မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 109 )

Unicode

                     အခန်း ( ၁၀၉ )

“ဒုတိယမင်းသားနဲ့ Grand Princess တို့ ကြွချီလာပါပြီ! ”

Demimore နဲ့ ပထမဆုံးအကြိမ်တွေ့ဆုံခဲ့သည်မှာ Mary ကိုးနှစ်သမီးအရွယ်က ဖြစ်သည့်အတွက် ယခုဆိုလျှင် ငါးနှစ်ကြာခဲ့ပြီ ဖြစ်သည်။ နောက်ဆုံးတော့ Mary ၁၄ နှစ် ပြည့်သောအခါ သူနှင့် စေ့စပ်ခဲ့ရလေပြီ။

မင်းသား Demimore သည် သေးငယ်သော ပွဲသဘင်မျိုးသာ နှစ်သက်သော်လည်း စေ့စပ်ပွဲကို ဧကရာဇ်နန်းတော်၏ ဧည့်ခံပွဲခန်းမထဲ၌ ကျင်းပခဲ့သည်။ Deminore ၏မိခင်မှာ ပြင်ပ‌လောနှင့် ထိတွေ့ခွင့် ကန့်သတ်ထားသည်ဖြစ်၍ ပွဲသို့ တက်ရောက်နိုင်ခြင်းမရှိပေ။ ဧကရာဇ်လည်း အလုပ်များနေသည့်အတွက် ပွဲသို့ တက်ရောက်နိုင်ခြင်းမရှိခဲ့ချေ။

Mary သည် တော်ဝင်နန်းတော်သို့ လာရသည့်အချိန်တိုင်း ယခုလို အခြေအနေမျိုးကို ကြုံတွေ့နေရစမြဲပင်။ ဤနေရာ၏ လေထုမှာ Conler ရဲတိုက်နှင့် များစွာခြားနားသည်။ Mary သည် ကိုးနှစ်အရွယ်တွင် ဤဧကရာဇ်နန်းတော်သို့ ပထမဆုံးအကြိမ် ခြေချခဲ့စဥ်က အလင်းရောင်ကောင်းမွန်ပြီး အရောင်အသွေးများစွာရှိသည့်အတွက် နွေးထွေးသည်ဟု ထင်ခဲ့မိသည်။ သို့သော် Mary အသက်ပိုကြီးလာသည်နှင့်အမျှ ဤနန်းတော်မှာ လုံးဝနွေးထွေးသည်ဟု မခံစားရတော့ပေ။

တော်ဝင်နန်းတော်သည် နေမဝင်သောနေရာဖြစ်သော်လည်း ပြတင်းပေါက်တိုင်း၌ နေပုံများကို ထွင်းထုထားခြင်းသည် တစ်နည်းအားဖြင့် ထူးဆန်းနေသည် မဟုတ်ပါလား။ ၎င်းသည် ဦးနှောက်ဆေးကြောခံရခြင်းနှင့် ဆင်တူနေသည်။

တတိယထပ်လောက်အထိ မြင့်သော မျက်နှာကျက်ကို ရင်သပ်ရှုမောဖွယ်ရာ မီးဆိုင်းများဖြင့် အလှဆင်ထားသည်။ ထိုမီးဆိုင်းများပေါ်တွင် ပိုမိုတောက်ပအောင်ပြုလုပ်နိုင်သည့် မှော်ပညာများ စီရင်ထားခြင်းဖြစ်လောက်မည်။

ယခု Mary သည် ထိုကဲ့သို့သော မှော်အစီအရင်များကို မြင်တွေ့ရသည်ကို ကျင့်သားရနေခဲ့ပြီဖြစ်သည်။

ဤစွမ်းရည်သည် Mary ကိုးနှစ်အရွယ်တွင် ပေါ်ထွက်လာခဲ့သော်လည်း... ၎င်းသည် အလွန်အသုံးဝင်သည်ဟု မထင်ရပေ။