Unicode
အခန်း ( ၇၈ )
" ဟမ် "
သူ ဘာတွေပြောနေတာလဲ?
Demimore က ဘာတွေပြောနေလဲ Mary မသိတာကြောင့် မျက်ခုံးကြီးရှုံ့ပြီး သူ့ကို ကြည့်လိုက်ရာ Demimore က ၎င်းမှာ ရယ်စရာကောင်းနေခဲ့သလို ကျယ်လောင်စွာ ရယ်မောလာခဲ့သည်။
" ဒါဆိုလဲ ငါတို့ သူငယ်ချင်းလုပ်ကြတာပေါ့ "
" .... "
" Mary မင်း မသိလောက်ပင်မဲ့ ဒီဆေးက အရမ်းကိုအဖိုးတန်တယ်။ ငါ့အတွက် ပိုပြီးတာဝန်ကြီးသလို ခံစားရတယ်။ ဒါပေမဲ့ ငြင်းလိုက်ရင်လဲ မင်းအပေါ် မယဥ်ကျေးရာရောက်နေမှာဆိုးလို့ အချိန်အတိုင်းအတာတစ်ခုအထိ ငါ ဒါကို သိမ်းထားပေးမယ် "
အဲ့ဒါက ငါ့ရဲ့ရည်ရွယ်ချက်ပဲလေ အရူးကြီးရဲ့...
အောင်မြင်သွားပြီကွ!
Demimore က Mary ကို အနိုင်မယူနိုင်သလိုမျိုး အပြုံးဖျော့ဖျော့ဖြင့် ပြောလာခဲ့သည်။
" နောက်ပိုင်း မင်း ဒါကို ပြန်တောင်းရင်လဲ ငါပြန်ပေးမှာပါ "
" ပေးပြီးသားပစ္စည်းကို ပြန်တောင်းတာက အရမ်းကိုအပေါ်စားဆန်တဲ့ လုပ်ရပ်တစ်ခုပဲ "
Mary က လက်ပိုက်ပြီး ပြောလိုက်သောအခါ Demimore က သူ၏လက်ကို Mary ခေါင်းပေါ်သို့ ဖွဖွလေးတင်လိုက်သည်။
သူများခေါင်းပေါ် ဘာလို့ လက်ကြီး လာတင်တာလဲ?
Mary က သူ့ကို မျက်လုံးဝိုင်းကြီးများဖြင့် ကြည့်လိုက်သောအခါ Demimore ပုံစံမှာ အတော်လေး စိတ်ရှုပ်ထွေးသွားပုံရသည်။
" ဘာလု..."
" အို ငါ တောင်းပန်ပါတယ် "
Mary က သိချင်စွာဖြင့် မေးမလို့လုပ်လိုက်ချိန်မှာပဲ Demimore က အလျင်စလို တောင်းပန်လာခဲ့ပြီး သူ့ရဲ့လက်ကို ချက်ချင်းပြန်ရုတ်လိုက်သည်။
မဟုတ်လေ။ ငါကတောင် သူ့ထက်ပိုပြီး လန့်သွားရမှာကို သူက ဘာလို့ ပိုလန့်သွားတဲ့ပုံစံဖြစ်နေရတာလဲ?
" တကယ် တကယ်တောင်းပန်ပါတယ် "
" ရပါတယ်။ ဘာမှမဖြစ်ပါဘူး။ ဒါနဲ့ ဘာလို့ ရုတ်တရက်ကြီး ငါ့ခေါင်းကို လာထိတာလဲ? "
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
