Unicode
အခန်း ( ၁၀၀ )
“အ့ နာလိုက်တာ ”
“လက်ညှိုးလေးက နာနေတုန်းလား သခင်မလေး? ”
“ဟုတ်... နာနေတုန်းပဲ ”
Mary က လက်ညိုုးနာနေသည်ဟု ပြောလိုက်သည်နှင့် Carol က စိတ်ပူနေတဲ့ မျက်နှာနဲ့ Mary အနားကို အပြေးရောက်လာခဲ့သည်။ လက်ညိုးသည် အပြင်ပန်းက ကြည့်လျှင် ဘာမှမဖြစ်သော်လည်း အတွင်းပိုင်းတွင် နာကျင်နေသဖြင့် Mary စိတ်မကြည်ဖြစ်နေသည်။ Carol က Mary လက်ကို ဆွဲယူပြီး ထိလိုက်မိပါက နာသွားမှာ ကြောက်ရွံ့နေသလိုမျိုး ဂရုတစိုက် ကိုင်ကြည့်လာသည်။
Carol ၏ နူးညံ့ညင်သာသောထိတွေ့မှုကြောင့် နာကျင်မှုကို ဖော်ပြမိခြင်းအတွက် Mary နောင်တရသွားသည်။
အိုး.. မပြောပြဘဲ ငြိမ်ငြိမ်လေး နေလိုက်သင့်တာ...
“ ခုတော့ သက်သာသွားပြီ ”
“ သခင်မလေး အဆင်ပြေချင်ယောင်ဆောင်စရာ မလိုပါဘူးနော် ”
“မဟုတ်ပါဘူးဆို..ဒီမှာကြည့်! သမီး ကွေးလို့ဆန့်လို့တောင် ရသွားပြီ ”
အပြင်ပန်းက ထိခိုက်မှုမရှိသောကြောင့် Mary နာကျင်နေသည်ကိုသာ မပြသလျှင် Carol သိလောက်မည်မဟုတ်ပါ။ Carol ကို စိတ်မပူစေလိုသောကြောင့် Mary ပြုံးပြလိုက်ပြီး လက်ညိုးကို သူမရှေ့တွင် အကြိမ်အနည်းငယ် ကွေးလိုက်၊ ဆန့်လိုက် လုပ်ပြလိုက်သည်။
Mary သည် မွေးနေ့ပြီးကတည်းက သူမ့အပေါ်စိုးရိမ်ကာ စိတ်ပူနေကြသူတွေကို နောက်တစ်ခါထပ်ပြီး စိတ်မပူစေလိုခဲ့ပါ။
Grand Duke Estin သာ Mary လက်ချောင်းနာနေကြောင်း သိလျှင် Laminicho ကို အမြန်အသုံးပြုခိုင်းလိမ့်မည်။ Mary Laminicho ကို အင်းဆက်ကိုက်ခံရစဥ် တစ်ပုလင်း Demimore အတွက် တစ်ပုလင်း စုစုပေါင်း နှစ်ပုလင်းတိတိ အသုံးပြုပြီးပြီဖြစ်သည်။ ထိုမျှအဖိုးထိုက်တန်လှသောဆေးကို သုံးကြိမ်မြောက်တော့ ထပ်မသုံးလိုတော့ပေ။
ယခုအခါတွင် Conler စံအိမ်အတွင်း၌ လုံခြုံရေးကို တင်းကျပ်စွာ ချထားပြီး ကင်းထောက်များလည်း ယခင်ကထက် ပိုများပြားလာသည်။ ဤသို့ထူးဆန်းပြီး တည်ကြည်လေးနက်နေသော လေထုမှာ သူမ့အပေါ်စိတ်ပူနေကြသောကြောင့် ပေါ်ပေါက်လာရသည်ဟု တွေးမိပြီး Mary တစ်ယောက် ရူးတော့မည်ဟု ထင်မိသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
