မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 107 )

Unicode

                         အခန်း ( ၁၀၇ )

အချိန်အကြာကြီးနေမှ X တစ်ယောက် မြေပြင်ပေါ်သို့ သွားရသည့်အတွက် အတော်လေးကို ကျေနပ်နေမိသည်။ ဤသည်မှာ လူတစ်ယောက်ယောက်ကို ပြန်ပေးဆွဲရန်မဟုတ်ဘဲ “စကားပြောရန်” သက်သက်သာ သွားရသော ခရီးစဥ်ဖြစ်လေသည်။

X သည် Count Stein နယ်မြေ၏ အစွန်ဆုံးနေရာတွင်ရှိသော တဲအိမ်လေးဆီသို့ ရောက်လာခဲ့သည်။ ရွာအပြင်ဘက် တောင်ကုန်းတစ်ခုပေါ်တွင် တည်ရှိသော ထိုတဲအိမ်လေးသည် ပြိုကျလုနီးနီး ပုံပန်းသဏ္ဌာန်ရှိသော်လည်း ခြေလှမ်းကျဲဖြင့် ဝင်လိုက်သည်နှင့် သာမန်မျိုးရိုးမြင့်တစ်ဦး၏ ဧည့်ခန်းကဲ့သို့ အပြင် အဆင်များကို တွေ့ရသည်။

ထင်းများမီးတောက်လောင်နေသည့် မီးဖိုဘေးတွင် ထိုင်လိုက်သည်နှင့် အိမ်ဖော်တစ်ယောက်က သူ့အား လက်ဖက်ရည်ဖြင့် တည့်ခင်းဧည့်ခံလာလေသည်။ ဤနေရာတွင် အိမ်ဖော်ပင်ရှိနေသေးသည်။ X သည် လူသားများ၏ တွေးခေါ်ပုံကို နားလည်ရန် မဖြစ်နိုင်တော့ကြောင်း စိတ်ရင်းနှင့်ပင် ယုံကြည်မိသည်။ အထူးသဖြင့် အခြားသူများကို အုပ်စိုးရန် ကြိုးစားနေသူများ၏ အတွေးအခေါ်ကိုဖြစ်သည်။ အိမ်ဖော်မှပေးသော မွှေးရနံ့သင်းပျံ့သည့် လက်ဖက်ရည်ကို သောက်ရင်း စောင့်ဆိုင်းနေခဲ့ရာ နောက်ဆုံးမှာတော့ တစ်စုံတစ်ဦး ဝင်လာသည့်ခြေသံကို ကြားလိုက်ရသည်။

“ဪ ခင်ဗျားရောက်နေပြီကိုး ”

တဲအိမ်လေးထဲသို့ ဝင်လာသူနှစ်ဦးမှာ Count Stein နှင့် Cameron တို့ ဖြစ်လေ၏။ သူတို့ သုံးဦးသာလျှင် ဤတွေ့ဆုံမှုကို သိရှိပြီး လျှို့ဝှက်စွာ ပြုလုပ်ခြင်း ဖြစ်သည်။

အင်ပါယာပထမမင်းသား Cameron က တော်ဝင်ဆန်သော အမူအရာ ၊ ခပ်ကြွားကြွားဟန်ဖြင့်  X ထိုင်နေသည့်နေရာသို့ လျောက်လာခဲ့၏။  X က ထိုင်လျက်နှင့်ပင် Cameron ကို စူးစိုက်ကြည့်နေရင်း ခေါင်းညိတ်ပြလိုက်သည်။

X ၏ မာနတစ်ခွဲသားဖြစ်နေသော သဘောထားမှာ Cameron ကို စိတ်အနှောင့်အယှက်ဖြစ်စေသည်မှာ သေချာပါသည်။

" ဆိုတော့ ခင်ဗျားက မြေအောက်လောကရဲ့ ဘုရင်ပေါ့ "

Cameron သည် မထီမဲ့မြင်ပြုသောအမူအရာဖြင့်  နှုတ်ဆက်ခြင်းကို ရွေးချယ်လိုက်သည်။ ဤကဲ့သို့ ရှင်းလင်းပြတ်သားသည့် ရန်စမှုကို မတုံ့ပြန်ဘဲ X က ဟက်ဟက်ပက်ပက် ရယ်မောလာခဲ့၏။ ၎င်းသည် လှောင်ပြောင်သည့် ရယ်ဟန်ပင်မဟုတ်။ ခွက်ထိုးခွက်လန်ဖြင့် အားရပါးရ ရယ်မောနေခြင်းပင်ဖြစ်သည်။ ၎င်းကို ကြည့်ရင်း ဆိုးဆိုးရွှားရွှားခံစားလာရသူမှာ Cameron တစ်ယောက်တည်းသာ ဖြစ်သည်။