မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 121 )

Unicode

                        အခန်း ( ၁၂၁ )

“ Nero မင်း ဘယ်လိုထင်လဲ?”

Mary က လက်ပိုက်၍ Nero ဘေးမှ ကုတင်ပေါ်တွင် ထိုင်ကာ သူမရှေ့တွင်ရှိနေသော စာရွက်ပုံကြီးကို ကြည့်လိုက်၏။

သေချာပေါက်ကို ဒီစာရွက်တွေပေါ်မှာ စာတွေရှိနေသင့်တာလေ..ဒါမဲ့ ဘာလို့ စာရွက်အသစ်တွေလို ပြောင်ရှင်းနေရတာလဲ?

Nero ဆီမှ အဖြေမရနိုင်တော့ Mary သူမဘာသာပဲ စဥ်းစားကြည့်ရတော့သည်။

​အရင်ဆုံး တွေးကြည့်ရအောင်..

နံပါတ်တစ်  Lausanne က အမှားလုပ်မိသွားတာ..သူက အဲ့ဒါကို သူကိုယ်တိုင်ပဲ ထုတ်ပိုးခဲ့တာလို့ပြောတယ်..တခြားသူတွေ မမြင်အောင် ထုတ်ပိုးရင်းနဲ့ အလျင်လိုပြီး အမှားလုပ်မိသွားတာလဲ ဖြစ်နိုင်တယ်...

​နံပါတ်နှစ် ဒါက မှော်မင်ရည်နဲ့ ရေးထားတာဖြစ်မယ်..သံပုရာရည် ဒါမှမဟုတ် မီးနဲ့အပူပေးလိုက်မှ စာတွေပေါ်လာမှာမျိုး..

ထိုအတွေးမှာ ဖြစ်နိုင်ချေရှိသောကြောင့် Mary က သူမ၏လက်ညိုးတွင် မီးတောက်စေကာ စာရွက်ပေါ်တင်ကြည့်လိုက်သည်။

ဟမ့် ငါ့ရဲ့စွမ်းရည်က ဒီလိုနေရာကျ အသုံးဝင်သားပဲ..

Mary က သူမ၏တွေးခေါ်နိုင်စွမ်းကြောင့် ကိုယ့်ကိုယ်ကို ဂုဏ်ယူမိသွားခဲ့သော်လည်း စာရွက်လေးမှာ မီးထဲ၌ အမြန်လောင်ကျွမ်းသွားခဲ့လေသည်။ Mary ၏ ကိုယ့်ကိုယ်ကို ချီးကျူးမှုမှာ စာရွက်နှင့်အတူ ပြာဖြစ်သွားခဲ့ချေပြီ။ တစ်နည်းအားဖြင့် ပြောရလျှင် သူမ Carol ကို ပိုအလုပ်ရှုပ်စေမိပြီဖြစ်သည်။

​နံပါတ်သုံး စာတွေက အငွေ့ပျံသွားတာများလား? တစ်ယောက်ယောက်က နောက်ပြောင်တာမျိုးလည်း ဖြစ်နိုင်တယ်...ဒါမဲ့ ဘယ်သူကလဲ?

ဒီသုံးခုထဲက မဟုတ်ဘူးဆိုရင်တော့...

​တစ်ယောက်ယောက်က လဲသွားတာများလား?

​ဒါပေမဲ့ သူတို့က ဒါကို ဘယ်လိုသိပြီး လဲသွားတာလဲ?

Cameron ၏ မျက်နှာက အတွေးထဲတွင် ဖျတ်ခနဲ  ပေါ်လာခဲ့ပေမဲ့ Mary ခေါင်းကို ချက်ချင်း ခါလိုက်သည်။