Unicode
အခန်း ( ၁၂၉ )
"ကျေးဇူးပြုပြီး အစ်ကိုကြီး!"
" ဟာကွာ မင်း ငါ့နောက်ကို ဘယ်လောက်ကြာကြာ လိုက်နေမှာလဲ? "
Mary က ဘဲကလေးတစ်ကောင်က သူ့အမေနောက်ကို တကောက်ကောက်လိုက်နေသကဲ့သို့ Gilbert နောက်ကို လိုက်နေခဲ့သည်။
Gilbert က အစောပိုင်းတွင် Mary ကို လျစ်လျူရှုခဲ့သော်လည်း Mary က သူ့နောက်ကို လိုက်လာနေတော့ စိတ်မရှည်တော့ဘဲ လေသံက ပိုဒေါသထွက်လာပုံပင်။
"ညီမလေးလည်း သွားချင်တယ်"
" ကိစ္စမရှိဘူး ဒါပေမဲ့ ကျေးဇူးပြုပြီး ငါ့မှတ်စုစာအုပ်ထဲမှာ ဘာမှ လာပြီးမခြစ်ပါနဲ့တော့ကွာ "
"ညီမလေးရဲ့ စိတ်အားထက်သန်မှုအပြည့်နဲ့ ရေးထားရတဲ့စာကို ဖျက်ပစ်ဖို့ စဉ်းစားနေတာလား? ညီမလေးကို ခွင့်ပြုချက်မပေးရင် အစ်ကိုကြီးရဲ့ မှတ်စုစာအုပ်မှာ ဆက်ရေးဦးမှာပဲ "
"Mary Conler!"
သည်းမခံနိုင်တော့သည့်အဆုံး Gilbert က ရုတ်တရက် ရပ်ကာ အော်လိုက်သည်။
သူတို့နောက်မှ စိတ်ဖိစီးကာ လိုက်လာသော Rex က အော်ဟစ်သံကြောင့် တုန်သွားခဲ့သည်။ သို့သော် Mary က မကြောက်ပေ။
Gilbert ၏ အကြည့်စူးစူးကို Mary က မရှောင်ဖယ်ခဲ့ချေ။
ငါက သူ့နောက်ကို လိုက်ချင်လို့လိုက်တယ်များ ထင်နေတာလားမသိဘူး...
“အိုး.. အဖေသာ ငါ့ကို လုပ်ပိုင်ခွင့် ပေးခဲ့ရင် သိပ်ကောင်းမှာပဲ ”
အနီးတွင်ရပ်နေသော Aiden က သက်ပြင်းတစ်ချက်ချရင်း အသံကျယ်နဲ့ပြောလိုက်သည့် Theodore ၏ ဦးခေါင်းနောက်ဘက်ကို ဖတ်ခနဲ ရိုက်ချလိုက်သည်။
Gilbert က အခုထိလက်မလျော့သေးပင်မဲ့ Theodore သာဆို အစောကြီးထဲက လက်မြှောက်အရှုံးပေးသွားရလောက်သည်။
"Aiden.. Mary ကို တစ်ခုခုကူပြောပေးဦး "
" အဲ့လိုပြောပိုင်ခွင့် ကျွန်တော့်မှာရှိတယ်လား? အစ်ကို ကျွန်တော့်ကို ဒီလောက်ယုံကြည်မှုရှိမှန်း မသိခဲ့ဘူးဗျာ "
Gilbert က Aiden ၏ ရွဲ့စောင်းသလို လေသံကို တုံ့ပြန်သည့်အနေဖြင့် အံကြိတ်လိုက်သည်။ သူအရမ်းစိတ်ဆိုးနေပုံရသော်လည်း Mary ကတော့ ဘာကိုမှဂရုမစိုက်ပဲ ဆက်ပြီးပူဆာနေခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
