Unicode
အခန်း ( ၉၄ )
ဒီနေ့...
ဒီနေ့က မြေအောက်ကမ္ဘာ ရဲ့ သူတော်စင်ရဲ့ မွေးနေ့။
သွားရအောင်...
သွားကြည့်ရအောင်။
ဒါ နဝမအကြိမ်မြောက်ပဲ။
သွားကြစို့...
သူတော်စင်မလေးကို အမှောင်လောကကို ခေါ်သွားရအောင်။
အဲဒီလိုလုပ်ကြမယ်။
နောက်ဆုံးတော့
ငါ သူ့ကို ခေါ်သွားနိုင်ပြီ။
သွားရအောင်...
ဘယ်သူမှ မသိအောင်ပေါ့။
သူတို့ မသိသင့်ဘူး။
ဒီနေ့...
ဒီနေ့ပဲ...
သွားကြမယ်...
*****
Maryသည် နဖူးကို ပြတင်းပေါက်မှန်နှင့်အပ်၍ အပြင်ဘက်ကို စိုက်ကြည့်ရင်း လျောက်လမ်းတွင် မတ်တပ်ရပ်နေစဥ် ပါးစပ်မှာ အံ့သြ၍ ဟောင်းလောင်းပွင့်နေခဲ့သည်။
လူအများအပြား စုဝေးနေကြသောကြောင့်ဖြစ်သည်။
အဘယ်ကြောင့်ဆိုသော် Grand Duke Estin သည် ဆူဆူညံညံကို မနှစ်မြို့ပေ။ သို့ဖြစ်၍ Conler ရဲတိုက်သို့ လာရောက်လည်ပတ်သူ အရေအတွက်ကို ကန့်သတ်ထားသည်။ ထို့ပြင် ကန့်သတ်ထားသော ထိုလူများသည်ပင်လျှင် Maryနှင့် မတွေ့ဖူးကြပေ။
ရဲတိုက်၏ အဓိကဂိတ်နှင့် ပင်မရဲတိုက်ကြားရှိ အကွာအဝေးများရှိသော်လည်း မြင်းရထားများ ဆက်တိုက်ဝင်လာနေသည်။
ထိုမြင်းရထားများထဲမှ တစ်စီးတွင် Astina နှင့် Demimore တို့ စီးနင်းလိုက်ပါလာကြမည်ဖြစ်သည်။ ရုတ်တရက် မကြာသေးမီက မက်ခဲ့သော အိပ်မက်တစ်ခုကို ပြန်သတိရလိုက်သော်လည်း ခေါင်းခါ၍ ထိုအတွေးကို ပယ်ချလိုက်သည်။
တော်ပြီ တော်ပြီ။ အခုချိန်မှာတော့ အဲ့ဒီအကြောင်းတွေ မတွေးကြရအောင်။ သူတို့နှစ်ယောက်လုံးက ငါ့အတွက် သူငယ်ချင်းကောင်းတွေပဲ။
ကောင်းပြီ၊ အရင်ဆုံး…
“Mary!”
အတွေးထဲတွင်နစ်နေစဥ် ဘေးနားမှ အသံကို သူမ အာရုံစိုက်မိသွားသည်။ လျောက်လမ်း၏ အဆုံးတွင် အကယ်ဒမီ၌ ရှိနေသင့်သော Conler ညီအစ်ကိုသုံးယောက်ကို တွေ့လိုက်ရ၏။
YOU ARE READING
မြို့စားကြီးရဲ့ဒုက္ခအိုး သမီးဆိုးလေးက တစ်ယောက်ထဲပဲ နေချင်လို့ပါ!!!
RomanceStatus in COO_ Chapter226+side story *credit to author 윤로체 and English translator*
