မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter (106)

Unicode

                     အခန်း (၁၀၆)

" ကလေးတွေရှေ့မှာ ဒီအကြောင်းကို စကားတစ်ခွန်းမှ မဟနဲ့ "

Estin က Lucas ကို ပြတ်ပြတ်သားသား သတိပေးလိုက်သည်။ Lucas ရဲ့ ကိုယ်ခန္ဓာကို အေးခဲစေသလို အေးစက်စက် အသံကြောင့် Lucas က မတတ်သာပဲ ခေါင်းညိတ်ပြလိုက်ရသည်။

Lucas သည် ထိုနေ့က ဖြစ်ခဲ့သည်များကို ပြန်တွေးကြည့်ပြီး နောက်တစ်ကြိမ် ငိုတော့မလိုဖြစ်နေခဲ့သည်။ Lucas ကို မျက်မှောင်ကြုတ်ကြည့်ကာ လှည့်ထွက်သွားခဲ့သည့် Estin ဟာ Lucas နားမလည်နိုင်သော ဝန်ထုပ်ဝန်ပိုးများစွာကို ထမ်းပိုးထားခဲ့လေသည်။

‘အရာအားလုံးထဲမှာမှ သခင်မလေး Mary က……’

Conler မိသားစုဟာ ဤကဲ့သို့ ကြောက်မက်ဖွယ်ကောင်းပြီး ရှုပ်ထွေးသော ကျိန်စာများစွာနှင့် ပြည့်နှက်နေခဲ့သည်။

ထိုအရာသည် Britina နဲ့ Larvia တို့ မမွေးဖွားမီက ဖြစ်ပျက်ခဲ့ခြင်းဖြစ်သည်။

Lorque တောင်တန်းများကို အခြေခံ၍ Kaya တိုက်ကြီးကို ဘုရင့်နိုင်ငံများစွာအဖြစ် ပိုင်းခြားထားခဲ့သည်။

Torta ဘုရင့်နိုင်ငံသည် ထိုဘုရင့်နိုင်ငံများစွာထဲတွင် အာဏာအရှိဆုံးနိုင်ငံ ဖြစ်ခဲ့သည်။

သံမဏိသတ္တုတွင်းများကို ပိုင်ဆိုင်သော Torta ဘုရင့်နိုင်ငံသည် သံသတ္တုရိုင်းများစွာကို အသုံးပြုကာ အထက်တန်းလွှာ လူနည်းစုများဖြင့် ဖွဲ့စည်းထားသော ၎င်း၏ ကြောက်မက်ဖွယ်ကောင်းသော စစ်တပ်ကို တည်ထောင်ခဲ့လေသည်။

Torta ၏စစ်တပ်သည် အနီးနားရှိ ဘုရင့်နိုင်ငံများကို လုယက်တိုက်ခိုက်ခြင်းများ စတင်ခဲ့သည်။ သူတို့ကို အနှောင့်အယှက်ပေးသော အရာအားလုံးကို ဖယ်ရှားပစ်ခဲ့သည်။ သူတို့ဖြတ်သန်းသွားရာ၌ ငါးညှီနံ့သင်းသလို သွေးနံ့များ ကျန်ရစ်ခဲ့သည်။

အံ့သြစရာကောင်းသည်မှာ Bratiana ဘုရင့်နိုင်ငံငယ်လေး၏ မင်းသားသည် ပန်းပွင့်များနှင့် ငြိမ်းချမ်းရေးကို ချစ်မြတ်နိုးသော်လည်း Torta ၏စစ်တပ်ကို ဆန့်ကျင်တိုက်ခိုက်ရန် အပြင်းအထန် တောင်းဆိုခဲ့၏။ သူသည် ငယ်ရွယ်ပြီး အားနည်းသော်လည်း တရားမျှတမှုကို လိုလားသောသူ ဖြစ်ခဲ့သည်။ ထို့ကြောင့် Torta ၏စစ်တပ်က တိုက်ကြီး၏ ငြိမ်းချမ်းရေးနှင့် စနစ်ကို အနှောင့်အယှက်ပေးလာသောအခါ သူသည် ငြိမ်သက်စွာ ကြည့်မနေနိုင်ခဲ့ပေ။