Unicode
အခန်း ( ၁၁၆ )
Gilbert က Cheroke ကို သီးခြားလာတွေ့ရန် ပြောလိုက်သည်နှင့် Aiden နှင့် Theodore တို့က သဘောမတူသည့်လေသံများ ဖော်ထုတ်လာကြသည်။ သူမတို့ ဤကဲ့သို့ အတူတကွစုဝေးနေကြသည်မှာ ကြာပြီဖြစ်၍ ဤစကားဝိုင်းကို အဆုံးသတ်သင့်နေပြီဖြစ်သည်။ အကယ်၍ ယနေ့သာ အခြားနေ့ ဖြစ်ပါက သူတို့၏ စကားဝိုင်းအပေါ် သူမ၏ စူးစမ်းလိုစိတ်ကို ဖိနှိပ်နိုင်မည် မဟုတ်ချေ။ Mary က သူမလည်း နားထောင်ချင်သည်ဟု မပြောခဲ့သော်လည်း Aiden နှင့် Theodore တို့ကို လျှို့ဝှက်စွာ ထောက်ခံအားပေးမိလိမ့်မည်မှာ သေချာသည်။ သို့ရာတွင် Mary ၌ ၎င်းထက် ပိုအရေးကြီးသော ကိစ္စများ ရှိနေပေသည်။
Rex သည် ဧည့်ခန်းမှ ထွက်သွားပြီး ရှည်လျားသော စင်္ကြန်လမ်းမှတဆင့် သူ၏အခန်းဆီသို့ သွားနေသည်။ Mary သည်လည်း သူ့အခန်းနှင့် တစ်လမ်းတည်းဖြစ်၍ ပုန်းနေဖို့ မလိုပေမဲ့လည်း အတတ်နိုင်ဆုံး အသံတိတ်ပြီး နောက်ကနေ လိုက်ခဲ့သည်။ Rex က သူမကို ရှောင်ပြီး အခန်းတံခါးကို မြန်မြန် ပိတ်လိုက်မှာကို Mary ကြောက်နေခဲ့သည်။ သို့သော် Rex က မြေပြင်ကိုပဲ ငေးကြည့်ပြီး ဖြည်းဖြည်းချင်း သွားနေသည်။ အတွေးလွန်နေပုံရ၏။
' အခုပဲ!'
Rex က သူ့အခန်းတံခါးကို ဖွင့်ရန် ကြိုးစားလိုက်စဥ် Mary က သူ့လက်ကောက်ဝတ်ကို ဆုပ်ကိုင်လိုက်သည်။ Mary က ရုတ်တရက် အံ့အားသင့်အောင် လုပ်လိုက်ပေမဲ့ သူက အံ့သြသွားပုံမရချေ။ ဤသို့ဖြစ်လာလိမ့်မည်ဟု ကြိုတင်မျှော်လင့်ထားသည့်နှယ်။ မဟုတ်ပေ။ Rex သည် ဘာမှစိတ်မဝင်စားသလို၊ အရာရာကို လက်လွှတ်ထားသလို ပုံစံမျိုး ဖြစ်နေခဲ့သည်။။
Cheroke နှင့် မတွေ့ဆုံမီကသာ Rex က သူမရှေ့တွင် ဤသို့မျက်နှာထားမျိုး ပြုလုပ်ခဲ့လျှင် Mary အဆင်မပြေဖြစ်နေမိမှာဖြစ်ပင်မဲ့ ယခုမူ အရာရာသည် ပြောင်းလဲသွားခဲ့ပြီ ဖြစ်သည်။ ထို့အပြင်၊ အစောပိုင်းက ထူးထူးခြားခြား ပြုမူခဲ့သော Rex ကို Mary စိတ်ဆိုးနေမိသည်။
“ Rex ခုဏက ဘာလို့ အဲ့လို လုပ်ခဲ့တာလဲ? ”
“ ဘာကိုလဲ?”
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
