Unicode
အခန်း (၁၀၅)
" တစ်စုံတစ်ယောက်က မူရင်းဝတ္ထုရဲ့ ဇာတ်လမ်းဇာတ်ကွက်တွေနဲ့ ရင်းနှီးကျွမ်းဝင်နေတယ် "
Mary ပိုတွေးမိလေလေ၊ ဆောင်းလေက သူမ၏ခန္ဓာကိုယ်ပေါ် ဖြတ်တိုက်လာသလို အေးစက်မှုကို ခံစားလိုက်ရသည်။
၎င်းမှာ အဓိပ္ပါယ်မဲ့သည့်တိုင် Mary ထိုအတွေးကို ယုံကြည်လာမိသည်။
တကယ်လို့ ငါကလွဲလို့ တခြားတစ်ယောက်က ဒီမူရင်းဇာတ်လမ်းရဲ့ အသေးစိတ် အချက်အလက်တွေကို သိနေမယ်ဆိုရင် အဲ့လူက မြေအောက်ကမ္ဘာရဲ့ နတ်ဘုရားလို့ နာမည်ရနေတဲ့သူဖြစ်နိုင်တယ်မလား...?
Mary ထိုသို့တွေးမိလိုက်သည်။
သူက ငါ့ကို ပြန်ပေးဆွဲပြီး မူရင်းဇာတ်လမ်းလိုပဲ မိဘမဲ့ဂေဟာတစ်ခုဆီ ခေါ်သွားမယ်၊ ပြီးတော့ ငါနဲ့ Astina ခွဲခွာဖို့ ဒီလိုလုပ်တာ ဖြစ်နိုင်တယ်...
ငါက မြေအောက်ကမ္ဘာရဲ့ သူတော်စင်မို့ သူက ငါ့ကို တကယ်ကြီး စွဲလမ်းနေတာများလား?
“ဟင်း”
Mary အတွေးထဲ နစ်မြှုပ်နေစဉ် Marquis Borneau နှင့် Lucas တို့ကြား စကားဝိုင်းကို တိတ်တဆိတ် စောင့်ကြည့်နေခဲ့သော Grand Duke Estin က ကျောမတ်လိုက်သည်။
သူ့၏ လက်လွတ်စပယ် လှုပ်ရှားမှုက ဧည့်ခန်းထဲရှိ လူတိုင်းကို ဖမ်းစားသွား၏။
Marquis Borneau နှင့် Lucas တို့၏ စကားဝိုင်းအနှစ်ချုပ်အရ သူဘာတွေးနေသည်ကို Mary မပြောနိုင်ပေ။ ဤသည်မှာ သူ့မျက်နှာအမူအရာက သိသိသာသာ ပြောင်းလဲခြင်း မရှိသောကြောင့်ဖြစ်သည်။
Grand Duke Estin က သူ့အမူအရာနှင့် လိုက်ဖက်သော လျစ်လျူရှုသလို လေသံဖြင့် ပြောဆိုခဲ့သည်။
“ တရားခံက ဘယ်သူလဲဆိုတာကို ငါ သိပြီထင်တယ် ”
သို့သော် ပြောလိုက်သည့် အကြောင်းအရာက အံ့သြစရာ ကောင်းလှသည်။
Mary ကြားလိုက်ရသည်ကိုပင် မယုံကြည်နိုင်ခဲ့ချေ။ ထို့ကြောင့် Mary တစ်ယောက် ပါးစပ်အဟောင်းသားဖြစ်သွားရသည်။
Grand Duke Estin က မြေအောက်ကမ္ဘာရဲ့ နတ်ဘုရားမှာ အပြစ်ရှိတယ်လို့ ထင်တာလား?
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
