Unicode
အခန်း ( ၈၁ )
သူတို့ ဘာတွေပြောနေကြတာလဲ?
ငါ လောလောဆယ် သူတို့ပြောနေတဲ့စကားတွေကို နားထောင်လို့ရော ဖြစ်ရဲ့လား? Demimore က Lausanne ကို သဘောကျနေတာလား? ဒါဆို Astina ကရော? Demimore က Astina ကို ငယ်ငယ်လေးကတည်းက သဘောကျနေခဲ့တာ မဟုတ်ဘူးလား?
Mary က အံ့အားသင့်ကာ မယုံနိုင်သော အကြည့်များဖြင့် Demimore ကို ကြည့်လိုက်သောအခါ Demimore က ပျာပျာသလဲဖြင့် လက်တို့ကို မြှောက်ကာ ခါယမ်းပြလာသည်။
" မဟုတ် မဟုတ်ဘူး "
" ဒါပေမဲ့ ငါတို့က မွေးချင်းတွေဖြစ်နေလို့ ဒီချစ်ခြင်းကို တားမြစ်ထားတယ်တဲ့လေ၊ ဘယ်တတ်နိုင်ပါ့မလဲ.. "
Demimore က ငြင်းဆိုနေသော်လည်း Lausanne က ဝမ်းနည်းရိပ်သမ်းနေသော လေသံဖြင့် ဆက်ပြောလာခဲ့သည်။ Lausanne ၏ သဘာဝမကျတဲ့ချဲ့ကားပြောဆိုမှုကြောင့် သူမ၏ Demimore အပေါ် ထပ်ပြီး စနောက်လိုသော အမူအယာကို Mary သတိထားမိသွားခဲ့သည်။
အစ်မကြီးရေ ငါသာ အရင်ဘဝက နင့်ကို တွေ့ခဲ့ရလို့ကတော့ ငါ နင့်ကို သေချာပေါက် အောင်မြင်ကျော်ကြားတဲ့စာရေးဆရာဖြစ်အောင် လုပ်ပေးမိမှာပဲ...နေပါအုံး။ ဒီလို ဇာတ်လမ်းဇာတ်ကွက်မျိုးက ဖြစ်နိုင်ချေရှိတယ်ဟ..
ထိုသို့တွေးနေစဥ်၌ Demimore က ဘေးမှနားထောင်ရုံနဲ့ကို ရယ်ချင်မိသည့် တစ်စုံတစ်ရာကို ပြောလာခဲ့သည်။
" မမ ဘယ်အချိန်ထိ အဲ့လိုပြောနေတော့မှာလဲ? "
" အို နိုးး အဲ့ဒါအမှန်ပဲမဟုတ်ဘူးလား? "
" မဖြစ်နိုင်တာ!!! "
Demimore က အထင်လွဲခံရခြင်းမှာ မတရားပါကြောင်း ပြင်းပြင်းထန်ထန်ကို ငြင်းဆိုနေခဲ့သည်။ Demimore ၏ တုံပြန့်ပုံကို ကြည့်ပြီးနောက်မှ Lausanne က ဘာကြောင့် သူ့ကို စနောက်လိုရသလဲ Mary နားလည်သယောင်ရှိလာသည်။ သူ၏တုံ့ပြန်မှုမှာ ချစ်စရာကောင်းပြီး အပြစ်ကင်းလှသည်။ Demimore ၏ မတူညီသည့်ဘက်ခြမ်းကို မြင်ရသည်မှာ စိတ်ဝင်စားစရာကောင်းပါသည်။ ယခုမှ သူ့၏အသက်အရွယ်အတိုင်း မြင်တွေ့ရသလိုပင်။ ထိုကြောင့် Mary ကလဲ ဝင်ပြီး စနောက်ချင်လာသည်။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
