Unicode
အခန်း ( ၆၅ )
" အဲ့ဒါက အံ့သြစရာ မကောင်းဘူးလား? "
Mary ကို တွေ့ခဲ့ရသည့် Theodore သည် အကြောင်းတစ်ခုခုကြောင့် စိတ်လှုပ်ရှားနေခဲ့ပုံရ၏။ Theodore က Mary နှင့်အတူတူ ရထားလုံးကို စီးချင်သည်ပြောနေခဲ့၍ သူတို့အခက်ကြုံခဲ့ရသည်။ စစ်ပွဲနှင့်တူသော အမဲလိုက်ပြိုင်ပွဲအပြီးတွင် သူတို့သည် မတူညီသော ရထားလုံးများဖြင့် စံအိမ်ကြီးဆီသို့ ပြန်ခဲ့ကြသည်။ Theodore ၊ Aiden နှင့် Lewen တို့သည် မူလက သူတို့စီးလာသော ရထားလုံးနှင့်သာ ပြန်လာခဲ့ကြရလေသည်။
Theodore က Mary နှင့် စကားပြောချင်သည်ဟူ၍ မကျေနပ်စွာ ညည်းညူနေခဲ့သည်။
" သူမက မယုံနိုင်စရာပဲ "
သူ ပထမဆုံးအကြိမ်အဖြစ် တွေ့ဆုံခဲ့ရသည့် သူ၏ညီမငယ်လေး Mary Conler ဟာ မရိုးရှင်းနိုင်ပေ။ အစက သူမသည် ဘာမှမသိသောကြောင့်သာ မကြောက်မလန့် ပြုမှုနေသည်ဟု သူ ယူဆမိခဲ့သည်။
သို့ပါသော်ငြား သူမသာ ဘာမှမသိခဲ့ပါက demon တစ်ကောင်ကို သူမ၏ပထမဆုံးသားကောင်အဖြစ် ဖမ်းပြီး ပထမမင်းသားကိုလည်း မြှားဖြင့် ပြောင်ပြောင်တင်းတင်း ချိန်ရွယ်နိုင်ခဲ့ပါ့မလား?
ထို့အတူ Count Stein သည်လည်း နောက်ဆုံးမှာတော့ Mary ကို ဦးညွတ်ကာ တောင်းပန်ခဲ့ရသည်။ သူသည် Cameron နှင့် နောက်ထပ်ဘယ်တော့မှ ပါတနာမလုပ်တော့မည့်အကြောင်းနှင့် အမဲလိုက်ဧရိယာကိုလဲ ထိုကဲ့သို့ ခွဲခြားကာ မလှည့်စားတော့ကြောင်း ကတိပေးခဲ့သည်။ Mary ကြောင့်သာ သူ၏အမဲလိုက်ကွင်းတွင် ထိုအရာရှိနေခဲ့ကြောင်း သိရသည်ဟု တစ်ဖွဖွပြောရင်း ကျေးဇူးတင်ကြောင်း ပြောနေခဲ့သည်။ သူ၏စိတ်ရင်းကို ဖော်ပြနိုင်ရန် လက်ဆောင်ပစ္စည်းများစွာကို ပေးပို့မည်ဟု ပြောကြားခဲ့သော်လည်း Mary က ငြင်းဆိုခဲ့သည်။ နောက်တစ်ကြိမ် ဤကဲ့သို့ ထပ်မလုပ်ရန်သာ ကတိတောင်းခဲ့သည်။
ထို့အပြင် Mary သည် Demimore နှင့်လည်း ထူးထူးဆန်းဆန်း ရင်းနှီးနေသည်ဟု သူ ခံစားနေရသည်။
Mary သည် Conler စံအိမ်ကြီးသို့ ရောက်ရှိသည်မှာ တစ်လပင် မရှိသေးသော်ငြား ထူးဆန်းသည်မှာ သူမက အရာများစွာကို လုပ်ဆောင်ပြီးနေပြီဟု ခံစားနေရ၏။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
