Unicode
အခန်း ( ၄၇ )
[ ဒီနေ့ Carol ရောက်တယ်။ သူမကို ပြန်တွေ့ရတာ အရမ်းကောင်းပါတယ်။
Carol ကိုယ့်ကိုယ်ကို အရမ်းကြီးဖိအားပေးမနေဖို့ဘဲ ငါ မျော်လင့်ပါတယ်။
ဒီနေ့ ရာသီဥတုကောင်းတော့ ငါ့ရဲ့စိတ်ခံစားချက်က ပိုကောင်းလာတယ်! ]
Mary ၏ ဒိုင်ယာရီကို ဖတ်ပြီးသည့်နောက် Gilbert သည် မသိလိုက်မိစွာ ရယ်လိုက်မိသည်။ သို့သော်လည်းပဲ ဤအချိန်မှာ ရယ်ရမည့်အချိန်မဟုတ်ကြောင်း သူ နားလည်လာခဲ့သည်။ Mary သည် အကြောင်းအရာ၌သာမက စာလုံးပေါင်းသတ်ပုံတွင်ပါ ထိုမျှ ဆိုးရွားနေမှန်း သူ မသိခဲ့ချေ။
သို့သော် ထိုကောက်ကွေးရွဲ့စောင်းနေသော စာလုံးလေးများမှာ တစ်နည်းနည်းဖြင့် ဆန်းသစ်ကာ ချစ်စရာကောင်းလှသောကြောင့် အစောပိုင်းက သူ ချုပ်တည်းထားခဲ့သော ရယ်မောသံများမှာ ပြန်လည်ပေါ်ထွက်လာခဲ့သည်။
“ ဟူး~ ”
၎င်းနောက် သက်ပြင်းချသံတစ်ချက်မှာ ထပ်ပြီး ထွက်ပေါ်လာခဲ့သည်။
Gilbert စံအိမ်ကြီးမှာ ရှိနေစဉ်အတွင်း Mary ကို ဤကဲ့သို့သော နည်းလမ်းဖြင့် သင်ပေးနေခြင်းဖြစ်သည်။ သို့သော် ပြန်လည်ထူထောင်ရေးစီမံကိန်းပြီးဆုံးလျှင် သူသည် အကယ်ဒမီသို့ ပြန်ရတော့မည်ဖြစ်သည်။ထိုအတွက်ကြောင့်ပင် သူတို့သည် ကလေးငယ်အား သင်ကြားပေးရန် tutorတစ်ယောက် အမြန်ရှာဖို့လိုသည်။ သူ မပြန်ခင် tutor ရှာမှ သူသည် ထို tutor ၏ အရည်အချင်းကို စစ်ဆေးကာ ကလေးငယ်ကို သင်ကြားပေးဖို့ သင့်တော်သလား ၊ မသင့်တော်ဘူးလား ဆိုတာကို ဆုံးဖြတ်နိုင်မည်ဖြစ်သည်။
ထို့ကြောင့် သူသည် ယနေ့တွင် tutor မြန်မြန်ရှာဖို့ Lucas ကို တိုက်တွန်းခဲ့သည်။ ထိုအခါ Lucas က သူ့သွေးတွေကို ခမ်းခြောက်အောင် လုပ်နေတာပဲဟု ပြောရင်း ဖြတ်သွားခဲ့သည်။
Estin သည် Mary က ပန်းချီဆွဲရာတွင် ထူးချွန်သောကြောင့် Mary ၏ ပန်းချီကို ပိုကောင်းလာအောင် သင်ကြားပေးနိုင်မည့် ပန်းချီဆရာကို ရှာဖွေနေကြောင်း သူ ကြားသိရသော်လည်း သူမသည် ပန်းချီပညာတွင် ထူးချွန်ပြီးသားဖြစ်သောကြောင့် ပိုပြီး အရေးကြီးသည့်အရာမှာ စာရေးခြင်းဖြစ်သည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceWeekly update- Fri & Sat & Sun Status in COO_ Chapter226+side story *credit to author 윤로체 and English translator*
