မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter (21)

Unicode
                 အခန်း (၂၁)

နှုတ်ခမ်းကို ဆူလိုက်ပြီးနောက် Mary သူမ၏မေးစေ့ကို Nero၏ခေါင်းပေါ်ကို တင်ထားလိုက်၏။

ငါ တစ်ခုခုလိုချင်တဲ့အချိန်မှ စကားပြောတာမျိုးတော့ မဟုတ်ပါဘူး…

သူက ငါ့အဖေပဲကို။သူအနေနဲ့ နည်းနည်းလေးတော့ ငါနဲ့ ရင်းရင်းနှီးနှီး မနေသင့်ဘူးလားလို့?

လက်ရှိ သူမ့ခေါင်းထဲသို့ ဝင်ရောက်လာတဲ့ ထိုအတွေးများကို ခေါင်းကို ခါယမ်းလိုက်ရင်း ဖယ်ရှားလိုက်သည်။

သူက Mary ကို အရုပ်ဝယ်ပေးခဲ့ပြီး ကောင်းပေးရုံနဲ့ သူဟာ ‘ Grand Duke Estin Conler ’ ဖြစ်တယ် ဆိုတာကို မမေ့လိုက်နဲ့။ သူသည် အကျင့်ပျက်ဆိုးသွမ်းပါက သူ့သမီးအရင်းဖြစ်ရင်တောင် ရက်စက်စွာ စွန့်ပစ်မည့် သူဖြစ်သည်။

“ သမီး ရယ်စရာကောင်းတဲ့ အဖြစ်အပျက် တစ်ခုကို ပြောပြရမလား? ”

သို့သော်လည်း  ကိုးရိုးကားရားလေထုကြီးကို တောင့်မခံနိုင်တော့တဲ့ ဒီနှုတ်သီးက ပိုင်ရှင်၏ဆန္ဒကို လျစ်လျူရှုပြီး လွတ်လပ်စွာ လှုပ်ရှားလာပါတော့သည်။

ဘယ်လို စိတ်ဝင်စားစရာကောင်းတဲ့ ဇာတ်လမ်းမျိုးကို ငါပြောပြရမလဲ?

အတိတ်ဘဝမှာတုန်းက ဖတ်ဖူးခဲ့တဲ့ ဟာသတွေကတော့ ဒီလူကြီးပေါ်မှာ အလုပ်မဖြစ်ဘူးဆိုတာ သေချာသည်။ဒါပေမဲ့ သူမက စကားစပြီးသွားပြီဖြစ်သည်။ထို့အပြင် Grand Duke၏မျက်နှာက အနည်းငယ် စိတ်ဝင်စားမှုကို ပြလာသည်။

သူတွင် အမြဲတမ်း အမူအယာမဲ့ဖြစ်နေသော မျက်နှာ ရှိသောကြောင့် သေးငယ်သော ပြောင်းလဲမှုဆိုလျှင်ပင် အလွယ်တကူ သတိထားမိနိုင်၏။ထို့ကြောင့် သူမ Mary Conler၏ဘဝထဲရှိ စိတ်ဝင်စားစရာဖြစ်ရပ်များကို လျှင်မြန်စွာ ပြန်လည် မှတ်ဉာဏ်တူးဆွခဲ့သည်။

“ သမီး မိဘမဲ့ဂေဟာမှာရှိတုန်းက အရမ်းကိုဗိုက်ဆာနေခဲ့လို့ Leoလို့ခေါ်တဲ့ သူငယ်ချင်းနဲ့ ဘေးနားက ခြံမှာ အာလူးတွေ တူးဖို့ သွားခဲ့တယ် ”

“ အာလူးတွေ? ”

“ သမီး တကယ် နှစ်လုံးပဲ တူးခဲ့တာ! အဲ့ဒါက မီးဖုတ်စားရင် အရမ်းစားကောင်းတာ။အဲ့ဒါက သမီးစားလို့ရတဲ့ အကောင်းဆုံးသရေစာ… ”