Unicode
အခန်း ( ၉၁ )
ဘာလို့ သူက ငါက ငါ့ရဲ့မောင်ငယ်လေးကို ဂရုစိုက်ပေးချင်တာကို တားဆီးနေရတာလဲ?
တကယ်တော့၊ နားလည်တယ်။ သူက အစ်ကိုအကြီးဆုံးဖြစ်တာမို့ အငယ်တွေကို စောင့်ရှောက်ပေးချင်တဲ့ သူ့ရဲ့ခံစားချက်ကို ငါနားလည်တယ်။
ဒါပေမယ့် ငါ နားလည်နိုင်တယ်ဆိုရင် သူကလည်း ငါ့ကို နားလည်သင့်တယ်မလား?
စဥ်းစားကြည့်တော့ ငါသာ Grand Duke ကို " ဒယ်ဒီ " လို့မခေါ်ဖူးဆိုရင် ပျော်ပွဲစားမထွက်ဘူးလို့ ပြောတဲ့သူကလည်း အစ်ကိုကြီးပဲ။
" ဘာလို့ တစ်ယောက်တည်း လမ်းလျောက်နေတာလဲ? "
Mary တစ်ယောက် ခေါင်းငိုက်စိုက်ဖြင့် လမ်းလျောက်လာချိန်တွင် Theodore က Mary နှင့် ဘေးချင်းကပ်လျောက်၍ မေးလာခဲ့သည်။
" အစ်ကိုကြီး Gilbert ကြောက်တတ်တဲ့အရာ တစ်ခုခုရှိလား? "
" ကြောက်တတ်တာလား? "
" .... "
" မင်း မင်းသားနဲ့ ဗြန်းစားကြီး အလောင်းအစားလုပ်ချလိုက်တာမျိုး? "
ပြောစရာတောင် မရှိတော့ဘူး။
Gilbert ၏ အားနည်းချက်ကို ရှာဖို့ သူကိုချဥ်းကပ်ခဲ့ပင်မဲ့ သူမက တိုက်ခိုက်ခံလိုက်ရသည်။
ဘာလို့ အတိတ်ကအကြောင်းအရာတွေကို ပြန်ဖော်နေရတာလဲ?
" မဟုတ်ဘူး။ အဲ့လိုမျိုး မဟုတ်ဘူး။ ညီမလေးပြောချင်တာက အားနည်းချက် တစ်ခုခုများ ရှိလားလို့? "
" ဘာလို့သိချင်တာလဲ? "
မထင်မှတ်ထားတဲ့ မေးခွန်းကြောင့် Mary ပါးစပ်ကို တင်းတင်းမှိတ်ကာ မျက်လုံးများကို လှိမ့်လိုက်သည်။
အဲ့ဒါက လက်စားချေမလို့ပါဆို!
" အဲ့တာက ဒီတိုင်း ညီမလေးတို့က မိသားစုဝင်တွေဆိုတော့ သိချင်မိတယ်လေ။ ဟုတ်တယ်မလား? "
" မင်း သိချင်လို့လား? "
" အစ်ကို Theodore ရော ဘာကို ကြောက်လဲ? "
Mary ထိုသို့မေးလိုက်သောအခါ Theodore သည် တန့်ခနဲ ရပ်သွားခဲ့သည်။ Mary သည်လည်း Theodore နှင့် နည်းတူရပ်တန့်သွားရသည်။ Theodore က Mary ဘက်ကို ရိုးရိုးရှင်းရှင်းသာ စိုက်ကြည့်လာခဲ့လေသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
