Unicode
အခန်း ( ၁၀၁ )
“ Grand Duke!”
Lucas က ရုံးခန်းထဲသို့ အလျင်စလို ပြေးဝင်လာခဲ့သည်။ Lucas သည် Grand Duke Estin ၏ ခွင့်ပြုချက်ကို အရင်ဆုံး မေးမြန်းခြင်းလည်း မပြုလုပ်ခဲ့သလို တံခါးခေါက်ပင် မခေါက်ခဲ့ပေ။
Estin သည် စာရွက်များမှ မျက်လုံးလွှဲ၍ Lucas အပေါ် အကြည့်စူးစိုက်လိုက်သည်။ Lucas ၏ မျက်နှာပုံစံက ထူးထူးဆန်းဆန်း ရှိနေခဲ့ပြီး Estin ၏ အမူအရာမှာလည်း ချက်ချင်းကို အလေးအနက် ရှိလာခဲ့သည်။
“ ဘာဖြစ်နေတာလဲ? ”
“Texton မိဘမဲ့ဂေဟာနဲ့ ပတ်သက်နေတာပါ ”
Conler နယ်မြေထဲတွင် Texton ဟုခေါ်သော မိဘမဲ့ဂေဟာတစ်ခု ရှိသည်။ အခြားမိဘမဲ့ဂေဟာများနှင့် နှိုင်းယှဉ်လျှင် Texton မိဘမဲ့ဂေဟာကို အကူအညီ နှစ်ဆနီးပါး ပိုပေးထားခဲ့သည်။
Brandon မိဘမဲ့ဂေဟာမှ ကလေးများမှာ ထိုမိဘမဲ့ဂေဟာတွင် နေထိုင်နေကြခြင်းဖြစ်တာကြောင့်သာ အပြည့်အဝထောက်ပံ့ပေးခဲ့ခြင်းဖြစ်သည်။ Estin သည် ကလေးများကို အခြေခံလိုအပ်ချက်များနှင့် ပညာရေးအစရှိသည်တို့ကို ထောက်ပံ့ပေးခဲ့ပြီး ထိုမှသာ သူတို့ အရွယ်ရောက်လာသောအခါ အမှီအခိုကင်းမဲ့စွာ နေထိုင်နိုင်ဖို့ ရည်ရွယ်သည်။
“သခင်ကြီး ပြောခဲ့သလို ကျွန်တော် Texton မိဘမဲ့ဂေဟာကို စစ်ဆေးခဲ့တယ် ”
“ဒါပေမယ့်…”
“ Brian လို့ခေါ်တဲ့ ကောင်လေးတစ်ယောက် ပျောက်သွားပါတယ် ”
“ ဒီနာမည်က ဘာလို့ ရင်းနှီးနေရတာလဲ? ”
“ အဲ့ဒါ Mary က ပိုက်ဆံခိုးတယ်ဆိုပြီး ဒါရိုက်တာကို သတင်းပေးခဲ့တဲ့ ကောင်လေးလေ ”
ထိုနေ့က ဖြစ်ပျက်ခဲ့သည့်အရာများကို သတိပြုမိသည့်အလား Estin ၏ မျက်ခုံးများ ရှုံ့သွားခဲ့သည်။
ဒါရိုက်တာအကြောင်း တစ်ခုခုသိမလားဆို၍ Brian ကို သခင်ကြီး မေးမြန်းခဲ့သော်လည်း ထိုကောင်လေးရဲ့ ထိတ်လန့်နေသည့် မျက်နှာက ၎င်းကို မသိကြောင်း ထင်ရှားစေသည်။
သူ့သားနှင့် တစ်ရွယ်တည်းဖြစ်သော ကလေးကို ဆက်မေးမြန်းနေခြင်းမှာ မမျှတဟု တွေးပြီး ဆက်မမေးတော့ဘဲ နေခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
