မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 108 )

Unicode

                           အခန်း ( ၁၀၈ )

Estin ဧကရာဇ်နှစ်ဦးတည်းသာ ရွှေရောင်ခန်းမအတွင်း၌ ရှိနေကြ၏။ ရွှေရောင်ခန်းမ၏ ပြတင်းပေါက်များကို အနီရောင်ကတ္တီပါလိုက်ကာထူထူများက ဖုံးကွယ်လို့ထားသည်။

ဧကရာဇ်သည် ရွှေရောင်ပလ္လင်ပေါ်တွင် ထိုင်နေခဲ့သည်။ ထိုပလ္လင်၏နောက်တွင် နေမဝင်အင်ပါယာကို ရည်ညွှန်းသည့် နေလုံးကြီးတစ်လုံးကို ထွင်းထုထားသည်။

ဖန်လုံအိမ် ဥယျာဉ်သည် Estin နှင့် ဧကရာဇ် တွေ့ဆုံလေ့ရှိသည့် ပုံမှန်နေရာ ဖြစ်ပေသည်။ ဧကရာဇ်၏ Estin အပေါ် ခံစားချက်များသည် ရှုပ်ထွေးနေသည်မှာ သံသယဖြစ်ဖွယ်မရှိပေ။ သို့သော်လည်း မည်သို့ပင်ဖြစ်စေ Estin ကို အလွန်ငယ်ရွယ်စဉ် ကတည်းက သိကျွမ်းခဲ့သော ဧကရာဇ်အတွက် Estin ဟာ ရင်းနှီးသော မိတ်ဆွေတစ်ယောက်ဖြစ်ပြီး အစ်ကိုတစ်ယောက်နှင့်ပင် ဆင်တူပေသည်။

ဧကရာဇ်အနေဖြင့် သူနှင့်တွေ့ဆုံလိုသည့် Estin ကို ခေါ်လိုက်ခြင်းသည် တစ်မျိုးအားဖြင့် ကံကောင်းခြင်းပင်ဖြစ်သည်။ ၎င်းသည် သူ့အား ဘုရင်တစ်ပါးအဖြစ် အသိအမှတ်ပြုနိုင်ရန် ကူညီပေးနိုင်လိမ့်မည်။ သူက ဧကရာဇ်၏ ရည်ရွယ်ချက်များကို နားလည်သည်ဖြစ်စေ၊ မနားလည်သည်ဖြစ်စေ Estin သည် အလှမ်းဝေးသောနေရာတွင် မလှုပ်မယှက်ရပ်နေခဲ့သည်။

တိတ်ဆိတ်မှုသည် မသိနိုင်သော ပင်လယ်နက်ကြီးနှင့် ဆင်တူနေသည့်အတွက် ဧကရာဇ်က ရုတ်တရက် ကြောက်ရွံ့လာသည်။ အဘယ်ကြောင့်ဆိုသော် မည်သည့်အချိန်တွင် ဧရာမဆူနာမီလှိုင်းကြီး ရိုက်ခတ်လာမည်ကို သူ မသိနိုင်ခြင်းကြောင့် ဖြစ်ပေသည်။ ထို့ကြောင့် ဧကရာဇ်က စ၍လှုပ်ရှားလိုက်သည်။

“တကယ်ပဲ အဲ့ဒီအထောက်အထားတွေက Cameron က တရားခံအစစ်အမှန်ဆိုတာ ပြနေတာလား? ”

ဧကရာဇ်မင်းက ပထမဆုံးစကားစရန် ရဲရဲဝံ့ဝံ့ ဆုံးဖြတ်လိုက်သည်။ Estin သည် ဧကရာဇ်၏ အပြုအမှုကို အနည်းငယ်မျှပင် စိတ်အနှောင့်အယှက်မဖြစ်ခဲ့ပေ။ ဧကရာဇ်မင်း၏ တုံ့ပြန်မှုကို ကြိုတင်မျှော်လင့်ထားသကဲ့သို့ပင် ဖြစ်ပေသည်။