Unicode
အခန်း ( ၁၀၂ )
Grand Duke Estin သည် အတွေးနက်နေရင်း ပြတင်းပေါက်မှ ဥယျာဉ်သို့ ငေးကြည့်နေခဲ့သည်။ သူသည် Lucas နှင့် Mary တို့ ရုံးခန်းကို တံခါးခေါက်ပြီး ဝင်လာခဲ့သည်ကိုပင် သတိပြုမိပုံမပေါ်ပေ။
ရုံးခန်း၏ ထူးဆန်းသော ဖိအားအောက်တွင် Mary ရဲ့ပခုံးများမှာ တုန်ယင်နေခဲ့သည်။
အစောပိုင်းက သူမကို ခေါ်ဖို့အတွက် အလေးအနက်ဖြစ်နေသောမျက်နှာကြီးဖြင့် Lucas တစ်ယောက် ပြေးလာခဲ့သည်ကို မြင်လိုက်ရကတည်းကပင် Mary စိတ်ထင့်နေခဲ့သည်။
Lucas ဘက်သို့ Mary လျင်မြန်စွာ တစ်ချက်ကြည့်လိုက်သော်လည်း သူက ပခုံးသာတွန့်ပြလာခဲ့သည်။
Mary လတ်တလောမှာ အမှားတစ်ခုခုများ လုပ်မိခဲ့သလားဟု သူမ၏ခေါင်းသေးသေးလေးဖြင့် ဖျစ်ညှစ်စဥ်းစားကြည့်ခဲ့သော်လည်း သေချာပေါက်ကို သူမ ဘာအမှားမှ မလုပ်ထားမိခဲ့ပါ။
သို့သော်လည်း လေးလံသည့်တိတ်ဆိတ်မှုက Mary ကို အကြောင်းပြချက်မရှိဘဲ အပြစ်ရှိသူတစ်ဦးလို ခံစားရစေသည်။ ထိုနေရာတွင် ရပ်နေရင်း Mary လက်တွေကို လှုပ်ရမ်းနေမိသည်။
ရုံးခန်းထဲတွင်ရှိနေသော လူသုံးယောက်မှာ တစ်ယောက်မှ စကားစလာခြင်းမရှိသေးပဲ တိတ်ဆိတ်နေခဲ့ကြ၏။
သူ သူမကို ဘာလို့ခေါ်လဲဆိုပြီး Mary မေးချင်စိတ်ဖြစ်မိပင်မဲ့ ဤအချိန်၌ Grand Duke အား စိတ်အနှောက်အယှက်မဖြစ်စေချင်ပေ။
“ Mary Conler ”
ခဏလောက် တိတ်ဆိတ်သွားပြီးနောက် Grand Duke Estin က Mary ၏ နာမည်ကို ခေါ်လိုက်သည်။
Grand Duke က Mary ကို နောက်ကျောပေးထားသောကြောင့် သူ့မျက်နှာကို Mary မမြင်ရပါ။ သို့တိုင် Mary နာမည်ကို ခေါ်လာသည့် သူ့အသံမှာ မဖော်ပြနိုင်သည့် ရှုပ်ထွေးမှုတစ်ခု ရှိနေခဲ့သည်။
သူ့၏ခေါ်သံကို Mary သတိထားပြီး ပြန်ထူးလိုက်သည်။ သို့သော် Mary ပြန်ထူးလိုက်ပြီးနောက် Grand Duke က နောက်တစ်ခါထပ်ပြီး တိတ်ဆိတ်သွားပြန်သည်။
အကြောင်းအရာကို စပြောလာဖို့အတွက် Mary စိတ်ရှည်ရှည်နှင့် စောင့်နေခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
