မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 117 )

Unicode

                       အခန်း ( ၁၁၇ )

နောက်တစ်နေ့တွင် Rex သည် Cheroke နှင့်အတူ ဓားရေးပညာရပ်များကို လေ့ကျင့်ပါတော့သည်။

Cheroke က Rex ရဲ့ အာရုံခံနိုင်စွမ်းကို ချီးကျူးလိုက်သည်။ ထိုအကဲဖြတ်မှုမှာ ပေါ့ပေါ့ပါးပါးပြောလိုက်ခြင်းဖြစ်သော်ငြား  Rex ကို စိုက်ကြည့်နေသည့်ပုံစံအရ Cheroke စကားမှာ ပေါ့ပေါ့တန်တန်ဖြစ်ပုံမရချေ။

သို့သော်လည်း Rex တွင် ကြီးမားလှသော  အားနည်းချက်ကြီးတစ်ခု ရှိနေသည်။ ၎င်းမှာ Rex ၏ရုပ်ပိုင်းဆိုင်ရာခွန်အားက အားနည်းနေခြင်းပင်။

ယခုပင်လျှင် သူ ဓားကို တစ်ကြိမ်လွှဲခုတ်လိုက်တိုင်း သူ့၏ခန္ဓာကိုယ်က တုန်ယင်နေသည်။ Mary က သူ သတိလစ်သွားမည်ကို ကြောက်မိသော်လည်း သူ့ကို ဒေါသထွက်စေမည်ကိုလည်း စိုးရိမ်သောကြောင့် သူမ၏စိုးရိမ်စိတ်များကို  အသံကျယ်ကျယ်ဖြင့် မထုတ်ဖော်နိုင်ခဲ့ပေ။ ထိုအစား သူ လေ့ကျင့်နေသည်ကို ကြည့်ရှုရင်း Mary  ရှေ့လျောက်လိုက် နောက်လျောက်လိုက်ဖြင့် လုပ်နေမိသည်။

ဘယ်လိုပဲကြည့်ကြည့် Rex က ဆယ်ကျော်သက်ပုန်ကန်ချင်တဲ့အရွယ်ကို ရောက်နေတာသိသာတယ်..

​ငါက သူ့အပေါ် လေးစားမှု ရှိတဲ့ အစ်မတစ်ယောက်ပါနော်...

​ဒါပေမဲ့ မင်းကိုယ်မင်း အတင်းအကျပ် ဖိအားပေးနေတာ မဟုတ်ဘူးလား?

Rex က လဲကျတော့မလို ရုတ်တရက် ယိုင်နဲ့သွားသော်လည်း ဟန်ချက်ကို လျင်မြန်စွာ ပြန်လည်ထိန်းချုပ်ကာ ကိုယ်ဟန်အနေအထားကို ပြန်လည်ထိန်းယူလိုက်သည်။ လူတိုင်းက Rex ကို အားပေးနေကြသည်။ သဘာဝကျကျပင် Mary သည်လည်း Rex ကို အားပေးနေခဲ့ပါသည်။ သို့သော် သူ၏ကြိုးစားအားထုတ်မှုများကို ကြည့်ရှုရင်း Mary စိတ်ထဲတွင် အတွေးတစ်ခု ဖျက်ခနဲ ပေါ်လာခဲ့သည်။

Rex မှာ ဒီလောက်ထူးချွန်တဲ့စွမ်းရည်တစ်ခုလုံး ရှိနေတာတောင် အခုလိုမျိုး ခက်ခဲတဲ့ ဓားရေးလေ့ကျင့်မှုမျိုးမှာ ကိုယ့်ကိုယ်ကို နှစ်မြှုပ်လိုက်ဖို့က တကယ် လိုအပ်လို့လား? ဒီလောက်ကြီး ကြိုးကြိုးစားစားအားထုတ်ဖို့ လိုလို့လား?