Unicode
အခန်း ( ၉၃ )
“ သခင်မလေး အိမ်မက်ဆိုးတွေထပ်မက်တာလား?”
Carol က စိုးရိမ်တကြီးနဲ့ Mary ကို ကြည့်ကာမေးသည်။ သူမ အားမရှိစွာ ပြန်ရယ်ပြလိုက်သည်။ အိပ်မက်ဆိုးတွေက ပိုပိုပြီးတော့ ဆိုးလာသည်။ အိမ်မက်ဆိုးတွေက သူမကို ဒီကမ္ဘာကြီးနှင့် ကင်းကွာသွားအောင် ဖန်တီးနေသည်ဟုခံစားလာရသည်။ ဒေါသတကြီးနှင့် ကုတင်ကို ရိုက်လိုက်မိပါသော်လည်း ဈေးကြီးသော ကုတင်သည် တုပ်တုပ်မျှပင်လှုပ်မသွားချေ။
“အဆင်ပြေရဲ့လား?”
“အင်း၊ ပြေပါတယ်”
“သခင်မလေး Mary…”
“Carol၊ လက်ဖက်ရည်ပူပူလေး သောက်ချင်တယ်”
“ချက်ချင်း သွားယူပေးမယ်နော်”
Mary က လက်ဖက်ရည်နွေးနွေးလေး သောက်ချင်သည်ဟု ပြောသောအခါ Carol သည် တံခါးကို ဖွင့်ပြီး အပြေးအလွှား ထွက်သွားခဲ့သည်။ သူထပ် ချော်လဲမည်ကို Mary စိုးရိမ်မိသည်။ Carol သည် အခုအချိန်တွင် တရားဝင် အိမ်အကူတစ်ယောက် ဖြစ်နေသော်လည်း သူမကို စိုးရိမ်မိနေတုန်းပင်ဖြစ်သည်။ သူမသည် ယခုထိ ရှပ်ပြာပြာနိုင်နေဆဲသာ။
ဘာလို့ ငါ ဒီလိုအိပ်မက်တွေကိုပဲ ထပ်ခါတလဲလဲ မက်နေရတာလဲ?
Maryသည် ဒူးနှစ်ဖက်ကို ရင်ဘတ်နားကပ်ကာ ကိုယ်ကို တတ်နိုင်သမျှ ကျုံ့ကျုံ့လေး ကွေးပြီး ထိုင်လိုက်သည်။ ထို့နောက် မေးစေ့ကို ဒူးပေါ်တင်ကာ စိတ်ညစ်နေမိသည်။
ရေကန်အကြောင်း အိပ်မက်မက်သည့် အကြောင်းရင်းကို မတွေးမိတော့သော်လည်း မူရင်းဇာတ်လမ်းအား အဘယ်ကြောင့် ထပ်ခါထပ်ခါ အိပ်မက်မက်နေရသလဲဆိုသည်ကိုတော့ တွေးနေမိသည်။ အဘယ့်ကြောင့် Maryအား အဆိုးဆုံး အခြေအနေများဖြင့်သာ မြင်နေရသည့်အကြောင်းကို မေးခွန်းထုတ်နေမိသည်။
မူရင်းဇာတ်လမ်းကိုယ်တိုင်ကပင် Mary အတွက် ပျော်ရွှင်စရာဇာတ်လမ်း မဟုတ်သောကြောင့်လည်း ဖြစ်ကောင်းဖြစ်နိုင်ပါသည်။
သူမ၏လမ်းကြောင်းကို သူမဘာသာရွေးချယ်ပြီး ဘဝကိုရှင်သန်ရမည်ကို သိသော်လည်းမက်နေသောအိမ်မက်များက Maryကို ကူကယ်မဲ့ဖြစ်သလိုခံစားရစေသည်။မတူညီသည့် လမ်းကြောင်းရွေးချယ်မိလျှင်တောင် ရလဒ်က အတူတူဖြစ်နေမည်ကိုစိုးရိမ်မိသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
