မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 96 )

Unicode
                   အခန်း ( ၉၆ )

Estin က Mary ထွက်သွားသည့် တံခါးကို ကြည့်နေတုန်းမှာဘဲ Estin ၏ မျက်နှာအမူအယာကို သတိထားမိသွားတဲ့  Lucas က ဘေးနားမှ တိုးတိုးလေး ကပ်ပြောလာသည်။

" သခင်ကြီးရဲ့ ချစ်ရပါသော သမီးတော်လေးက သူ့ရဲ့ စေ့စပ်လက်တွဲဖော်နဲ့ အပြင်ထွက်သွားတာကြောင့် စိတ်မသက်မသာ ဖြစ်နေတာမလား? "

"စေ့စပ်လက်တွဲဖော် ဟုတ်လား? သူတို့နှစ်ဦးက စေ့စပ်တာမျိုးတောင် မရှိသေးဘူး"

Estin က နှာခေါင်းရှုံ့လိုက်သည်။ သူ့အမြင်တွင် Demimore သည်လည်း ဤအခြေအနေ၏ သားကောင်ဖြစ်ခဲ့သည်။ မဟုတ်သေး။ Demimore မျက်နှာကို မြင်သောအခါတွင် သူ့မျက်နှာအမူအရာကို မထိန်းချုပ်နိုင်သည်က အမှန်ပင် ဖြစ်သည်။

Estin ၏ မျက်နှာအမူအရာသည် မကောင်းသော်လည်း၊ ထိုသို့ဖြစ်ရခြင်းမှာ Mary နှင့် Demimore အပြင်ထွက်သွားသည့်အတွက်ကြောင့် မဟုတ်ပေ။

"ငါ မသိသလိုပဲ ဟန်ဆောင်သင့်လား? "

" ဘာကိုလဲ? "

Estin က ဘေးပတ်ဝန်းကျင်ရှိ ပွဲတော်ခန်းမကို လှည့်ပတ်ကြည့်နေသည်။ ထိုသို့ လှည့်ပတ်ကြည့်ရှုရခြင်းမှာ မကောင်းသောစွမ်းအင်များ  ပွဲတော်ခန်းမ၌ လှည့်ပတ်နေသောကြောင့်ဖြစ်သည်။ ၎င်းသည် သူ့ကလေး၏ ပထမဆုံး မွေးနေ့ပွဲ ဖြစ်နေသေး၍ ပွဲတော်ကို ချက်ချင်းအဆုံးသတ်ပြီး ဧည့်သည်များကို အိမ်သို့ပြန်လွတ်ကာ ပွဲတော်ပျက်စီးစေချင်သော ဆန္ဒမရှိခဲ့ပေ။

ကလေးငယ်သည် လက်ဆောင်ကို လက်ခံရရှိပြီးနောက် ပျော်ရွှင်သော မျက်နှာအမူအရာကို မြင်တွေ့ရသည်နှင့်အမျှ သူ၏လောဘသည် များစွာ တိုးလာခဲ့သည်။ သူသည် ကလေးငယ်ကို ပျော်ရွှင်စေချင်သည်။

သူသည် "တစ်စုံတစ်ရာ" ကို ခံစားမိသည်ဆိုပါက အသင့်ပြင်ထားမည်ဖြစ်သော်လည်း အဘယ်ကြောင့်မှန်းမသိ၊ ၎င်းမှာ အားနည်းသော စွမ်းအင်တစ်ခုသာ ဖြစ်နေခဲ့သည်။  Estin တောင် ဤမျှအင်အားနည်းသော စွမ်းအင်သေးသေးလေးကိုသာ ခံစားမိသည်ဆိုလျှင် အခြားမည်သူတစ်ဦးတစ်ယောက်ကမှ ထိုစွမ်းအင်ကို ခံစားမိမည်မဟုတ်သည်မှာ သေချာ၏။