Unicode
အပိုင်း (၃၀)
ငါ့မှာ မောင်လေးတစ်ယောက်ရှိတယ်ဆိုပြီး မင်းက ရုတ်တရက်ကြီး ငါ့ကိုပြောလာတော့ ငါက ဘယ်လိုလုပ်ရမှာလဲ ပြော?
ရုတ်တရက် ကလန်ကဆန်ပြန်ပြောချင်သော အတွေးတစ်ခုက စိတ်ထဲတွင် ဖျတ်ခနဲ ပေါ်လာသော်လည်း မျက်လုံးတွေကို ဖြေလျော့လိုက်ပြီး တတ်နိုင်သမျှ ပြုံးပြဖို့ Mary ကြိုးစားခဲ့သည်။
သူမမှာ ကြောင်မျက်လုံးတွေရှိတဲ့အတွက် ကလေးအတွက် မြင်ရတာ ကြောက်စရာကောင်းနေနိုင်သည်။
Mary သူ့ကို နွေးနွေးထွေးထွေး နှုတ်ဆက်လိုက်ရင် သူ စိတ်သက်သာရာရသွားနိုင်တယ်လို့ တွေးမိလိုက်တဲ့အတွက် လက်ကိုမြှောက်ပြီး ဝှေ့ယမ်းပြလိုက်သည်။
ဒါပေမဲ့ Mary ကို စိုက်ကြည့်နေတဲ့ သူ့မျက်လုံးတွေကတော့ Mary လုပ်သမျှ အပြုအမှုအားလုံးကို သတိအပြည့်နဲ့ ကြည့်နေပါတော့သည်။
သူ့မျက်လုံးထဲက ထိုအကြည့်ကို မြင်လိုက်ရတော့ သူမမှာ ဟယ်လို လို့တောင် မပြောနိုင်တော့ဘဲ လက်ကို ကိုးရို့ကားရားနဲ့ အသာပြန်ချလိုက်ရ၏။
ကလေးနှစ်ယောက်ကြားက အဆင်မပြေတဲ့အငွေ့အသက်ကို သူ သတိပြုမိလိုက်သလိုမျိုး Grand Duke Estin က ထပ်ပြောလာခဲ့ပါသည်။
“ Rex Bluea ”
“ ….. ”
“ သူမက မင်းရဲ့အစ်မပဲ ”
ထပ်ပြီးတော့ မင်းက သူ့ကို ရုတ်တရက်ကြီး ငါက သူ့ရဲ့အစ်မပါဆိုပြီး သွားပြောတော့ ငါ့ကို ဘယ်လိုလုပ်စေချင်တာလဲလို့ ?
Lucas ၏ ခြေထောက်နောက်တွင် ကွယ်ပြီး ရပ်နေခဲ့သော Rex သည် ခေါင်းကို ဘယ်ဘက်သို့ လှည့်လိုက်ကာ Mary ကိုစိုက်ကြည့်၍ အသာ ခေါင်းညိတ်ပြလာခဲ့သည်။
ထိုကလေးသည် သူ့ဘေးတွေရပ်နေခဲ့သော Grand Duke Estin ထက် Lucas နှင့် ပိုပြီး ရင်းနှီးပုံပေါက်သည်။
“ မင်းတို့နှစ်ယောက်က အသက်က မတိမ်းမယိမ်းဆိုတော့ အတူတူ အဆင်ပြေပြေ ရှိနိုင်မယ်လို့ ငါ မျော်လင့်ပါတယ်! ”
“ အာ ဟုတ်ကဲ့... ”
Mary ဘာတွေတွေးနေခဲ့လဲ ဘာမှကို မသိခဲ့သော Lucas တစ်ယောက်ကတော့ တောက်ပစွာ ပြုံးလိုက်ပြီး လက်ခုပ်တီးနေသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceWeekly update- Fri & Sat & Sun Status in COO_ Chapter226+side story *credit to author 윤로체 and English translator*
