မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 124 )

Unicode
                     အခန်း ( ၁၂၄ )

​ထိုနည်းဗျူဟာသည်် အလုပ်ဖြစ်ခဲ့သည်။

Knight အဖွဲ့ဝင်များ ထွက်ခွာသွားပြီးနောက် လရောင်လေးတစ်စွန်းတစ်စပင် ဝင်ရောက်မလာနိုင်အောင် ကာရံထားသည့် တောနက်ကြီးသည် တစ်ဖန်ပြန်၍ တိတ်ဆိတ်ငြိမ်သက်သွားခဲ့သည်။ Estin နှင့် Hestia တို့ဦးဆောင်၍ အနောက်တွင် အဖွဲ့ဝင်သုံးဦး လိုက်ပါလာခဲ့သည်။ သူတို့သည် တောနက်အတွင်းသို့ တိတ်တဆိတ် ဝင်ရောက်ခဲ့ကြသည်။

​နောက်ဆုံး၌ ထိုအကောင်ကြီးသည် Estin ရှေ့မှောက်သို့ ပေါ်ထွက်လာခဲ့ချေသည်။ ရန်သူများအနီးအနားတွေရှိနေသည်ကို အချိန်အတော်ကြာ မခံစားခဲ့ရသော ထိုအကောင်ကြီးမှာ သတိလက်လွတ်ဖြစ်သွားဟန်တူသည်။

​​သူ၏ လက်ခြေများသဖွယ်ဖြစ်သော လက်အောက်ငယ်သားများ ဆုံးရှုံးခဲ့ရခြင်းကြောင့်လည်း အလွန်အမင်း အလောတကြီးဖြစ်နေဟန်ရှိ၏။ ထိုသားရဲကြီးသည် လူငါးဦးသာပါဝင်သော knight အဖွဲ့ငယ်လေးကို မြင်လိုက်ရသောအခါ  အံ့အားသင့်၍ ပါးစပ်အဟောင်းသားဖြစ်သွားခဲ့ပြီး မိမိ အနိုင်ရပြီဟု ယုံကြည်သွားခဲ့သည်။

​​၎င်း၏ကြီးမားလှသော သွားစွယ်ကြီးများမှာ အေးစက်စက်တောက်ပနေကြသည်။ Estin က ဓားရိုးကို ဖွဖွလေးဆုပ်ကိုင်လိုက်သည်။ သူ့အား ကြောက်ရွံ့လာအောင် ဓားကိုဝှေ့ယမ်းပြရန်ပင် မလိုအပ်သေးပေ။

​Estin နှင့် သားရဲကြီးတို့ တိုက်ခိုက်နေစဥ်အတောအတွင်းတွင် ဘေးဘက်မှ လှုပ်ရှားမှုတစ်ခုကို ခံစားလိုက်ရသည်။ ထိုအကောင်ကြီး၏နောက်လိုက်သားရဲတစ်ကောင် ကျန်ရှိနေသေးပုံရ၏။

​သစ်ပင်များအကြားမှ သားရဲတစ်ကောင်က အလျင်အမြန် ပြေးထွက်လာခဲ့သည်။ သို့သော် Hestia က ပို၍မြန်ဆန်လေသည်။ Hestia ၏ မီးခိုးရောင်ဆံနွယ်များဟာ မှိန်ဖျော့နေသော အလင်းရောင်အောက်တွင် လွှင့်မျောလို့နေသည်။ Hestia က ရှေ့သို့ ချက်ချင်းတိုးဝင်ပြီး သားရဲ၏ မျက်လုံးနှစ်လုံးကြားကို ဓားဖြင့် ထိုးသွင်းလိုက်သည်။ ​ထိုသတ္တဝါ၏နာကျင်စွာ အော်ဟစ်လိုက်သော ကြောက်မက်ဖွယ်ကောင်းသော အော်သံနက်ကြီးမှာ ထူထပ်သောတောအုပ်ကြီးအတွင်းဝယ် ပဲ့တင်ထပ်သွားခဲ့၏။