Unicode
အခန်း ( ၉၈ )
“ Mary! ”
Mary မြေပြင်ပေါ်ရောက်သည်နှင့် Astina က Mary ဆီသို့ ပြေးလာကာ သူမကို ပွေ့ဖက်လိုက်သည်။ Astina ၏အသံမှာ တုန်ရီနေခဲ့သည်။ Mary ရုတ်တရက် ပျောက်ဆုံးသွားခြင်းကြောင့် ထိတ်လန့်သွားပုံရသည်။ Mary က Astina ၏ပခုံးကို ပုတ်ပြီး နှစ်သိမ့်ပေးနေခဲ့ရသည်။ သူမသည် Maryပြန်ပေးဆွဲခံခဲ့ရသည်ကို ပထမဆုံးအကြိမ် မြင်လိုက်ရသောကြောင့် အတော်လေးထိတ်လန့်သွားခဲ့သည့်ပုံပင်။ မူရင်းဇာတ်လမ်းသာဖြစ်ခဲ့ပါက Astina သည်လည်း Mary ထံမှ ကို တစ်ခါပြန်ပေးဆွဲခံခဲ့ရပြီးနေလောက်ပြီဖြစ်သည်။
Astina ဘေး၌ အစ်ကိုသုံးယောက်သည် စိုးရိမ်သောမျက်လုံးများဖြင့် Mary ကို ကြည့်နေခဲ့ကြသည်။ ထိုအကြောင်းကို စဉ်းစားကြည့်ပါက မူရင်းဇာတ်ကြောင်းတွင် အစ်ကိုသုံးယောက်သည် Mary ထက် Astina ကိုပို၍ နှစ်သက်ခဲ့ကြသောကြောင့် Astina သည် သူတို့၏ညီမဖြစ်ခဲ့လျှင် ပိုကောင်းလိမ့်မည်ဟု Mary ယူဆမိသည်။ Aiden တောင်မှ Astina ကိုနှစ်သက်ခဲ့သည်။
Maryသည် မူရင်းဇာတ်လမ်းကို ပြန်ပြောင်းတွေးကြည့်ရင်း သူမ၏အခြေအနေနှင့်ပတ်သက်၍ စိတ်ပျက်နေခဲ့စဉ် Astina သည် Mary ကို အသည်းအသန်ဖက်ထားခဲ့ပြီး အစ်ကိုသုံးယောက်၏မျက်နှာများသည်လည်း လွန်စွာမှကြည့်ရဆိုးနေခဲ့သည်။ ထို့ကြောင့် Maryသည် မူရင်းဇာတ်ကြောင်း စိုးရိမ်ခြင်းကို ခဏမျှ ဘေးဖယ်ထားရန် ဆုံးဖြတ်လိုက်သည်။
သူတို့ကို အရင်ဆုံး နှစ်သိမ့်ပေးမှဖြစ်မယ်...
“ညီမလေး တကယ်အဆင်ပြေပါတယ် ”
“ မင်းရှိတဲ့နေရာကို ငါတို့လိုက်ချင်ခဲ့တာ... ဒါပေမဲ့ ဧည့်သည်တွေကို စောင့်ကြည့်နေရလို့…”
“ အဲ့ဒါကြောင့် ညီမလေး ပြန်ပေးဆွဲခံရပေမယ့် အစ်ကိုတို့ကြောင့် စိတ်လုံခြုံတယ်လို့ ခံစားရပါတယ်ဆို…”
“Mary!”
Gilbert ဒါမှမဟုတ် Aiden ဆိုလျှင် Mary ပြောလိုက်သော စကားကို စနောက်သည်ဟု နားလည်လိမ့်မည်။ သို့သော် Theodore ကမူ လွန်စွာစိတ်ဆိုးနေခဲ့သောကြောင့် Mary သည် အကြောင်းပြချက်တစ်စုံတစ်ရာမရှိဘဲ ရှက်ရွံ့သွားခဲ့သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
