Unicode
အခန်း ( ၁၂၀ )
မနှစ်က ဖြစ်ခဲ့တာများလား?
Sophia က Mary တို့ကလေးအရွယ်တုန်းက သူမ ရိုင်းပျမိခဲ့သည်များအတွက် ခွင့်လွှတ်ပေးပါဆိုပြီး Mary ကို တောင်းပန်လာခဲ့သည်။ ထိုအချိန်က သူမ လုပ်ခဲ့မိသော လုပ်ရပ်များကို ပြန်တွေးမိတိုင်း အရှက်ရမိခဲ့သည်ဟု ဆို၏။ Mary တွင်လည်း မကောင်းသော အတိတ်များရှိခဲ့ဖူးသောကြောင့် Sophia ၏ ခံစားချက်များကို Mary နားလည်ပေးနိုင်ခဲ့သည်။ ထိုသို့ပြန်တောင်းပန်ခြင်းမှာလည်း သတ္တိများစွာ လိုအပ်သောကြောင့် Sophia ၏ တောင်းပန်မှုက Mary ကို အထင်ကြီးစေခဲ့သည်။
သို့သော် ထူးဆန်းသည်မှာ Sophia က သူမကို အဘယ်ကြောင့် တောင်းပန်နေရပါသနည်း။ Astina ကိုသာ တောင်းပန်သင့်သည်၊ မဟုတ်ပါလား။ ထိုနေ့က တွေ့ဆုံပွဲ၌ Astina လည်း ရှိနေသောကြောင့် Mary က သူမသည်လည်း ထိုအချိန်၌ ကလေးဆန်စွာ ပြုမူခဲ့ကြောင်း ဝန်ခံကာ သူမအစား Astina ကိုသာ တောင်းပန်ရန် Sophia ကို အကြံပေးခဲ့သည်။ Sophia က နေရခက်သော အပြုံးကို ပြုံးလိုက်ရင်း Astina ကို သီးခြားတောင်းပန်မည်ဟု ဆိုခဲ့၏။
“ကျွန်မတို့ရဲ့ အချိန်ဇယားတွေက တစ်ထပ်တည်း မကျမှာကို အရမ်းစိုးရိမ်ခဲ့ရတာပဲ!”
“ဟားဟား... နေကောင်းတယ်မလား? ”
“ Lady Mary စေ့စပ်လိုက်တဲ့အတွက် ဂုဏ်ပြုကြောင်း ပြောချင်လို့ပါ။ ကံမကောင်းစွာနဲ့ ကျွန်မ ပါတီကို မလာနိုင်ခဲ့ဘူး။ ဒါပေမယ့် ရှင်က ပါတီပွဲမှာ ဘယ်လောက်တောင် ကြည့်ကောင်းနေလဲဆိုတာ ကျွန်မ ကြားခဲ့ရပါတယ်။ တကယ့်ကို ရပ်သပ်ရှုမောရလောက်ကို လှနေခဲ့တာတဲ့!”
“ မဟုတ်တာ…"
Sophia က သူမ၏ စကားများကို အာမေဍိတ်ဖြစ်နေဟန်ဖြင့် အဆုံးသတ်လိုက်သည်။ Sophia က အလွန်အမင်း ဖော်ရွေရင်းနှီးပုံရသော်လည်း
“သူ Astina ကို တောင်းပန်ပြီးပြီလား? ”
ဟူသော အတွေးများက Mary ၏ ခေါင်းထဲ၌ မီးခိုးကဲ့သို့ တောက်လျောက် ပေါ်လာနေခဲ့သောကြောင့် Sophia နှင့် စကားပြောရန် ဝန်လေးနေခဲ့သည်။ Mary က Sophia ၏ လက်ကို အမြန်လွှတ်လိုက်ကာ Lady Chester ကို သိဟန်ဆောင်၍ ထိုအမျိုးသမီးငယ်လေးထံသို့ မဝံမရဲ လျှောက်သွားခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
Roman d'amourStatus in COO_ Chapter226+side story *credit to author 윤로체 and English translator*
