Unicode
အခန်း ( ၈၈ )
Mary ဟာ တစ်ခါတစ်ရံမှာ အိမ်မက်ဆိုးတွေမက်နေသေးသော်ငြားလည်း အိပ်ရေးပျက်ခြင်းတော့မရှိခဲ့ပေ။ ဒါဟာ သူမ၏ကျန်းမာရေးက ပြန်လည်ကောင်းမွန်လာကြောင်း ဖော်ပြနေသည့် လက္ခဏာတစ်ရပ်ဖြစ်ပုံရ၏။
ဒါနဲ့ မနေ့ညက Rex ငါ့ရဲ့အခန်းကို လာလည်ခဲ့တယ်။ သူပြန်သွားပြီလား?
Mary က အိပ်ယာထဖို့ ပျင်းရိနေသောကြောင့် Rex ပြန်သွားပြီလားသိဖို့ရန်အတွက် ခေါင်းလေးစောင်းပြီးသာ အိပ်ယာအနီးတဝိုက်ကို လှည့်ပတ်ကြည့်လိုက်သည်။
မဟုတ်သေးဘူး?
လှည့်ကြည့်လိုက်တော့ Mary တစ်စုံတစ်ခုကို သတိထားမိသွား၏။
" Nero? "
Nero က သူမကို စိုက်ကြည့်နေခဲ့သည်။
အခု သူမ၏ကြောင်ရုပ်လေး Nero က လှုပ်သွားတာလား?
Mary ထိတ်လန့်မှုကြောင့် သူမ၏မျက်လုံးအစုံမှာ ပြူးကျယ်လာခဲ့သည်။
Nero ကို သရဲဝင်ပူးနေတာလား?
" Nero? Nero လား? "
" ..... "
Mary ခေါ်လိုက်သောအခါ ကြောင်ရုပ်လေးက ကွေးချည်ဆန့်ချည် လှုပ်ရှားလာခဲ့သည်။
" နင် လှုပ်နိုင်တယ်လား? "
" .... "
" တကယ်ကြီးလား? ဘုရားသခင်က ငါ့ရဲ့ဆုတောင်းကို ဖြည့်ဆည်းပေးလိုက်တာများလား? "
" ဖူးးး "
Mary က အူကြောင်ကြောင်မျက်နှာပေးနဲ့ တိုးတိုးလေး ရေရွတ်လိုက်တဲ့အချိန်မှာ Nero ထံမှ ရယ်သံထွက်ပေါ်လာခဲ့သည်။
ငါ့ကို ရယ်လိုက်တာလား?
သူမကို ခေါင်းလေးစောင်းငဲ့ကာကြည့်နေသော Nero ဆီသို့ ဖြည်းဖြည်းချင်း ချဥ်းကပ်သွားရာ..
" Nero....အစ်ကိုကြီး? "
" အို့..ဟား ဟား ငါ့ကို ဖမ်းမိသွားပြီပဲ "
Mary အရုပ်ကို စကားပြောဖို့ ချဥ်းကပ်လာချိန်၌ ကုတင်အောက်မှာလှဲနေရင်း Nero ကို ကိုင်ထားတဲ့ သူမ၏အစ်ကိုကြီးဖြစ်သူ Gilbert ကို တွေ့လိုက်ရလေသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
