Unicode
အခန်း (၁၁၁)
နောက်ဆုံးမှာတော့ Rex က အရင်စကားစပြောလိုက်သည်။
"ဟို... ကျွန်တော် Gieffroy ကို အရင်တစ်ခေါက်တုန်းက သွားတုန်းက အရှင်မင်းသားကို တွေ့ခဲ့တော့ စကားပြောဖြစ်ခဲ့တယ်... ရိုင်းပျသလိုဖြစ်သွားမယ်ဆိုပင်မဲ့ မမက တကယ်ကြီး စေ့စပ်တော့မှာဆိုတော့ ကျွန်တော် အရမ်းစိတ်ပူနေခဲ့တာ...."
Rex ရဲ့ အသံမှာ သနားစရာကောင်းလောက်အောင် တုန်ရီနေခဲ့ပြီး စကားတွေကိုတောင် ပီပီသသ မပြောနိုင်ခဲ့ပေ။ Mary ၊Hestia နှင့် Rex တို့သည် Gieffroy ကနေ မကြာသေးမီကမှ ပြန်ရောက်ခဲ့ကြခြင်းဖြစ်သည့်အတွက် ထိုဖြစ်ရပ်မှာ လွန်ခဲ့တဲ့ သုံးလလောက်က ဖြစ်နိုင်သည်။ သူမ နှင့် Hestia တို့ မရှိသည့်အချိန်၌ ဆုံမိခဲ့ကြခြင်းဖြစ်လိမ့်မည်။
Rex က ရှက်တတ်ပြီး တခြားသူတွေနဲ့ ရင်းနှီးဖို့ ဝန်လေးတတ်တဲ့သူဖြစ်သောကြောင့် သူ အဆင်မပြေဆုံးဖြစ်တဲ့ Demimore ကို အရင်ချဉ်းကပ်ခဲ့သည်ဆိုသည်မှာ Mary ကို အံ့အားသင့်စေခဲ့သည်။
ထိုသိုလုပ်ရခြင်းမှာလည်း သူမကြောင့်သာ ဖြစ်၏။ အစောပိုင်းက Rex ငိုနေခဲ့ပြီးတော့ သူမကို ကြည့်နေခဲ့သည့်အချိန်ကို ပြန်သတိရမိလိုက်သောအခါ Mary စိတ်ထဲမှာ နက်နက်နဲနဲကို လှုပ်ရှားသွားရသည်။
" ဟုတ်တယ် ရိုင်းပြခဲ့တယ် "
Demimore ၏ အေးစက်စက် လေသံမှာ Maryအတွက် အနည်းငယ်မျှမကပဲ အလွန်ပင် စိမ်းသက်နေခဲ့သောကြောင့် Mary စကားဝင်ရောက်ပြောဆိုရန် အချိန်မကိုက်ဖြစ်နေခဲ့သည်။ သို့ရာ၌ Demimore ၏ အမူအရာမှာ အတော်လေး စိတ်မသက်မသာ ဖြစ်လာခဲ့သည်။ Maryသည် ထိုအချိန်မှသာ သတိပြန်ဝင်လာကာ ယခုကဲ့သို့ စိတ်ခံစားမှုများစွာဖြင့် နစ်မြောနေရန် အချိန်မရှိကြောင်း သဘောပေါက်မိသွားသည်။
အေးခဲနေသည့်လေလိုပင် သူတို့နှစ်ယောက်ကြားမှ တင်းမာမှုဟာ တဖြည်းဖြည်း ပျံ့နှံ့လာပြီး ပျော်ပျော်ရွှင်ရွှင်ဖြစ်နေသည့် ဧည့်ခံခန်းမကြီးကို အေးခဲစေခဲ့သည်။ ဧည့်ခံခန်းမထဲက လူများသည် တစ်ယောက်နှင့်တစ်ယောက် စကားပြောနေကြသယောင် ဟန်ဆောင်နေကြသော်ငြား သူတို့ဟာ Mary တို့အပေါ် အာရုံစိုက်နေကြကြောင်း Mary သိနေသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
