Unicode
အခန်း ( ၁၂၃ )
တောအုပ်အတွင်း၌ တပ်စွဲထားသည့် Conler ၏ Knight အဖွဲ့ဝင်များအကြားတွင် ထူးဆန်းသည့် ကောလာဟလတစ်ခု ပျံ့နှံ့စပြုလာခဲ့လေသည်။
ရှာဖွေရေးအဖွဲ့ခွဲတစ်ခုမှ အဖွဲ့ဝင်တစ်ဦးသည် တောမှိုရိုင်းတစ်မျိုးအား ဆွတ်ခူးစားသုံးခဲ့ရာ ၎င်းမှာ အဆိပ်ရှိပြီး ထင်ယောင်ထင်မှားဖြစ်စေနိုင်သော မှိုမျိုးဖြစ်နေခဲ့၏။
အဆိပ်သင့်မှုကြောင့် Estin ၏ စစ်စခန်းကို စောင့်ကြပ်နေသည့် knight အဖွဲ့ဝင်တစ်ဦးမှာ အပြင်းအထန်ဖျားနာခဲ့သည်။ ထိုသူက Grand Duke သည် စာတစ်စောင်ကို ဖတ်ရင်း ပြုံးနေသည်ကို တွေ့မြင်ခဲ့ရကြောင်းပင် အခိုင်အမာ ပြောဆိုလာခဲ့လေသည်။ သူ မြင်နေရသည်မှာ အမှန်ဟုတ်မဟုတ် သေချာစေရန် မျက်လုံးကို ပွတ်ကြည့်ပင်မဲ့ ထိုမြင်ကွင်းကို မြင်နေရဆဲပဲဟု ဆိုခဲ့၏။
Conler အိမ်တော်မှ စာနှစ်စောင် ရောက်ရှိလာခဲ့သည်။ တစ်နည်းအားဖြင့်ပြောရလျှင် Estin ဆီသို့ စာပို့လာသူ နှစ်ဦးရှိခဲ့သည်။ ထိုသူနှစ်ဦးမှာ Gilbert နှင့် Mary ဖြစ်ကြသည်။
သားအကြီးဆုံးနှင့် သမီးအငယ်ဆုံးတို့ထံမှ စာများဖြစ်သည့်အတွက် Estin သည် Gilbert ကို စိတ်ထဲမှ တောင်းပန်စကားဆိုလိုက်ကာ Mary စာကို စာအိတ်ဖွင့်ဓားဖြင့် ဂရုတစိုက်ဖြင့် ဦးစွာဖွင့်ဖတ်လိုက်သည်။
Conler အိမ်တော်မှ ပေးပို့သည့် စာအဝင်အထွက်အားလုံးကို Gilbert ကသာ တာဝန်ယူ စီစဉ်ပေးနေခြင်းကြောင့် အခြားကလေးများကမူ စာပို့ရန် ဂရုမစိုက်ခဲ့ကြပေ။
Estin သည် Mary စာထဲတွင် ဘာတွေပါမလဲဆိုသည်ကို အထူးပင်စိတ်ဝင်စားနေခဲ့၏။ စာ၏အကြောင်းအရာက အလွန်ကို ရိုးရှင်းနေသည်ကို တွေ့လိုက်ရသောအခါ Estin အံ့သြသွားခဲ့ရသည်။
[ ဒယ်ဒီ , Gilbert စာထဲမှာ ပြောထားတဲ့ အကြောင်းအရာတွေက နားလည်မှုလွဲတာပါ။သမီးက ဒယ်ဒီကို ဒုက္ခပေးဖို့ ရည်ရွယ်တာ မဟုတ်ပါဘူး။ သမီးက ဒယ်ဒီ့ရဲ့ ခွန်အားနဲ့ ဆုံးဖြတ်နိုင်စွမ်းကို ယုံကြည်လို့ ပြောလိုက်တာရယ်။ ဘာပဲဖြစ်ဖြစ် ဒယ်ဒီက သမီးအတွက်တော့ ကမ္ဘာပေါ်မှာ အသန်မာဆုံးသူပဲ။ Gilbert ရေးတဲ့စာကို ဖတ်ပြီး ဒယ်ဒီ နားလည်မှုမလွဲနဲ့နော်။ ကျန်းကျန်းမာမာနဲ့ မြန်မြန်ပြန်လာပါ။ သမီး ဒယ်ဒီ့ကို အရမ်းလွမ်းတယ်။ ဒါပဲနော် ]
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
