Unicode
အခန်း ( ၈၀ )
" နောက်တစ်ကြိမ် ထပ်ဆုံနိုင်ဖို့ မျော်လင့်ပါတယ် lady Mary "
" သေချာပေါက်ရှိလာမှာပါ အရှင်မင်းသမီး "
" ပြီးတော့လေ Lady Mary ကဗျာနဲ့ပတ်သက်ပြီး ပြောသွားတာကို ငါ အရမ်းသဘောကျတယ် "
" ဘာတွေပြောနေကြတာလဲ? "
သူမတို့နှစ်ယောက်အနားတွင် တိတ်ဆိတ်စွာ နားထောင်နေခဲ့သူ Demimore မှာ ရုတ်တရက် ကြားဖြတ်ကာ မေးမြန်းလာတော့သည်။ ထိုစကား၌ Lausanne က Mary ကို အကြည့်တစ်ချက်ပေးလာခဲ့၏။ သူမ၏ပုံစံမှာ ပြောပြလိုက်ရမလားဟု ခွင့်ပြုချက်တောင်းနေသည့်ဟန်။ Mary က ခေါင်းကို ပြင်းပြင်းထန်ထန် ခါပြလိုက်သည်။ ၎င်းမှာ ရှက်ရွံ့စရာကောင်းလှ၏။ Lausanne က နားလည်သွားပုံဖြင့် Mary ကို မျက်လုံးတစ်ဖက်မှိတ်ပြလာခဲ့သည်။
" ဒါကမိန်းကလေးတွေကြားက လျှို့ဝှက်ချက် "
" မမ ကျွန်တော့်ကို ပြောပြလို့မရဘူးလား? "
" မင်းကို တကယ်ပြောပြစေချင်တာလား? "
Lausanne သည် Demimore ကို ကြည့်လိုက်ရင်း သူမ၏မေးစေ့ပေါ် လက်ညိုးတင်လိုက်ရင်း စဥ်းစားသယောင် ပြုလုပ်လိုက်သည်။
အစ်မကြီးရေ သူ့ကို တကယ်ပြောပြတော့မှာတော့ မဟုတ်ဘူးမလား? မဟုတ်ဘူးလေ။ စောစောက ငါ့ကို မျက်စီမှိတ်ပြခဲ့တယ်လေ။ ငါတို့ကြားက ယုံကြည်မှုက ဒီလောက်ပဲရှိတာလား?
Lausanne သည် Mary ၏ ရှက်ရွံ့နေသောမျက်နှာကြောင့် ပိုပြီး ပြုံးရွှင်လာခဲ့သည်။ Demimore ၏ မျက်နှာ၌ သိလိုစိတ်များပိုဖြစ်လာခဲ့သည်။
ဒါကြောင့် သွေးကရေထက်ပိုပျစ်တယ်လို့ ပြောကြတာကိုး။ နင်တို့မောင်နှမနှစ်ယောက်က လူညစ်တွေပဲ!
" ဒါပေမဲ့ ဒါက မိန်းကလေးတွေကြားကကိစ္စဆိုတော့ ပြောဖို့ခက်သား "
" ဟမ့် ထပ်ပြီးအရူးလုပ်ခံရပြန်ပြီ "
Lausanne က မထင်ထားရလောက်အောင်ကိုပင် ပျော်တတ်သောလူတစ်ယောက်ဖြစ်ပုံရသည်။ Demimore က အရှုံးပေးလိုက်သလို လက်နှစ်ဖက်ကို မြှောက်ပြလာသည်။ Lausanne က ချစ်စရာကောင်းစွာဖြင့် လျှာလေးကိုတစ်လစ်ထုတ်ပြကာ ပြောင်ပြလိုက်သည်။ Mary သူမ့အပေါ် ခဏတာမျှ သံသယဝင်လိုက်မိသည့်အတွက် အပြစ်ရှိသလိုတောင် ခံစားလိုက်ရ၏။ Lausanne သည် Demimore အစ်အောက်မေးနေမှုကို မဖြေဘဲ အပြုံးကြီးတစ်ခုဖြင့် ရယ်မောနေခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
