Unicode
အခန်း ( ၁၁၈ )
“မှော်ပညာဆိုတာ ကောင်းကင်မှာ ရေးဆွဲထားတဲ့ ကြယ်တာရာတွေနဲ့ တူတယ်တဲ့ ”
Mary နှင့် Rex သည် Mary အိပ်ခန်းထဲရှိ ပြတင်းပေါက်မှ ကြယ်တာရာစုံသော ညကောင်းကင်ကို ငေးမောကြည့်ရင်း လက်ဖက်ရည်ပူပူလေးကို သောက်သုံးနေကြသည်။ လတ်တလော၌ Mary တို့နှစ်ဦးသားတွင် အတူအချိန်ဖြုန်းနိုင်မည့်အခွင့်အရေး မရှိခဲ့ပေ။
ညကောင်းကင်ယံတွင် ကြယ်မှုန်လေးတွေ ပတ်ဖြန်းထားသကဲ့သို့ တလက်လက်တောက်ပနေသည့် ကြယ်တာရာအစုအဝေးကြီးကို ကြည့်ရင်း Mary စိတ်ထဲတွင် အတွေးတစ်ခု ရုတ်တရက် ပေါ်ပေါက်လာသည်။
မှော်ပညာအစီအရင်မှာ ပါတဲ့ သင်္ကေတတွေက ကြယ်တာရာတွေနဲ့ ဆင်နေတာပဲ...
Mary စကားကို ကြားသောအခါ သူမ၏တစ်ဖက်တွင်ထိုင်၍ လက်ဖက်ရည်သောက်နေသော Rex က ညကောင်းကင်ယံသို့ မော့ကြည့်လိုက်သည်။
“ကြယ်တာရာ?”
“အင်း၊ ကြယ်အချို့ကို ဆက်စပ်လိုက်ရင် ငါးပုံစံလေးတွေ ဒါမှမဟုတ် လေးသမားလို ပုံစံမျိုးတွေ ဖြစ်လာနိုင်တယ်လေ” ဟု Mary ရှင်းပြလိုက်သည်။
“ မမက စိတ်ကူးယဥ်ပြီး လျောက်ပြောနေတာပဲ ”
ငါ ပန်းသီးကို ဝိုင်အဖြစ် ပြောင်းလဲနိုင်တယ်လို့ ပြောတုန်းက ငါ့စကားကို ယုံကြည်ခဲ့တဲ့ ငါ့ရဲ့ လူကောင်းလေး Rex က ဘယ်ရောက်သွားတာလဲ?
Rex ၏ ယုံကြည်မှုကို ပြန်လည်ရရှိရန်အတွက် Mary ရင်းနှီးကျွမ်းဝင်သည့် ကြယ်တာရာစုများကို ခက်ခက်ခဲခဲ ရှာဖွေခဲ့သော်လည်း သူမ၏ ယုံကြည်မှုများမှာ ရုတ်တရက် တုန်လှုပ်သွားတော့သည်။
ငါ အခုကြည့်နေတဲ့ ကောင်းကင်က ငါ သိတဲ့ ကောင်းကင်ရောဟုတ်ရဲ့လား?
“ဘယ်လိုပဲဖြစ်ဖြစ် လူတွေက အဲ့လိုမျိုး ယုံကြည်ခဲ့ကြတယ်တဲ့ ”
Mary သိသော ကောင်းကင်နှစ်ခုသည် တူညီနေစေကာမူ ကြယ်အစုအချို့ကို ဆက်သွယ်လိုက်ပါက Pisces ရာသီခွင် ( မိန်ရာသီခွင် ) ဖြစ်လာပြီး ငါးတစ်ကောင်ပုံရှိသည်ဟု၍ Rex ကို ယုံကြည်လာအောင် Mary ရှင်းမပြနိုင်ခဲ့ပါ။ Mary ရှာနိုင်ခဲ့လျှင်တောင် ၎င်းမှာ ငါးတစ်ကောင်ပုံရှိမနေပေ။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
