Unicode
အခန်း (၂၈)
“ သခင်မလေး နိုးနေပြီလို့ ကြားတယ် ”
ယာဂုကို အပြီးသတ်နေတဲ့ Maryကို Bonita က ကြည့်နေခဲ့စဉ်တွင် Hestia တစ်ယောက် အပြေးအလွှား ဝင်လာခဲ့သည်။ Hestia က Maryအနားကို ကပ်လာခဲ့ပြီး အဖျားကို စစ်ဆေးဖို့ရန်အလို့ငှာ သူမ၏လက်များဖြင့် Mary၏နဖူးကို ထိကပ်လာခဲ့၏။
သူမ၏လက်များဟာ အေးစက်နေခဲ့တဲ့အတွက် နေလို့ကောင်းလှသည်။
“ တော်သေးတာပေါ့။ အဖျားကျသွားပြီ ”
“ သခင်မလေးက ပုံမှန်ထပ်လဲ ပိုပြီး စားခဲ့တယ် ”
“ ကုသဆေးက တကယ်ကို ထိရောက်မှုရှိတာပဲ ”
Bonita သည် အလွန်ကို စိုးရိမ်နေခဲ့တဲ့ Hestia ၏စိတ်ပူမှုတွေကို လျော့ကျသွားစေဖို့ Maryရဲ့အခြေအနေတွေကို ပြောပြပေးနေခဲ့သည်။ Hestia သည် သက်ပြင်းချနိုင်သွားကာ Maryရဲ့နဖူးကို ထိတွေ့နေသော သူမ၏လက်များကို ဖယ်လိုက်ပြီးနောက် နဖူးပြင်တွင် ကျနေသော ဆံစလေးကို သပ်ပေးလိုက်သည်။
“ ကျေးဇူးပြုပြီး နောက်တစ်ခါ အဲ့လိုထပ်မလုပ်နဲ့တော့နော်။ ကျွန်မ ဘယ်လောက်တောင်ထိတ်လန့်သွားခဲ့ရလဲ သခင်မလေး သိရဲ့လား? ”
“ ဟုတ်.... ”
“ သခင်မလေးက ကျွန်မကို ကြောက်လန့်သွားစေခဲ့တယ်! ထပ်ပြီး မနာကျင်ပါစေနဲ့ ”
Hestia ၏ ချိုမြိန်သော်လည်း တင်းမာနေခဲ့သောအသံက Mary လုပ်ခဲ့မိသော အရာကို ပြန်ပြီး သတိပေးနေသယောင် ရှိ၏။
“ သမီး Hestia ပြောတာကို သေချာနားထောင်ပါ့မယ် ”
“ သခင်မလေးက အဲ့လိုသနားစရာကောင်းတဲ့ ကြောင်မျက်လုံးလေးတွေနဲ့ ကြည့်နေမှတော့ ကျွန်မ မဆူနိုင်တော့ဘူး ”
“ မင်း သခင်မလေးကို ဆူခဲ့မိရင် တစ်မိနစ်က တစ်နှစ်လောက် ကြာသလိုကို ခံစားနေရလိမ့်မယ် ”
Bonita ၏ စနောက်လာသော စကားက Hestia ကို ရယ်မောစေခဲ့သည်။ Hestia ရဲ့ အပြုံးကို မြင်လိုက်ရတဲ့အတွက် သူမရဲ့လေးလံနေခဲ့သော နှလုံးသားဟာ သက်သာရာ ရသွားခဲ့ပါသည်။ ရယ်မောနေခဲ့သော Hestia သည် ရုတ်တရက် “ အာ! ” လို့ ပြောလိုက်ရင်း တစ်စုံတစ်ရာ ကို သတိရသွားခဲ့ပုံပေါ်၏။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceWeekly update- Fri & Sat & Sun Status in COO_ Chapter226+side story *credit to author 윤로체 and English translator*
