Unicode
အခန်း ( ၉၇ )
အဲ့ဒါဆိုလဲ ဘာလို့ပေါ်လာနေသေးလဲ?
Mary က အဆိုပါစကားလုံးကို မျိုသိပ်လိုက်ရင်း ထိုလူ၏ နောက်ထပ်ပြောမည့်စကားကို ငြိမ်သက်စွာစောင့်နေခဲ့သည်။
"မင်းရဲ့မွေးနေ့ပွဲကို ငါမဖျက်ဆီးချင်ဘူး "
"ရှင်က ဘယ်သူလဲ? "
"သူတို့က ငါ့ကို ခေါ်ထုတ်ဖို့အတွက် အကြောက်အလန့်မရှိ မင်းကို ပြန်ပေးဆွဲခဲ့ကြတာပဲ "
"ဘယ်သူက ကျွန်မကို ပြန်ပေးဆွဲတာလဲ? "
" မင်း ဒီလောက်လူတွေ အများကြီးဆီက မွေးနေ့ဆုတောင်းစကားတွေ လက်ခံရတာ ပထမဆုံးအကြိမ်ဖြစ်မယ်၊ ဟုတ်တယ်မဟုတ်လား?"
ထိုလူသည် Mary မေးသောစကားတွေကို ပြန်မဖြေချင်သယောင်ဖြင့် သူပြောချင်ရာကိုသာ ဆက်တိုက်ပြောနေခဲ့သည်။ Mary က စကားတစ်ခွန်းမှမဆိုတော့ပဲ တိတ်တဆိတ်စိုက်ကြည့်လိုက်သောအခါ ထိုလူကြီးသည် ကသိကအောက်ဖြစ်စွာ ထရပ်လာခဲ့၏။
"မင်းရဲ့ မွေးနေ့ရောက်ရင် ကောင်းချီးတွေက အားနည်းသွားတယ်ဆိုတာ မင်းအဖေက မသိဘူး ထင်ပါရဲ့ "
"ဘာ? "
"ဒီမှာ လူတွေ အများကြီး ရှိနေတော့ ဒီထဲကို ဝင်လာဖို့ ဒီလောက်တောင် လွယ်နေလိမ့်မယ်လို့ ငါ မထင်ထားခဲ့ဘူး "
"ဘာကိုဆိုလိုတာလဲ? "
"မင်းက ဘာဖြစ်လို့ ဒီမိသားစုထဲကို မွေးဖွားလာရတယ်ထင်လဲ? "
ထိုသူနှင့် စကားများပြောဆိုခြင်းကို Mary မုန်းခဲ့သော်လည်း ယခုအချိန်တွင်မူ သူပြောခဲ့သော စကားများသည် အရေးပါသော ပဟေဠိအပိုင်းအစများကို ပေးနေခဲ့သည်။ ထိုသူပြောခဲ့သော ကောင်းချီးသည် Conler မျိုးရိုး၌ မျိုးဆက်အလိုက် လက်ဆင့်ကမ်းလာခဲ့သော နတ်ဆိုးကောင်းချီးများ ဖြစ်သည်မှာ ထင်ရှားသည်။ သို့သော် သူမ၏မာနကြောင့် ထပ်မေးရန် အခက်အခဲများရှိနေခဲ့သည်။
" ငါ လာရတာက အသုံးမကျတဲ့ကောင်တွေ ရောက်လာပြီး မင်းရဲ့ပါတီကို ပျက်စီးစေမှာကို စိုးရိမ်လို့ "
မင်းကိုယ်တိုင်ပေါ်လာတာက အားလုံးကို ပိုတောင်ပျက်စီးသွားစေတာ မသိတာလား?
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
