Unicode
အခန်း ( ၁၁၄ )
" မောနင်း Rex!"
" မောနင်း "
ဝှီး..
Rex သည် Mary ဆီသို့ ပြေးဝင်လာပြီး တိုက်မိမလိုဖြစ်ပြီးနောက် တစ်ခြားဘက်သို့ အမြန်ဖြတ်လျောက်သွားလေသည်။ မည်သို့ပင်ဖြစ်စေ သူသည် Mary ရှိကြောင်း အသိအမှတ်ပြုခဲ့သောကြောင့် Mary စိတ်သက်သာရာရမိသည်။ Mary က Rex ၏နောက်ကျောကို ငေးကြည့်နေစဉ် စင်္ကြံတစ်လျှောက် သူပျောက်ကွယ်သွားသောအခါ သူမပခုံးပေါ်သို့ လက်တင်လိုက်သည်ကို ခံစားလိုက်ရသည်။
Mary လှည့်ကြည့်လိုက်သောအခါ ဤအခြေအနေတွင် မတွေ့ချင်ဆုံးသူဖြစ်သော Theodore ကို တွေ့လိုက်ရ၏။
“ ဝိုး... သူ့မျက်နှာကိုကြည့်ရုံနဲ့တင် Rex က ဒေါသအရမ်းထွက်နေမှန်း ငါပြောနိုင်တယ်။ မင်း ဘာဆက်လုပ်မှာလဲ? ”
"အစ်ကိုက Rex ရဲ့ မျက်နှာအမူအရာကိုတော့ သတိထားမိပြီး ညီမလေးရဲ့ ရှုံ့မဲ့နေတဲ့ မျက်နှာကိုကျ မမြင်ဘူးလား?"
Theodore ၏ လှောင်ပြောင်သောစကားကို Mary ဒေါသတကြီး ပြန်ပြောလိုက်သည်။ သူက ရယ်မောလိုက်ပြီး Rex ပျောက်ကွယ်သွားရာ စင်္ကြဘက်သို့ လှည့်ထွက်သွားသည်။
သူက အကယ်ဒမီကို မပြန်တော့ဘူးလား? ဘာလို့ အိမ်တော်မှာ ဆက်နေနေတာလဲ?
Gilbert ကျောင်းပြီးသွားပြီးသည့်နောက် Aiden နှင့် Theodore တို့သည် အကယ်ဒမီမှ မကြာခဏ ခိုးထွက်ကာ အိမ်ပြန်လာကြသည်။ Mary သည် Conler အိမ်တော်၏အပြင်ကို သွားပါက သူမအပေါ် မည်သည့်ကိစ္စများဖြစ်လာနိုင်မည်ကို မသိနိုင်ပေ။ ထို့အတူ မှော်စွမ်းအင်လည်း အလုံအလောက်မရှိသောကြောင့် မှော်တာဝါက ဖွင့်လှစ်သည့်အကယ်ဒမီကို မတက်နိုင်သောကြောင့်သာ Logan ၏အတန်းကို ယူဖို့ ဆုံးဖြတ်ခဲ့ခြင်း ဖြစ်သည်။ Rex က သူ့သဘောနှင့်သူ အကယ်ဒမီကို မတက်ဖို့ ဆုံးဖြတ်လိုက်ပြီးနောက် Theodore ကပါ အကယ်ဒမီကနေ ထွက်မည်ဟု ကြေညာခဲ့သည်။ သို့သော် Grand Duke Estin က Theodore ကို သူ့ရုံးခန်းထဲ ခေါ်ပြီး ဆူပူကြိမ်းမောင်းခဲ့သောကြောင့် ထိုကြေညာချက်မှာ အရာမထင်ခဲ့ပေ။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
