Unicode
အခန်း ( ၇၃ )
အင်ပါယာ၏တစ်ဦးတည်းသော တော်ဝင်မင်းသမီးလေး Lausanne Arstans
သူမ၏ငွေရောင်ဆံနွယ်များကို မြင်သောအခါ ဆူညံနေခဲ့သော ဥယျာဉ်မှာ ရေအေးတစ်ပုံးဖြင့် လောင်းချခြင်းခံလိုက်ရသကဲ့သို့ တိတ်ဆိတ်သွားခဲ့သည်။ သူမသည် တော်ဝင်မင်းသမီးတစ်ဦး၏ဂုဏ်အင်္ဂါနှင့်အညီ လှပကျော့ရှင်းကျက်သရေရှိစွာ လျောက်လှမ်းလာခဲ့သည်။ Lausanne နှင့် Cameron ဟာ မွေးချင်းများဖြစ်သည့်အတွက် သူမသည် Mary ၏ရန်သူဖြစ်သည်။ သူတို့သည် Demimore နှင့် ပုံစံများစွာ ကွဲပြားသော်လည်း သူမ၏ကျော့ရှင်းသော ငွေရောင်ဆံနွယ်များနှင့် နေလုံးတစ်လုံးကဲ့သို့ တောက်ပနေသော အနီရောင်မျက်လုံးတို့မှာ သူမကို Cameron ထက် Demimore နှင့် ပိုတူစေခဲ့သည်။
မင်းသမီးဝင်လာသည်နှင့် ကလေးငယ်များအားလုံးသည် စားပွဲဝိုင်းအကြီးကြီးတစ်ခုတွင် စုရုံးကာ နေရာယူလိုက်ကြသည်။ Mary သည်လည်း စားပွဲနားသို့ ချဥ်းကပ်လိုက်ရင်း ဘေးဘီဝဲယာကို ကြည့်မိသည်။
Lausanne သည် သူမရှေ့တွင် စုဝေးနေကြသော ကလေးများကို ကြင်နာသောမျက်လုံးအစုံဖြင့် ပြုံးပြလိုက်ပြီးနောက် ထိုင်လိုက်၏။ ၎င်းနောက်တွင်မူ အခြားကလေးများက ပုံမှန်လုပ်ရိုးလုပ်စဥ်ကဲ့သို့ တစ်ယောက်ပြီးတစ်ယောက် ထိုင်လိုက်ကြသည်။
" မင်းသမီးလေး မတွေ့ရတာကြာပြီနော်! "
" အရှင့်သမီးက ပိုတောင်လှလာလိုက်တာ "
မိန်းမပျိုလေးတစ်ယောက်က သတ္တိရှိရှိဖြင့် နှုတ်ဆက်စကားစပြောလိုက်ချိန်ဝယ် လူတိုင်းက မင်းသမီးကို နှုတ်ဆက်ဖို့ကြိုးစားကြတော့သည်။ နှုတ်ခွန်းဆက်မှုအားလုံးမှာ လူတစ်ဦးတည်းကို ဦးတည်နေခဲ့ပြီး ၎င်းမှာ အလွန်ကိုဆူညံပွတ်လောရိုက်နေခဲ့သည်။
ဒီနေ့ရဲ့ အဓိကဇာတ်ဆောင်ကတော့...ဝိုး..တကယ်ကြီးလား?
Lausanne သည် မျက်နှာပေါ်တွင် အပြုံးလေးတစ်ခုကို ထိန်းသိမ်းထားရင်း ဤပွတ်လောရိုက်နေသောအခြေအနေမှာ ဘာမှထူးထူးခြားခြားမဟုတ်သယောင်ဖြင့် တစ်ယောက်ချင်းကို ပြန်ဖြေပေးနေခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceWeekly update- Sat & Sun Status in COO_ Chapter226+side story *credit to author 윤로체 and English translator*
