြန်ဆုံးမြင်းကို ရွေးချယ်ပြီး Conler အိမ်တော်သို့ အလျင်စလို ထွက်လာခဲ့ရသော်လည်း ဤသို့ အရေးတကြီး လာရောက်လည်ပတ်ခြင်းမှာ မယဉ်ကျေးရာရောက်ကြောင်းကို သူသိ၏။ သို့သော် ၎င်း၏နောက်ကွယ်၌ အကြောင်းပြချက်တစ်ခု ရှိခဲ့သည်။
အမှန်စင်စစ် သူ Conler အိမ်တော်သို့ ရောက်သွားလျှင်လည်း ပြဿနာတစ်ရပ်က ရှိနေသေးသည်။
‘ငါ ဒီအကြောင်းကို Mary ကို ဘယ်လိုပြောရမလဲ? ’
လွန်ခဲ့သောနာရီပိုင်းက Laussane က သူမ၏အခန်းထဲတွင် တနေကုန်ပိတ်လှောင်နေသည့်အတွက် လာရောက်ကြည့်ရှုပေးရန် အစေခံတစ်ဦးမှ တောင်းပန်လာခဲ့ပြီးနောက် Demimore သည် မင်းသမီး၏အခန်းသို့ အလျင်စလို ပြေးသွားခဲ့ရသည်။
Demimore တစ်ယောက် Lausanne ၏ အိပ်ခန်းထဲသို့ ရောက်ရှိလာသောအခါ သူမသည် စာရွက်တစ်ရွက်ကို ကိုင်ကာ အိပ်ရာပေါ်တွင် ထိုင်နေခဲ့ပြီး မျက်နှာသည် မှုန်မှိုင်းလို့နေချေသည်။
အမြဲတမ်း ပျော်ရွှင်တောက်ပနေသော သူ့အစ်မ၏ ကွဲပြားသောဘက်ခြမ်းကို မြင်လိုက်ရသောအခါ Demimore တုန်လှုပ်လာခဲ့သည်။ Lausanne ၏ခြေရင်း၌ Demimore က ဒူးထောက်ထိုင်ချလိုက်ပြီး သူမ၏မျက်နှာကို သေချာကြည့်ရှုလိုက်သည်။
သူ့ဘဝမှာ ပထမဆုံးအကြိမ်အဖြစ် သူမ၏အပြစ်အနာအဆာကင်းစွာ ဖြူစွတ်နေသည့် မျက်နှာပေါ်မှ ပင်ပန်းနွမ်းနယ်နေသည့်အမူအရာကို သူ သတိထားမိခဲ့သည်။
Demimore က Lausanne ၏ လက်ကို သူ၏လက်ထဲတွင် ဆုပ်ကိုင်၍ ဘာတွေဖြစ်ခဲ့သလဲဟု မေးမြန်းလိုက်သော်လည်း Lausanne ၏ နှုတ်ခမ်းများမှာ တင်းတင်းစေ့ထားဆဲပင်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
