Unicode
အခန်း ( ၁၂၆ )
ပန်းခြံအတွင်းရှိ ဆူညံသံများကြောင့် နန်းစောင့်တပ်ဖွဲ့ဝင်များ ရောက်ရှိလာခဲ့ကြသည်။ Demimore သည်လည်း အနီးအနားတွင် ရှိနေခဲ့ပုံရပြီး သူမတို့ဆီသို့ ဦးတည်ကာ ခပ်သွက်သွက် ပြေးလာနေခဲ့၏။
Demimore သည် Lausanne ဆီသို့ သွားရာမှ Cameron ကို အနားတွင် တွေ့လိုက်ရသောအခါ သူ၏ခြေလှမ်းတို့မှာ ရပ်တန့်သွားခဲ့သည်။ သူ၏အကြည့်များသည် Mary ထံသို့ ရောက်ရှိလာခဲ့သည်။
Cameron က ဘာလို့ ဒီနေရာကို ရောက်နေရတာလဲဟု မေးနေဟန်ရှိသည့် ထိုအကြည့်များကို Mary က ခေါင်းရမ်းပြပြီးသာ ပြန်တုံ့ပြန်နိုင်ခဲ့သည်။
" အရှင့်သား ဘာလို့ ကျွန်မအပေါ် ဒီလိုလုပ်ရက်ရတာလဲ? "
“Sofia ၊ ရပ်လိုက်တော့! ”
Sophia က Cameron ဆီ ခုန်ဝင်ရန် ကြိုးစားလာသောအခါ နန်းစောင့်တပ်ဖွဲ့ဝင်များက သူမကို တားဆီးလိုက်ကြသည်။ Sophia က စိတ်ပျက်အားငယ်နေသော မျက်နှာအမူအယာဖြင့် Cameron လက်ကို ဖမ်းဆွဲလိုခဲ့သည်။
သို့သော်ငြား Cameron က Sophia ကို လုံးဝလျစ်လျူရှုထားခဲ့ပြီး Lausanne ၏ ပခုံးကို ကိုင်၍သာ တတွတ်တွတ် တောင်းပန်နေခဲ့၏။
“ ငါ တကယ်ကိုတောင်းပန်ပါတယ် Lausanne ၊ ကျေးဇူးပြုပြီး ခွင့်လွတ်ပေးပါ။ မင်းရဲ့ အသုံးမကျတဲ့ ဒီအစ်ကိုကြီးကို တစ်ခါလောက် ခွင့်လွတ်ပေးပါကွာ ”
“ဒါဆို အစ်ကိုပြောနေတာက အစ်ကိုနဲ့ Sophia တို့က Mary Conler ကို လက်စားချေချင်လို့ ဒီအရာအားလုံးကို စခဲ့တယ်လို့ ပြောချင်တာလား? ”
“ ဘယ်လိုနတ်ဆိုးက ငါ့ကို ဝင်ပူးသွားခဲ့လဲ မသိပါဘူး၊ Lausanne ငါ တကယ်တောင်းပန်ပါတယ် ”
Lausanne က သူမ၏ပခုံးကို Cameron ၏ ဆုပ်ကိုင်ထားမှုမှ လွတ်မြောက်ရန် ရုန်းဖယ်လိုက်၏။ သူမက Cameron နှင့် ဝေးရာကို ရွေ့သွားပြီးနောက် သူ့ကို ထူးဆန်းသည့် အပြုံးတစ်ပွင့်ဖြင့် ပြုံးပြလိုက်သည်။
“ဪ၊ အခုတော့ နားလည်သွားပြီ။ ဘာလို့ Sofia က ဒီဝတ္ထုအကြောင်း သိနေတာလဲဆိုပြီး ညီမလေး တွေးနေခဲ့တာ”
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
