မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!

Chapter ( 82 )

Unicode
                 အခန်း ( ၈၂ )

ရထားလုံးဆီသို့ ရောက်လာခဲ့သည်။  Grand Duke Estin က Mary ကို ရထားလုံးပေါ်သို့ ကိုယ်တိုင်ကိုယ်ကျ ပွေ့ချီကာ ပို့ဆောင်ပေးခဲ့သည်။ Mary နေရာတကျဖြစ်သွားသောအခါ ရထားလုံးက စတင်ရွေ့လို့လာသည်။ Grand Duke  Estin ၏ တဖြည်းဖြည်း ပျောက်ကွယ်သွားသော ပုံရိပ်ကို ပြတင်းပေါက်မှတဆင့်မြင်ရသောအခါ Mary ဝမ်းနည်းသွားသလို ခံစားလာရသည်။ Grand Duke Estin က တရွေ့ရွေ့ထွက်ခွာသွားသော ရထားလုံးကို လက်ကိုပိုက်ထားရင် ငေးကြည့်နေခဲ့သည်။

" ငါ နောက်ဆုံးမှာ မိဘမဲ့ဂေဟာအကြောင်းကို စကားမစလိုက်သင့်ဘူး "

Grand Duke က ဘယ်အချိန်ပြန်လာမယ်မှန်း Mary မသိသော်လည်း အစောပိုင်းက သူ၏ပုံစံမှာ အဆင်မပြေဖြစ်နေပုံရသည်။

Grand Duke Estin က မိဘမဲ့ဂေဟာအကြောင်း ပြောဖို့ ဘာလို့တွန့်ဆုတ်နေခဲ့လဲဆိုတာကို Mary နားလည်လာခဲ့ပြီ။

အဲ့ဒါကြောင့်မလား?

Mary အစောပိုင်းက Sophia ပြောခဲ့သောစကားကို ပြန်အမှတ်ရမိသွားသည်။ မိဘမဲ့ဂေဟာမှာ နေထိုင်ခဲ့ရစဥ်က Mary မပျော်ခဲ့ရဘူးဆိုသည်မှာ မှန်ပင်မယ့် ဝမ်းနည်းနေရတာမျိုးလဲ မရှိခဲ့ပါ။ ထိုနေရာ၌  Leo နှင့် Astina ကို တွေ့ဆုံခဲ့ရသည်။

Grand Duke Estin က  သူမကို လာခေါ်မည်ဆိုတာကို သိပြီးသားမို့ ထူးထွေပြီးစိတ်ပျက်အားငယ်မနေခဲ့ချေ။  ခက်ခဲသောအချိန်တွေ ကြုံတွေ့ခဲ့ရခြင်းအတွက် သူမကို သနားသလိုကြည့်နေကြသည့် လူတွေကိုသာ သဘောမကျမိခြင်းဖြစ်သည်။

မည်သို့ပင်ဆိုစေကာမူ ထိုအတွေ့အကြုံများသည် ယနေ့ သူမ မည်သူဖြစ်သည်ကို ပုံဖော်ပေးခဲ့သည်။ ထိုအချိန်က မပျော်ရွှင်ခဲ့ရရုံမျှဖြင့် ထိုအခိုက်အတန့်များကို မေ့ဖျောက်ပစ်ဖို့ လိုလို့လား?

' အဲ့ဒီအချိန်တွေတုန်းကရော Grand Duke Estin က ငါ့ကို မုန်းနေလောက်လား? '

ထိုအတွေးက သူမခေါင်းထဲကို ရောက်လာသည်နှင့်တပြိုင်နက် Mary ခေါင်းကို မြန်မြန်ခါယမ်းလိုက်သည်။

ငါ  ခုဏက ဘာလို့ Lausanne နဲ့ Astina ကို အကြံဉာဏ်တွေ ပေးခဲ့မိတာပါလိမ့်? ငါက အဲ့လိုအကြံပေးရလောက်အထိလဲ..ငါ...